Mateo 8:12 - Mixteco del suroeste de Tlaxiaco Oaxaca

¹² Soo kue̱ꞌe̱ꞌ rá ñɨvɨ se̱ꞌya ñuunꞌ Israel, ya̱ íyó kɨꞌɨ ráa naꞌá Ndiosíꞌ tátúníꞌ re̱ꞌ nu̱u̱nꞌ ráa nékúvi, sosaꞌ tavaꞌ Ndiosíꞌ ráa kɨ̱ꞌɨ̱nꞌ ráa nu̱u̱nꞌ ñu̱neenꞌ, jee yukuán kunaꞌyuꞌ ráa, jee ne̱ kaꞌñɨꞌ nu̱ꞌun ráa ya̱ kunoꞌo víꞌí ráa ―nkachiꞌ Jesús.

Mateo 8:12 Iomraidhean Croise

Mateo 13:38

Jee ñu̱ꞌún nu̱u̱nꞌ káá tataꞌ sáꞌá ví ñɨ̱vɨ́ yaꞌá, jee rá nikɨn váꞌa vá kúvi rá ñɨvɨ yɨ́ꞌɨ́ xi̱ntíín Ndiosíꞌ ya̱ tátúníꞌ re̱ꞌ nu̱u̱nꞌ ráa, jee rá yu̱ku̱ꞌ ne̱ꞌén ví rá ñɨvɨ yɨ́ꞌɨ́ xi̱ntíín ya̱ kíni.

Mateo 13:42

Jee chuꞌun ráa rává nu̱u̱nꞌ ñúꞌúnꞌ xéénꞌ, jee yukuán kunaꞌyuꞌ rává ne̱ kaꞌñɨꞌ rá nu̱ꞌun rává.

Mateo 13:50

Jee chuꞌun ráa rá ñɨvɨ níváꞌa iniꞌ i̱tu̱nꞌ máá na̱sɨ nu̱u̱nꞌ ñúꞌúnꞌ xéénꞌ, jee yukuán kunaꞌyuꞌ rává, ne̱ kaꞌñɨꞌ nu̱ꞌun rává ―nkachiꞌ Jesús.

Mateo 21:43

Jee saáva káchíꞌ ni̱ꞌ nu̱u̱nꞌ rán ya̱ siíyo Ndiosíꞌ ya̱ tatúníꞌ re̱ꞌ nu̱u̱nꞌ rán ya̱ nkúvi ki̱vɨ rán xi̱ntíín re̱ꞌ, jee naku̱ꞌva re̱ꞌ maa nu̱u̱nꞌ inka ñɨvɨ ya̱ sikúnkuvi ráa sáni kuíni re̱ꞌ.

Mateo 24:51

jee xe̱e̱nꞌ xinóꞌo re̱ꞌ maa jee naskánitáꞌán re̱ꞌ maa kɨ̱ꞌɨ̱nꞌ‑ɨ nu̱u̱nꞌ kunoꞌo‑o jín rá ñɨvɨ sansuꞌva jee yukuán kunaꞌyuꞌ ráa ne̱ kaꞌñɨꞌ nu̱ꞌun ráa.

Mateo 25:30

Jee musúꞌ yaꞌá ya̱ ntu̱náꞌ íyótiñu‑u, tavaꞌ rán maa kɨ̱ꞌɨ̱nꞌ‑ɨ chíkéꞌi nu̱u̱nꞌ ñu̱neenꞌ, jee yukuán kunaꞌyuꞌ‑u, jee ne̱ kaꞌñɨꞌ rá nu̱ꞌun‑u, nkachiꞌ i̱toꞌoꞌ rá musúꞌ vá.

Lucas 13:28

Kunaꞌyuꞌ rán jee kaꞌñɨꞌ nu̱ꞌun rán ya̱ kunoꞌo víꞌí rán, sáá kuniꞌ rán rá jííꞌ‑ó yanaꞌán Abraham jín Isaac jín Jacobo jín ntáká rá te̱e ya̱ nna̱kani ráa rá tu̱ꞌun nkene yuꞌú Ndiosíꞌ yanaꞌán ya̱ ntáká ráa nééꞌ ráa ñuunꞌ nu̱u̱nꞌ tátúníꞌ Ndiosíꞌ, soo ránoꞌó sukuíkó Ndiosíꞌ ránoꞌó yuñúúnꞌ vá.

Hechos 3:25

Kúvi rán ichiyúkúnꞌ váji nu̱u̱nꞌ rá te̱e vá ya̱ nna̱kani ráa tu̱ꞌun nkene yuꞌú Ndiosíꞌ. Jee suni jie̱ꞌe̱ꞌ rán ví ya̱ ñakɨnꞌ Ndiosíꞌ tratúꞌ jín rá jííꞌ yanaꞌán‑ó, sáá nkachiꞌ re̱ꞌ nu̱u̱nꞌ Abraham: “Jee jie̱ꞌe̱ꞌ tataꞌ ichiyúkúnꞌ kiji ne̱ nu̱u̱nꞌ noꞌó ni̱ꞌi̱nꞌ ñɨvɨ ntáká rá tataꞌ ichiyúkúnꞌ íyó ñɨ̱vɨ́ ya̱ netuꞌ kuvi ráa”, nkachiꞌ Ndiosíꞌ.

2 Pedro 2:17

Jee kúvi ráa kuéntáꞌ kúvi ɨɨn nu̱u̱nꞌ kéne nute soo ntu íyó nute maa, jee suni kuéntáꞌ vi̱ko̱ꞌ yo̱ko̱ꞌ nute ya̱ xínéchi ta̱chi̱ꞌ xéénꞌ soo ntu kúun sa̱vi. Jee maáráa chi ya̱ íyó stákoo ɨɨn nu̱u̱nꞌ neenꞌ víꞌí kɨꞌɨ ráa nɨ́ɨ́nkání.

2 Pedro 2:4

Chi jie̱ꞌe̱ꞌ ya̱ ntu nnékáꞌnú iniꞌ Ndiosíꞌ nne̱ꞌyá re̱ꞌ rá najiáꞌáꞌ ííꞌ re̱ꞌ ya̱ nsa̱ꞌá ráa kua̱chi, chisaꞌ ntaanꞌ re̱ꞌ ráa nu̱u̱nꞌ ñuꞌunꞌ xéénꞌ ya̱ ntu jínu nu̱u̱nꞌ kúnú‑u jee yukuán yɨ́niꞌyuꞌ ráa nu̱u̱nꞌ ñu̱neenꞌ, jee núꞌníꞌ ráa jín cadena ka̱a nekuaꞌ kenta ki̱vɨ̱ꞌ ya̱ sanáaꞌ re̱ꞌ jie̱ꞌe̱ꞌ kua̱chi ráa.

Judas 1:13

Jee suni kúvi ráa kuéntáꞌ kúvi nteñúꞌún ya̱ jísóꞌ xe̱e̱nꞌ, jee síkéne‑e tiu̱u̱nꞌ téꞌén ya̱ kúvi mani tiñu niváꞌa ya̱ jiáꞌa tu̱nkánuun sáꞌá ráa. Chi kúvi ráa kuéntáꞌ rá tiu̱u̱nꞌ súkún ya̱ jíkónúun ráa. Soo ya íyó tu̱ꞌva nu̱u̱nꞌ íyó ñu̱neenꞌ kuneeꞌ rá ñɨvɨ vá nɨ́ɨ́nkání.

Apoclipsis 22:15

Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.