Acts 10:1 - Mauni Mamaga Iifaga

¹ Roma auga aga'o aka Konelius, Roma ifani au'i 100 e'ima'i lopiaga Sisarea taoninai eagu. Ifani au'i ega'ina keifani'i Itali ifani au'i keoma.

Acts 10:1 Iomraidhean Croise

Acts 27:1

Egae kai Sisarea taoninai Roma au akaiki'a'i iifa kepaapa, lai lontiai fekeulaimai, Itali ago falao keoma. Ega aisama Paulo, lai, ke tipula au'i isa'i fou Sisa ifo ega ifani auga aga'o ifani au'i 100 e'ima'i auga aka Julius imagai kepaaumai.

Mateo 27:27

Egae kai kafana Pilato ega ifani au'i Iesu keafiia kafana eagu e'agai kekokoaina kai, ifani au'i fofouga kemaiseini'i keapa lofe.

Acts 8:40

Kai Filip auga Deo ega Spiritu isa Asotus taoninai epaapafokia. Egae kai Sisarea taonina elao alogai taoni ma'oai alo'iai ekoko iifa faunina Iesu fouga einogo aefua elao mo Sisarea taonina.

Acts 27:43

Kai ifani au'i 100 e'ima'i lopiaga, Paulo kania gaagamauga eoma puo, ifani au'i kapa'ina kekapa keoma auga epaapakipo'i akekapaisa. Egae kai eifa kapula peni'i, kaisau gau kelogo au'i, fekegopolai fekeufai fekegau, foe fekelao eoma.

Acts 25:1

Festus Feliks afuga eafiia emai Sisarea taoninai ekoko kina oiso elao. Egae kai Sisarea taonina epua'afuga Ierusaleme taonina elao.

Mateo 27:54

Iesu emae alogai ifani lopiaga, ifani au'i 100 e'ima'i auga, ke egae keapa Iesu ke'ima au'i fou kafokau akaiki'a e'ue, ke kapa ma'oai kemia au'i keisa'i. Ega aisama kemani'i alogaina ke keifa keinaka, “Iifa gome isa Deo Gauga paisa,” keoma.

Acts 27:31

Kai Paulo ifani au'i ke ifani au'i 100 e'ima'i lopiaga fou epaini'i einaka, “I'ina papiau'i lonti akepua'afuga koa aisama, Deo oi kaniami afaeagamauga,” eoma.

Acts 25:13

Kina oiso koa elao afegai, Kin Akripa ke afakua aka Benise fou Festus, kafana emia auga kegaifa felo penia keoma puo eega Sisarea taonina kelao.

Acts 23:33

Paulo fou kelao au'i, Sisarea taoninai kepealai aisama, malele kafana kepeniia. Ke Paulo isafa kafana imagai kepaaua.

Acts 23:23

Egae kai isa ifani au'i 100 ke'ima'i au'i auni'i eifani'i. Isa kemai aisama eifa kapula peni'i einaka, “Ifani au'i 200 ke ifani au'i otiai keaguka au'i, au'i ma'oai 70, ke auli iso keafi'i au'i, au'i ma'oai 200 amoafi kaigugui'i amofua amoagu, gapiai kina maaga 9 o'clock koa i'opoga Sisarea taonina folao.

Acts 22:25

Paulo ima keafiakae kania laagai kegopeisa ke kegagapuka keomaoma kai, ifani 100 e'ima'i lopiaga egae eapa auga epainia einaka, “Lau Roma au. Roma auga ega kelele kapa auga alokapulaisa kai agogapuka auga felo ma opamia?” eoma.

Acts 21:8

Ke egani aisama, apua'afuni'i lontiai alao Sisarea taoninai. Egae Sisarea taoninai, au aka Filip ega e'ai akoko fou aagu. Filip auga kina ma'oai iifa faunina Iesu fouga papiau maa'iai eifafoua auga. Ke ufainagai Ierusalemeai apostolo, pako'a papiau'i fekepalagaini'i keoma puo, epo'iai kekinani'i pipalagai au'i imagea kuagai gua kepamia'i au'i aga'o.

Ioane 18:12

Egae kai Roma ifani au'i ma'o, ke ifani au'i 1000 e'ima'i lopiaga, ke Iudea papiau'i ke'ima'i au'i fou Iesu keafiia kegopeisa.

Ioane 18:3

Ega puo Judas ke Faliseo au'i fou ifani au'i ma'o, ke sakedote lopia'i keulai'i au'i isa'i e'afeini'i kemai. Ke isa ikui, lanepa, ke pipaini amu'i fou keafii'i kelao ega'ina afugai.

Luka 7:2

Ega aisama egae Roma ifani au'i 100 e'ima'i lopiaga alo ko'agai ega kala'afi aga'o anina eani auga eisafa emia femae.

Mako 15:16

Ega'ina afegai ifani au'i Iesu keafiia kafana auga afuga, e'a akaiki'a alogai kekokoaina ke ifani au'i fofouga keifa kaigugu'i.

Acts 10:24

Ke egani aisama Sisarea taoninai kekoko. Ega'ina alogai Konelius aaga akina ipauma'i, ke ekefa'a ipauma'i au'i fou eifani'i ega e'ai kekaigugu, Peto ke ega'ina au'i fou ke'imai'i.

Acts 21:31

Ke Paulo kegaaupugua keomaoma kai, Roma ifani au'i 1000 e'ima'i lopiaga, Ierusaleme taonina alogai a'oa'o akaiki'a emia auga fouga elogo.