Mateo 9:2 - Mixteco del suroeste de Tlaxiaco Oaxaca

² Jee yukuán nkuvi ya̱ nki̱naka rá ñɨvɨ nu̱u̱nꞌ re̱ꞌ ɨɨn te̱e kúꞌvíꞌ ya̱ ntu kúvi kantaꞌ‑a, jee yósóꞌ‑o nu̱u̱nꞌ tu̱nchi̱só. Jee sáá niniꞌ Jesús ya̱ jínúꞌ iniꞌ ráa kúneí iniꞌ ráa re̱ꞌ jee nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Se̱ꞌya, nasáneí iniꞌ nú, chi ya nne̱káꞌnú iniꞌ ni̱ꞌ noꞌó jie̱ꞌe̱ꞌ kua̱chi nú ―nkachiꞌ Jesús.

Mateo 9:2 Iomraidhean Croise

Mateo 14:27

Soo kuísá ntañúꞌún nkaꞌanꞌ Jesús ráa, jee kachiꞌ re̱ꞌ: ―¡Koo tiɨ́kɨ́ iniꞌ rán, chi nuꞌuꞌ ví‑i, koto yúꞌví rán! ―nkachiꞌ Jesús.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Mateo 6:12

Jee kunekáꞌnú iniꞌ nú kune̱ꞌyá nú ránuꞌuꞌ jie̱ꞌe̱ꞌ kua̱chi sáꞌá ráníꞌ, kuéntáꞌ kua̱ꞌ suni nékáꞌnú iniꞌ ráníꞌ rá niváꞌa sáꞌá ráa ránuꞌuꞌ.

Mateo 8:10

Jee sáá nteso̱ꞌo Jesús rá tu̱ꞌun nkachiꞌ‑i, jee nti̱vɨ́ xíniꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ ya̱ níkɨ́nꞌ ráa re̱ꞌ kua̱ꞌa̱nꞌ: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ni sú nu̱u̱nꞌ ñuunꞌ Israel ntu nnániꞌinꞌ ni̱ꞌ ni ɨɨn ñɨvɨ ya̱ kúneí víꞌí iniꞌ‑i nuꞌuꞌ, kuéntáꞌ kua̱ꞌ kúneí iniꞌ te̱e yaꞌá nuꞌuꞌ.

Mateo 8:16

Jee sáá nkua̱a̱ꞌ, jee ña̱na̱ka rá ñɨvɨ nu̱u̱nꞌ Jesús, kue̱ꞌe̱ꞌ víꞌí rá ñɨvɨ ya̱ yɨ́ꞌɨ́ ta̱chi̱ꞌ kíni, jee jín tu̱ꞌun káꞌánꞌ ni Jesús, jee ntavaꞌ re̱ꞌ rá ta̱chi̱ꞌ kíni yɨ́ꞌɨ́ rá ñɨvɨ vá, jee suni nxi̱núvi re̱ꞌ ntáká rá ñɨvɨ kúꞌvíꞌ.

Mateo 9:22

Soo nna̱koto yátá Jesús, jee niniꞌ re̱ꞌ ña, jee nkachiꞌ re̱ꞌ: ―Nasaꞌá neí iniꞌ nú, se̱ꞌya sɨ́ꞌɨ́, chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ jee nxi̱núvi ni̱ꞌ noꞌó ―nkachiꞌ re̱ꞌ, jee kuísá máá hora yukuán nnuvi ña.

Mateo 9:5

¿Né ɨɨn vá ka̱ꞌá ka̱ꞌ kachiꞌ ni̱ꞌ rúja? ¿Á kachiꞌ ni̱ꞌ: “Nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú”, áxí, á kachiꞌ ni̱ꞌ: “Nako̱o jee kaka”, rúja?

Mateo 9:6

Soo nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, stúvi ni̱ꞌ nu̱u̱nꞌ rán sáva kukáꞌnú iniꞌ rán ya̱ nísotíñú ni̱ꞌ nu̱u̱nꞌ ñɨ̱vɨ́ yaꞌá sáva kunekáꞌnú iniꞌ ni̱ꞌ jie̱ꞌe̱ꞌ rá kua̱chi ñɨvɨ ―nkachiꞌ re̱ꞌ. Jee kuíre nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Nako̱o, jee nakeꞌen tu̱nchi̱só nú jee kuánoꞌonꞌ veꞌi nú ―nkachiꞌ re̱ꞌ.

Marcos 1:32

Sáá nku̱néñuꞌun, ya̱ ntaꞌanꞌ nka̱niiꞌ, jee nkiji rá ñɨvɨ jín nɨꞌɨ rá kúꞌvíꞌ jín rá ñɨvɨ yɨ́ꞌɨ́ ta̱chi̱ꞌ néꞌí nu̱u̱nꞌ Jesús.

