Mateo 8:16 - Mixteco del suroeste de Tlaxiaco Oaxaca

¹⁶ Jee sáá nkua̱a̱ꞌ, jee ña̱na̱ka rá ñɨvɨ nu̱u̱nꞌ Jesús, kue̱ꞌe̱ꞌ víꞌí rá ñɨvɨ ya̱ yɨ́ꞌɨ́ ta̱chi̱ꞌ kíni, jee jín tu̱ꞌun káꞌánꞌ ni Jesús, jee ntavaꞌ re̱ꞌ rá ta̱chi̱ꞌ kíni yɨ́ꞌɨ́ rá ñɨvɨ vá, jee suni nxi̱núvi re̱ꞌ ntáká rá ñɨvɨ kúꞌvíꞌ.

Mateo 8:16 Iomraidhean Croise

Mateo 12:22

Saájee ña̱na̱ka rá ñɨvɨ nu̱u̱nꞌ Jesús ɨɨn te̱e kuáá jee ñɨ́ꞌɨ́nꞌ‑ɨ, chi yɨ́ꞌɨ́ kui̱ꞌna̱ꞌ maa. Jee nxi̱núvi Jesús maa, jee nkuvi nna̱kune̱ꞌyá‑a, jee nkuvi nna̱kaꞌanꞌ‑a.

Mateo 14:14

Jee sáá nkene Jesús iniꞌ barkúꞌ, jee niniꞌ re̱ꞌ ñɨvɨ kue̱ꞌe̱ꞌ víꞌí yukuán, jee nku̱náꞌví iniꞌ re̱ꞌ nne̱ꞌyá re̱ꞌ ráa, jee nxi̱núvi re̱ꞌ ntáká rá ñɨvɨ kúꞌvíꞌ ya̱ kuáꞌánꞌ jín ráa.

Mateo 8:15

Jee ntɨɨn re̱ꞌ naꞌá ña, jee nkene ki̱ji ña, jee nnako̱o ña nchi̱só ña ya̱ kajiꞌ ráa nu̱u̱nꞌ ráa.

Mateo 8:33

Jee rá te̱e náka ráa rá kúchíꞌ vá nkenekunu ráa jee nkenta ráa nu̱u̱nꞌ ñuunꞌ, jee nna̱kani ráa nu̱u̱nꞌ rá ñɨvɨ nɨꞌɨ ya̱ nkuvi jín na̱ nkuvi jín rá te̱e ya̱ nyi̱ꞌɨ ta̱chi̱ꞌ néꞌí kákini vá.

Mateo 9:2

Jee yukuán nkuvi ya̱ nki̱naka rá ñɨvɨ nu̱u̱nꞌ re̱ꞌ ɨɨn te̱e kúꞌvíꞌ ya̱ ntu kúvi kantaꞌ‑a, jee yósóꞌ‑o nu̱u̱nꞌ tu̱nchi̱só. Jee sáá niniꞌ Jesús ya̱ jínúꞌ iniꞌ ráa kúneí iniꞌ ráa re̱ꞌ jee nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Se̱ꞌya, nasáneí iniꞌ nú, chi ya nne̱káꞌnú iniꞌ ni̱ꞌ noꞌó jie̱ꞌe̱ꞌ kua̱chi nú ―nkachiꞌ Jesús.

Marcos 2:3

Jee nkiji rá ñɨvɨ jín ɨɨn ya̱ kúꞌvíꞌ ya̱ ntu kúvi kantaꞌ nu̱u̱nꞌ Jesús. Jee ku̱mi̱ꞌ te̱e nniso maa.

Marcos 5:8

Sukuán nkachiꞌ‑i, chi nta̱túníꞌ Jesús nu̱u̱nꞌ‑u: ―¡Ta̱chi̱ꞌ kíni! ¡Kene te̱e i̱ña̱ꞌ!

Marcos 9:25

Sáá nne̱ꞌyá Jesús ya̱ nku̱tútú ya̱chi̱ꞌ víꞌí ñɨvɨ, jee nku̱xeenꞌ re̱ꞌ nu̱u̱nꞌ ta̱chi̱ꞌ néꞌí vá, jee nkachiꞌ re̱ꞌ nu̱u̱nꞌ‑u: ―¡Ta̱chi̱ꞌ kíni ya̱ sáꞌá ñɨ́ꞌɨ́nꞌ nú jee sáꞌá sóꞌó nú! ¡Nuꞌuꞌ tátúníꞌ ni̱ꞌ nu̱u̱nꞌ nú, ya̱ kene nú iniꞌ re̱ꞌ, jee koto kívɨ nú ka̱ꞌ iniꞌ re̱ꞌ!

Lucas 13:12

Jee sáá niniꞌ Jesús ña, nkana re̱ꞌ ña, jee nkachiꞌ re̱ꞌ nu̱u̱nꞌ ña: ―Noꞌó ñaꞌan, nákuíñɨꞌ núne nú nu̱u̱nꞌ kue̱ꞌi̱ꞌ nú ―nkachiꞌ re̱ꞌ.

Lucas 4:40

Jee sáá ntaꞌanꞌ nka̱niiꞌ, jee ntáká rá ñɨvɨ kúꞌvíꞌ ya̱ nóꞌo ráa sɨ́ɨ́n sɨ́ɨ́n nu̱u̱nꞌ kue̱ꞌi̱ꞌ ña̱siáꞌa rá táꞌánꞌ veꞌi ráa maáráa nu̱u̱nꞌ Jesús, jee ntee re̱ꞌ naꞌá re̱ꞌ ta nu̱u̱nꞌ ɨɨn ɨɨn ráa, jee nxi̱núvi re̱ꞌ ráa.

Lucas 4:41

Jee suni ne̱ kue̱ꞌe̱ꞌ rá ñɨvɨ nkene kui̱ꞌna̱ꞌ iniꞌ ráa, jee kua̱neí rá ta̱chi̱ꞌ vá kánajíín ráa, jee nkachiꞌ ráa: ―¡Noꞌó kúvi nú Se̱ꞌya Ndiosíꞌ! Soo núxeenꞌ Jesús nu̱u̱nꞌ ráa jee ni ntu njiáꞌa re̱ꞌ kaꞌanꞌ ráa chi jíníꞌ ráa ya̱ maáréꞌ ví Cristo, [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́].

Hechos 5:15

Saáva ña̱na̱ka rá ñɨvɨ rá kúꞌvíꞌ iniꞌ ichi, jee yákɨ́nꞌ ráa rává nu̱u̱nꞌ i̱to jín nu̱u̱nꞌ tu̱nchi̱só. Sáva sa̱naanꞌ jia̱ꞌa xi̱ne̱ꞌñu̱ꞌ Pedro nu̱u̱nꞌ káá kéꞌín rává, sáá kua̱jia̱ꞌa re̱ꞌ.