Acts 1:3 - Mauni Mamaga Iifaga

³ Kai Iesu ufai ae'agau koa kai, papiau Iesu keauniia, faaga kepakiekie, ke keaupugua. Kai kina oiso aisama maeai emaunimue. Ke kina ou'aga pani alogai ifo apostolo ekinani'i au'i eapakina peni'i fou kenini'ani. Ke Deo ega agofa'a fouga maa'iai eifania aefuafua. Ke isa iifa ko'a emaunimue auga ega apostolo epakina'i. Ega puo apostolo alo'i ko'agai Iesu emaunimue auga kepako'ania.

Acts 1:3 Iomraidhean Croise

Mateo 21:43

“Ega puo ega'ina iifaga koa i'opoga, lau oi maamiai laifa gomeisamo. Deo ega agofa'a oi eemiai ageafi'aua, ke ageafia papiau kapa'i pinauga ega'ina akekapa felo anina ageoge au'i agepeni'i.

Mateo 28:9

Ke fiakoa mo Iesu eapafoki fou kepiaogai, ke epamegoni'i einaka, “Oi oague ma?” eoma. Ega aisama isa kelao Iesu ife fo'inai keomukipo ifegai keafi kai keau afagaina.

Mateo 3:2

Ke ega inogoai iina eifa oma, “Emi laomai apala'i amoumakalaini'i, gome Deo ega agofa'a emai kainagai,” eoma.

Mateo 4:2

Ke egae ago maininai eani gopegope kapa aga'o aeania elao kina ke gapi 40 aisama, inaega ekimu alogaina.

Mako 16:19

Lopia Iesu ega'ina iifa'i eifani'i afegai aisama, Deo Iesu ufai e'agauaina ke egae Deo kaina kainai eagu.

Ioane 20:26

Ke iifi aga'o elao afegai, Iesu ega imoi pa'afi kekupuni'i e'a alogai keagu pugu aisama, Tomas isafa egae fou keagu. Ke pa'afi kekupuni'i mo ganinagai Iesu emai epo'iai eapafoki ke epaini'i einaka, “Gagao eemiai gaka!” eoma.

Ioane 21:1

Ega'ina afegai Iesu Tiberias a'uga, keifaga Kalilea a'uga keoma auga a'ugai ega apostolo eapakina peni'i pugu. Isa eapakina peni'i aisama iina ekapa oma:

Ioane 21:14

Iesu maeai emaunimue afegai, i'ina auga isa ega imoi eapakina peni'i oiso epamia auga.

Acts 13:31

Egae kai kina ma'o alogai papiau Kalilea ago kepua'afuga, isa fou Ierusaleme taoninai kemai au'i eapakina peni'i. Pau isa i'a a'a papiau maa'iai Iesu fouga ko'a auga keifafoua.

Acts 19:8

Ke Paulo egae gafa oiso eagu, ke Iudea papiau'i e'i la'afou afugai ekoko, Deo ega agofa'a fouga fekepako'ania eoma puo, aimani'ina mo enini'ani kapula alogaina.

Acts 28:23

Ke kenini'ani afegai, kina keogeisa Paulo fou fekenini'ani pugu keoma. Ega'ina kinagai Iudea papiau'i ma'o mo kemai isa eagu afugai. Ega aisama Paulo Deo ega agofa'a fouga maa'iai eifafou kapulania. Ke Moses ega iifai ke profeta kapa'ina kepapua auga faaga'iai Iesu Mesaia fouga ko'a ipauma auga fekepako'ania eoma puo, eifa felo alogaina.

Acts 28:31

Paulo papiau maa'iai Deo ega agofa'a fouga einogoaina, ke Lopia Iesu Kristo fouga epamaleleni'i. Ega koa ekapaisa alogai, papiau aemani'iaini'i, ke kai aga'o isa aekaisapua epinauga aage mo.

Acts 8:12

Kai Filip einogo iifa faunina Deo ega agofa'a fouga ke Iesu Kristo aka eifania aisama, au papie fou Filip eifania auga kepako'ania ke baptismo keafiia.

Roma 14:17

Gome Deo ega agofa'ai auga, oi kapa'ina oania, ke oinu auga kapa aga'o laa'i. Kai Deo ega Spirituai oi Isa maagai alo opai aumi omia, gagaoai ke alogamai oagu auga kapa akaiki'a.

Kolose 1:13

Oi Isa tenkiu fopenia aoma, gome Isa i'a Satani umina auga papagai aagu au'a epapealai'a, ke emaiseni'a Gauga anina eani alogaina auga ega agofa'ai epakokoi'a.

1 Tesalonika 2:12

Ke ega'ina akapaisa alogai, magogo kapula apeniimi emi pako'ai foapa inoka aoma, ke alomafu oafii'i aisama apaameimi. Ke a'augainimi alafua, ega koa Deo oi eifanimi ega agofa'ai fokoko, ke ega eaea isapu akaiki'a fou alogai foagu eoma auga, oi ala foagu oma eoma auga mo agugai foagu aoma.

1 Ioane 1:1

Ufainagai aagoa ufa fou akegama koa kai, aufalao aga'o agu pagai maunina iifaga epipeni auga eagu. Isa eake emai agofa'ai aisama, lai i'ina iifaga isa eegai a'o alogonia, ke ifomai maamaisai aisa. Ke ifomai imamaisai isafa isa aafi opogaina. Pau lai ega'ina auga fouga aifafoua.