Marcos 10:49

Saájee ña̱kui̱ñɨ̱ꞌ Jesús jee nkachiꞌ‑i: ―Kana rán maa. Jee nkana ráa te̱e kuáá vá, jee nkachiꞌ ráa nu̱u̱nꞌ‑u: ―¡Neí koo iniꞌ nú! ¡Nakuiñɨꞌ! Chi kána re̱ꞌ noꞌó.

Marcos 5:34

Jee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, nxi̱núvi ni̱ꞌ noꞌó jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ. Kuáꞌán váꞌa. Nuvi nú jie̱ꞌe̱ꞌ kue̱ꞌi̱ꞌ nú.

Marcos 6:50

chi ntáká ráa niniꞌ maa jee nyu̱ꞌví ráa. Soo kuíntañúꞌún nkaꞌanꞌ re̱ꞌ ráa, jee nkachiꞌ re̱ꞌ: ―Koo tiɨ́kɨ́ iniꞌ rán. Chi nuꞌuꞌ ví‑i. Koto yúꞌví rán.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Juan 2:25

Jee saáva ntu̱né jíniñúꞌún re̱ꞌ ya̱ ni ɨɨn ñɨvɨ ku̱ꞌva ráa ya̱ naáꞌ nu̱u̱nꞌ re̱ꞌ jie̱ꞌe̱ꞌ rá ñɨvɨ, chi ya jíníꞌ va̱ꞌa re̱ꞌ ná kúvi ya̱ ñúꞌún iniꞌ ánímaꞌ ntáká rá ñɨvɨ.

Juan 21:5

Saájee nkachiꞌ Jesús nu̱u̱nꞌ ráa: ―Te̱e kuáchí, ¿á ntu̱ví nníꞌínꞌ rán tia̱ká? ―nkachiꞌ re̱ꞌ nu̱u̱nꞌ ráa. Jee nna̱xiníkó ráa nu̱u̱nꞌ re̱ꞌ: ―¡Ntu̱ví ná íyó!

Hechos 14:9

Tésóꞌo re̱ꞌ ya̱ káꞌánꞌ Pablo. Jee nkino̱o Pablo nne̱ꞌyá‑a re̱ꞌ, jee niniꞌ‑i ya̱ kúneí iniꞌ re̱ꞌ Ndiosíꞌ ya̱ kuvi xinúvi‑i re̱ꞌ.

Hechos 19:12

jee ne̱ rá pañúꞌ áxí saꞌma, ya̱ níkɨnꞌ yɨkɨkúñu re̱ꞌ, jee jiánaka ráa maa nu̱u̱nꞌ rá kúꞌvíꞌ, jee núvi ráa, jee kéne rá ta̱chi̱ꞌ kini yɨ́ꞌɨ́ ñɨvɨ ranika̱ꞌ.

Hechos 23:11

Yakuááꞌ ki̱vɨ̱ꞌ steñu̱ꞌún yukuán ntu̱vi I̱toꞌoꞌ‑ó nu̱u̱nꞌ Pablo, jee nkachiꞌ‑i nu̱u̱nꞌ re̱ꞌ: ―Neí koo iniꞌ nú, chi kuéntáꞌ nna̱stúvi nú ya̱ naáꞌ jie̱ꞌe̱ꞌ ni̱ꞌ Jerusalén, sukuán íyó nastúvi nú ya̱ naáꞌ jie̱ꞌe̱ꞌ ni̱ꞌ ñuunꞌ Roma.

Romanos 5:11

Jee nsáꞌ kua̱chi yaꞌá ni, chi suni kúsɨ́ɨꞌ víꞌí iniꞌ‑ó néꞌyá‑ó Ndiosíꞌ jie̱ꞌe̱ꞌ I̱toꞌoꞌ‑ó Jesús ya̱ kúvi Cristo, chi vitan jee nsa̱ꞌá re̱ꞌ ya̱ nníꞌinꞌ‑ó ya̱ nnúma̱ni̱ꞌ Ndiosíꞌ jín‑ó.

Santiago 2:18

Soo sa̱naanꞌ jee kachiꞌ ɨɨn ñɨvɨ ya̱: “Noꞌó chi kúneí iniꞌ nú Jesús, jee nuꞌuꞌ chi sáꞌá ni̱ꞌ tiñu váꞌa.” Stúvi nu̱u̱nꞌ nuꞌuꞌ ya̱ kúneí iniꞌ nú Jesús, soo ni nsú jín tiñu váꞌa sáꞌá nú, jee jín rá tiñu váꞌa sáꞌá ni̱ꞌ stúvi ni̱ꞌ nu̱u̱nꞌ nóꞌo ya̱ kúneí iniꞌ ni̱ꞌ re̱ꞌ.