Mateo 8:2 - Mixteco del suroeste de Tlaxiaco Oaxaca

² Jee saájee ña̱kuyatin ɨɨn te̱e nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra nu̱u̱nꞌ Jesús, jee ña̱kui̱ñɨ̱ꞌ ítɨ́‑ɨ nu̱u̱nꞌ re̱ꞌ, jee nkachiꞌ‑i: ―I̱toꞌoꞌ, retú kuíni nú, kuvi nasaꞌá noo nú xinúvi nú nuꞌuꞌ nu̱u̱nꞌ kue̱ꞌi̱ꞌ ni̱ꞌ ―nkachiꞌ‑i.

Mateo 8:2 Iomraidhean Croise

Mateo 10:8

Jee kuáxinúvi rán rá ñɨvɨ kúꞌvíꞌ jín rá ñɨvɨ ya̱ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra, jee suni kuánaxinátekuꞌ rán rá ñɨvɨ níꞌiꞌ, jee suni kuátaníkɨ́nꞌ rán rá ta̱chi̱ꞌ kíni yɨ́ꞌɨ́ iniꞌ ñɨvɨ. Jee kua̱ꞌ nsi̱kútaꞌviꞌ saɨn ni̱ꞌ tiñu níꞌin ííꞌ nu̱u̱nꞌ rán, jee suni sukuán saꞌá saɨn rán rá tiñu vá.

Mateo 13:58

Jee ntu nsáꞌá kue̱ꞌe̱ꞌ re̱ꞌ rá milagrúꞌ yukuán, chi ntu nínúꞌ iniꞌ ráa re̱ꞌ.

Mateo 14:33

Jee maáráa ya̱ ñúꞌún iniꞌ barkúꞌ vá, nna̱kui̱ñɨ̱ꞌ ítɨ́ ráa nu̱u̱nꞌ Jesús nneñu̱ꞌun ráa re̱ꞌ, jee nkachiꞌ ráa nu̱u̱nꞌ re̱ꞌ: ―¡Máá nááꞌ nijia maánú kúvi Se̱ꞌya Ndiosíꞌ! ―nkachiꞌ ráa.

Mateo 15:25

Soo ña̱kuyatin ña nu̱u̱nꞌ Jesús, jee ña̱kui̱ñi̱ꞌ ítɨ́ ña nu̱u̱nꞌ re̱ꞌ, jee nkachiꞌ ña: ―I̱toꞌoꞌ, chineí xá nuꞌuꞌ.

Mateo 18:26

Saájee ña̱kui̱ñi̱ꞌ ítɨ́ musúꞌ vá nu̱u̱nꞌ re̱ꞌ, jee ni̱ka̱nꞌ táꞌvíꞌ‑i nu̱u̱nꞌ re̱ꞌ, jee nkachiꞌ‑i: “I̱toꞌoꞌ, káꞌnú koo xá iniꞌ nú kune̱ꞌyá nú nuꞌuꞌ, jee nachunáán ni̱ꞌ nɨꞌɨ ya̱ táyáꞌvi ni̱ꞌ nu̱u̱nꞌ nú”, nkachiꞌ‑i.

Mateo 2:11

Jee sáá nki̱vɨ ráa iniꞌ veꞌi, jee niniꞌ ráa su̱chí lúlí yɨ́ɨ́ vá jín nánáꞌ‑a María, jee ña̱kui̱ñɨ̱ꞌ ítɨ́ ráa, jee nneñu̱ꞌun ráa su̱chí lúlí vá. Jee nine ráa rá kajúnꞌ ya̱tu̱nꞌ ínaꞌá ráa nsi̱kútaꞌviꞌ ráa rá ta̱ꞌvi̱ꞌ nu̱u̱nꞌ su̱chí vá, ya̱ kúvi yu̱u̱ꞌ kuáán yɨ́yáꞌvi nasɨ́kuitɨꞌ, jín su̱jie i̱i̱ꞌ, jín inka ka̱ꞌ su̱jie naní mirra.

Mateo 20:20

Saájee nánáꞌ Jacobo jín Juan ya̱ kúvi rá se̱ꞌya yɨ́ɨ́ Zebedeo ña̱kuyatin ña jín rá se̱ꞌya yɨ́ɨ́ ña nu̱u̱nꞌ Jesús, jee ña̱kui̱ñi̱ꞌ ítɨ́ ña nu̱u̱nꞌ Jesús, jee jíkánꞌ táꞌvíꞌ ña nu̱u̱nꞌ re̱ꞌ ya̱ saꞌá re̱ꞌ ɨɨn tumani iniꞌ jín ña.

Mateo 26:6

Jee nééꞌ Jesús ne̱ ñuunꞌ Betania, veꞌi te̱e naní Simón, ya̱ nnoꞌo kue̱ꞌi̱ꞌ ni̱yɨ téꞌyúꞌ ñɨɨn, naní lepra.

