Mateo 8:11 - Mixteco del suroeste de Tlaxiaco Oaxaca

¹¹ Jee káchíꞌ ni̱ꞌ nu̱u̱nꞌ rán ya̱ kue̱ꞌe̱ꞌ víꞌí ñɨvɨ kene ráa rá ñuunꞌ káá ichi nu̱u̱nꞌ kénta nka̱niiꞌ, jín rá ñuunꞌ káá ichi nu̱u̱nꞌ táꞌánꞌ nka̱niiꞌ, kiji ráa kuneeꞌ ráa kajiꞌ ráa yumesáꞌ jín rá tátáꞌ jííꞌ‑ó yanaꞌán Abraham jín Isaac jín Jacob, sáá nachiꞌi Ndiosíꞌ, ya̱ nééꞌ antivɨ́ súkún, nɨꞌɨ xi̱ntíín re̱ꞌ tatúníꞌ re̱ꞌ nu̱u̱nꞌ nɨꞌɨ.

Mateo 8:11 Iomraidhean Croise

Génesis 12:3

Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Génesis 22:18

Jee kuatíñú ni̱ꞌ rá ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká rá nación íyó ñɨ̱vɨ́ yaꞌá, chi jie̱ꞌe̱ꞌ nika̱ꞌ nka̱níjiá nú ya̱ káchíꞌ ni̱ꞌ ―nkachiꞌ máá najiáꞌáꞌ ííꞌ I̱toꞌoꞌ.

Génesis 28:14

Jee kenta kukueꞌeꞌ nasɨ́kuitɨꞌ ráa kuéntáꞌ ti̱ka̱cha̱a̱ꞌ ñuꞌun, jee kutenuun ráa ne̱ nu̱u̱nꞌ nteñúꞌún káꞌnú nu̱u̱nꞌ táꞌán nka̱niiꞌ, jín ne̱ ichi kénta nka̱niiꞌ, jín ne̱ ichi norte, jín ne̱ ichi sur, jee kuatíñú ni̱ꞌ noꞌó jín rá ñɨvɨ kiji kuvi ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká táꞌán ichiyúkúnꞌ ñɨvɨ ñɨ̱vɨ́ yaꞌá.

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 21:41

Jee nkachiꞌ ráa nu̱u̱nꞌ Jesús: ―Máá xéénꞌ xinóꞌo re̱ꞌ xináánꞌ re̱ꞌ rá te̱e kánéꞌén sátíñú vá, jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva vá nu̱u̱nꞌ rá inka ka̱ꞌ rá ñɨvɨ ya̱ naku̱ꞌva ráa uva nu̱u̱nꞌ re̱ꞌ sáni íyó ni̱ꞌi̱nꞌ re̱ꞌ, sáá kenta tiempúꞌ nastútú maa ―nkachiꞌ ráa.

Mateo 24:31

Jee tají ni̱ꞌ rá najiáꞌáꞌ ííꞌ ni̱ꞌ ntántúníꞌ ni̱ꞌin tivɨꞌ ráa trompeta, jee nastútú ráa ñɨvɨ nka̱ji ni̱ꞌ kuvi ráa ñɨvɨ ni̱ꞌ ne̱ nu̱u̱nꞌ ni kúmíꞌ rá íyo ichi ñɨ̱vɨ́, ne̱ íyo ka̱ꞌ ichi ñɨ̱vɨ́, jín ne̱ íyo ka̱ꞌ ichi antivɨ́ ya̱ta̱ꞌ ñɨ̱vɨ́.

Mateo 3:2

jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Juan.

Mateo 8:10

Jee sáá nteso̱ꞌo Jesús rá tu̱ꞌun nkachiꞌ‑i, jee nti̱vɨ́ xíniꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ ya̱ níkɨ́nꞌ ráa re̱ꞌ kua̱ꞌa̱nꞌ: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ni sú nu̱u̱nꞌ ñuunꞌ Israel ntu nnániꞌinꞌ ni̱ꞌ ni ɨɨn ñɨvɨ ya̱ kúneí víꞌí iniꞌ‑i nuꞌuꞌ, kuéntáꞌ kua̱ꞌ kúneí iniꞌ te̱e yaꞌá nuꞌuꞌ.

Lucas 12:37

Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Lucas 16:22

’Jee suꞌva nkuvi sáá ni̱ꞌi̱ꞌ re̱ꞌ, jee nna̱keꞌen rá najiáꞌáꞌ ííꞌ Ndiosíꞌ maáréꞌ kua̱noꞌonꞌ ráa jín‑i ne̱ nu̱u̱nꞌ íyó Abraham jee nééꞌ‑e xiín re̱ꞌ. Jee suni ni̱ꞌi̱ꞌ te̱e kúká vá jee nse̱ꞌí rá ñɨvɨ ñunéꞌyúꞌ re̱ꞌ.

Hechos 10:45

Jee rá ñɨvɨ Israel kúneí iniꞌ ráa Jesús rá kútáꞌán jín Pedro nti̱vɨ́ xíniꞌ ráa, chi suni nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ rá ñɨvɨ ya̱ ntu kúvi Israel.

