Mateo 8:6 - Mixteco del suroeste de Tlaxiaco Oaxaca

⁶ jee nkachiꞌ‑i: ―I̱toꞌoꞌ, ɨɨn musúꞌ ni̱ꞌ káá re̱ꞌ kúꞌvíꞌ re̱ꞌ veꞌi ni̱ꞌ, jee ntu̱ví kúvi kantaꞌ re̱ꞌ, jee nóꞌo nasɨ́kuitɨꞌ re̱ꞌ ―nkachiꞌ‑i.

Mateo 8:6 Iomraidhean Croise

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Mateo 8:7

Jee nkachiꞌ Jesús nu̱u̱nꞌ‑u: ―Kɨ̱xinúvi ni̱ꞌ maa.

Mateo 9:2

Jee yukuán nkuvi ya̱ nki̱naka rá ñɨvɨ nu̱u̱nꞌ re̱ꞌ ɨɨn te̱e kúꞌvíꞌ ya̱ ntu kúvi kantaꞌ‑a, jee yósóꞌ‑o nu̱u̱nꞌ tu̱nchi̱só. Jee sáá niniꞌ Jesús ya̱ jínúꞌ iniꞌ ráa kúneí iniꞌ ráa re̱ꞌ jee nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Se̱ꞌya, nasáneí iniꞌ nú, chi ya nne̱káꞌnú iniꞌ ni̱ꞌ noꞌó jie̱ꞌe̱ꞌ kua̱chi nú ―nkachiꞌ Jesús.

Hechos 10:7

Jee sáá nkene najiáꞌáꞌ ííꞌ ya̱ nkaꞌanꞌ‑a jín re̱ꞌ, jee nkana Cornelio u̱vi̱ꞌ musúꞌ re̱ꞌ jín ɨɨn soldado, ya̱ yɨ́tíñú‑u nu̱u̱nꞌ Ndiosíꞌ. Kúvi re̱ꞌ ɨɨn rá soldado ya̱ jiátíñú kutú Cornelio.

Hechos 8:7

Chi nxi̱núvi re̱ꞌ kue̱ꞌe̱ꞌ ñɨvɨ yɨ́ꞌɨ́ ta̱chi̱ꞌ kíni. Jee sáá kéne rá ta̱chi̱ꞌ kíni vá nka̱najíín ni̱ꞌin‑i. Jee nxi̱núvi re̱ꞌ kue̱ꞌe̱ꞌ ñɨvɨ ntu kúvi kantaꞌ jín kue̱ꞌe̱ꞌ ñɨvɨ lénkó.

Hechos 9:33

Jee yukuán nna̱niꞌinꞌ re̱ꞌ ɨɨn te̱e naní Eneas, ya̱ íyó u̱na̱ꞌ kui̱ya̱ꞌ ya̱ káá‑a nu̱u̱nꞌ i̱to, chi ntu kúvi kantaꞌ‑a.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

Colosenses 4:1

Jee ránoꞌó rá i̱toꞌoꞌ xí tiñu ya̱ náka rán musúꞌ, saꞌá na̱a̱ꞌ rán jín rá musúꞌ rán, jee saꞌá va̱ꞌa rán jín ráa sánikua̱ꞌ íyó ni̱ꞌi̱nꞌ ráa, chi jíníꞌ rán ya̱ suni íyó I̱toꞌoꞌ rán ya̱ nééꞌ ñuunꞌ íyó súkún.

1 Timoteo 6:2

Jee rá musúꞌ, ya̱ íyó i̱toꞌoꞌ ráa, ya̱ ínúꞌ iniꞌ rává Cristo, ntu̱ví íyó núun ka̱ꞌ sáꞌá ñáꞌnú ráa nu̱u̱nꞌ i̱toꞌoꞌ ráa, jie̱ꞌe̱ꞌ ya̱ ñaniꞌ ráa ví rává. Soo íyó saꞌá va̱ꞌa ráa ka̱ꞌ tiñu, chi i̱toꞌoꞌ ráa ya̱ ni̱ꞌi̱nꞌ tiñu váꞌa vá, kúvi ñɨvɨ ínúꞌ iniꞌ rává Cristo, jee Ndiosíꞌ jín rá musúꞌ ñúnúunꞌ ráa rává. Xinéꞌénꞌ nú jee xiníꞌvɨ́ꞌ nú iniꞌ ñɨvɨ tu̱ꞌun yaꞌá.

Filemón 1:16

Jee kuneeꞌ re̱ꞌ jín noꞌó, soo nsú kua̱chi kuéntáꞌ ɨɨn musúꞌ kéꞌen ñɨvɨ, chisaꞌ si̱kɨ̱ꞌ ka̱ꞌ kúvi re̱ꞌ ka̱ꞌ nsú káꞌ ɨɨn musúꞌ kéꞌen ñɨvɨ, chi kúvi re̱ꞌ ñaniꞌ‑ó ya̱ ñúnúunꞌ‑ó, jee ñúnúunꞌ víꞌí ni̱ꞌ maa, soo saꞌ víꞌí káꞌ kunu̱u̱nꞌ nú maa, jie̱ꞌe̱ꞌ kúvi re̱ꞌ ɨɨn ñɨvɨ jín jie̱ꞌe̱ꞌ yɨ́ꞌɨ́ re̱ꞌ nu̱u̱nꞌ I̱toꞌoꞌ‑ó.