Mateo 28:17

Jee sáá niniꞌ ráa re̱ꞌ, jee nneñu̱ꞌun ráa re̱ꞌ, soo sava ráa íyó tu̱ꞌun jiáni iniꞌ ráa néꞌyá ráa re̱ꞌ.

Mateo 28:9

Jee kune̱ꞌyá, ni kua̱ꞌa̱nꞌ ráña ichi, jee nna̱ketáꞌán Jesús ráña, jee nkachiꞌ re̱ꞌ: ―Kunaka ñaꞌán Ndiosíꞌ ránoꞌó. Jee ña̱kuyatin ráña nu̱u̱nꞌ re̱ꞌ, jee ña̱kinumi ráña rá jie̱ꞌe̱ꞌ re̱ꞌ jee nneñu̱ꞌun ráña re̱ꞌ.

Mateo 4:9

Jee nkachiꞌ‑i nu̱u̱nꞌ re̱ꞌ: ―Nu̱u̱nꞌ noꞌó taji ni̱ꞌ ntáká rá yaꞌá, retú nakui̱ñi̱ꞌ ítɨ́ nú nu̱u̱nꞌ nuꞌuꞌ, kuneñu̱ꞌun nú nuꞌuꞌ ―nkachiꞌ‑i.

Mateo 8:1

Jee sáá nna̱kaninuun Jesús ya̱ ña̱ꞌa̱nꞌ re̱ꞌ yuku vá, jee kue̱ꞌe̱ꞌ víꞌí rá ñɨvɨ nnikɨnꞌ ráa re̱ꞌ.

Mateo 8:25

Saájee rá te̱e súkuáꞌa re̱ꞌ vá ña̱xinóto ráa re̱ꞌ, jee nkachiꞌ ráa nu̱u̱nꞌ re̱ꞌ: ―I̱toꞌoꞌ, sikáku yó, chi kɨ̱naanꞌ yó ―nkachiꞌ ráa.

Mateo 9:18

Jee ni káchíꞌ ka̱ꞌ Jesús rá tu̱ꞌun vá, jee saájee nkenta ɨɨn te̱e kúñáꞌnú nu̱u̱nꞌ rá ñɨvɨ ñuunꞌ Israel jee ña̱kui̱ñi̱ꞌ ítɨ́‑ɨ nu̱u̱nꞌ Jesús, jee nkachiꞌ‑i: ―Se̱ꞌya sɨ́ꞌɨ́ ni̱ꞌ sukuán ni̱ꞌi̱ꞌ ña. Soo kɨ̱ꞌɨ̱nꞌ nú xá chisó nú naꞌá nú ña, jee kutekuꞌ ña ―nkachiꞌ‑i.

Lucas 4:27

Jee suni sukuán ñuunꞌ Israel ni̱yo kue̱ꞌe̱ꞌ víꞌí rá ñɨvɨ kúꞌvíꞌ kue̱ꞌi̱ꞌ ni̱ꞌyɨ téꞌyúꞌ naní lepra, tiempúꞌ ntekuꞌ Eliseo te̱e nna̱kani tu̱ꞌun nkene yuꞌú máá maá Ndiosíꞌ. Jee ni ɨɨn rá ñɨvɨ vá ntu nxínúvi Eliseo ráa nunoo ráa nu̱u̱nꞌ kue̱ꞌi̱ꞌ ráa, chisaꞌ nxi̱núvi Eliseo kua̱chi Naamán te̱e ñuunꞌ Siria ―nkachiꞌ Jesús.

Juan 9:38

Saájee nkachiꞌ te̱e vá: ―Kúneí iniꞌ ni̱ꞌ noꞌó, I̱toꞌoꞌ ni̱ꞌ ―nkachiꞌ‑i, jee nneñu̱ꞌun‑u Jesús.

Hechos 10:14

Soo nkachiꞌ Pedro: ―I̱toꞌoꞌ ni̱ꞌ. Ntu̱ví. Chi ni nsáꞌ nyajiꞌ ni̱ꞌ ni ɨɨn kitɨ ya̱ nkachiꞌ ley ya̱ ntu íyó noo jín ya̱ ntu íyó ninuꞌun.

Hechos 10:25

Sáá nkenta Pedro yuvéꞌí, jee nkene Cornelio nkaꞌanꞌ‑a jín re̱ꞌ. Jee nna̱kui̱ñɨ̱ꞌ ítɨ́ Cornelio jie̱ꞌe̱ꞌ re̱ꞌ, jee nneñu̱ꞌun‑u re̱ꞌ.

1 Corintios 14:25

Saájee stúvi Tu̱ꞌun Ndiosíꞌ ntáká ya̱ jiáni yuꞌuꞌ iniꞌ ánímaꞌ ñɨvɨ vá, yukuán jee nakui̱ñɨ̱ꞌ ítɨ́‑ɨ, jee kuneñu̱ꞌun‑u Ndiosíꞌ, jee kachiꞌ‑i ya̱ máá nááꞌ nijia ya̱ íyó Ndiosíꞌ nteñu rán.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.