Hechos 11:18

Jee sáá nteso̱ꞌo ráa tu̱ꞌun yaꞌá, ña̱kui̱ñɨ̱ꞌ ráa ya̱ kántátúꞌun ráa, jee nna̱kuetúꞌún ráa Ndiosíꞌ: ―I̱ña̱jée suni Ndiosíꞌ jiáꞌa ya̱ rá ñɨvɨ, ya̱ ntu kúvi Israel, nakani iniꞌ ráa jie̱ꞌe̱ꞌ ichi jiáꞌnu ráa, sáva ki̱vɨ ráa nu̱u̱nꞌ re̱ꞌ, sáva kutekuꞌ ráa nɨ́ɨ́nkání jín re̱ꞌ.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Hechos 14:27

Sáá nnenta i̱i̱ꞌ ráa Antioquía, jee nstútú ráa rá ñɨvɨ ya̱ kúneí iniꞌ rává Jesús. Jee nna̱kani ráa rá nsa̱ꞌá Ndiosíꞌ jín ráa. Jee nna̱kani ráa ya̱ kuéntáꞌ nine Ndiosíꞌ ɨɨn yuvéꞌí, sáva ki̱vɨ rá ñɨvɨ ntu kúvi Israel nu̱u̱nꞌ Ndiosíꞌ, chi suni kúneí iniꞌ ráa Jesús.

1 Corintios 15:20

Soo ntu̱ví, chi ya̱ nááꞌ kúvi nijia ya̱ nxi̱nátekuꞌ Ndiosíꞌ Cristo nkene re̱ꞌ nteñu rá ni̱yɨ. Jee maáréꞌ kúvi ya̱ xíꞌnañúꞌún ka̱ꞌ nu̱u̱nꞌ rá ñɨvɨ níꞌiꞌ ya̱ natekuꞌ i̱i̱ꞌ ráa saꞌá Ndiosíꞌ.

1 Corintios 6:9

¿Á ntu̱ví jíníꞌ rán ya̱ rá ñɨvɨ ya̱ ntu̱ví kínóo na̱a̱ꞌ ráa nu̱u̱nꞌ Ndiosíꞌ, jee nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa rúja? Jee koto xínáꞌví rán maárán, chi ni rá ñɨvɨ ya̱ kúsíkɨ́ iniꞌ ráa jín tiñu téní jín inka ñɨvɨ ya̱ ntu̱ví ntánáꞌá jín ráa, ni rá ñɨvɨ ya̱ néñu̱ꞌun ráa rá nantíñú ya̱ nsú Ndiosíꞌ tékúꞌ ví‑i, ni rá ñɨvɨ sáꞌá téní, ni rá te̱e xíkó ráa maáráa kúsíkɨ́ ráa jín rá táꞌán te̱e ráa, ni rá ñɨvɨ ya̱ kívɨ ráa ñujiínꞌ xeꞌne,

Efesios 3:6

Jee tu̱ꞌun ya̱ níyo yuꞌuꞌ iniꞌ re̱ꞌ jee nstúvi re̱ꞌ maa vitan ví yaꞌá: Tu̱ꞌun váꞌa jie̱ꞌe̱ꞌ Cristo sáꞌá ya̱ ñɨvɨ rá inka nación, ya̱ ntu kúvi ñɨvɨ Israel, ɨɨn nuún ni ta̱ꞌvi̱ꞌ ni̱ꞌi̱nꞌ ráa jín rá ñɨvɨ Israel, jee ɨɨn ni nnuvi ráa kuéntáꞌ ɨɨn yɨkɨkúñu, jee ɨɨn nuún ni ni̱ꞌi̱nꞌ ráa ya̱ nchi̱sóyuꞌú re̱ꞌ, jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

2 Tesalonicenses 1:5

Yaꞌá stúvi kájí ya̱ na̱a̱ꞌ sánáaꞌ Ndiosíꞌ, jee saáva nakuayuꞌú re̱ꞌ ya̱ íyó ni̱ꞌi̱nꞌ rán ki̱vɨ rán naꞌá re̱ꞌ nu̱u̱nꞌ tátúníꞌ re̱ꞌ. Jee jie̱ꞌe̱ꞌ yɨ́ꞌɨ́ rán naꞌá re̱ꞌ, nóꞌo nijia rán, chi jíto u̱ꞌvi̱ꞌ ñɨvɨ ránoꞌó jie̱ꞌe̱ꞌ vá.

Apoclipsis 7:6

jín u̱xu̱ꞌ u̱vi̱ꞌ mil ñɨvɨ ya̱ kúvi tataꞌ nkene ráa nu̱u̱nꞌ Aser, jín u̱xu̱ꞌ u̱vi̱ꞌ mil ñɨvɨ ya̱ kúvi tataꞌ nkene ráa nu̱u̱nꞌ Neftalí, jín u̱xu̱ꞌ u̱vi̱ꞌ mil ñɨvɨ ya̱ kúvi tataꞌ nkene ráa nu̱u̱nꞌ Manasés,