Mateo 8:1 - Mixteco del suroeste de Tlaxiaco Oaxaca

¹ Jee sáá nna̱kaninuun Jesús ya̱ ña̱ꞌa̱nꞌ re̱ꞌ yuku vá, jee kue̱ꞌe̱ꞌ víꞌí rá ñɨvɨ nnikɨnꞌ ráa re̱ꞌ.

Mateo 8:1 Iomraidhean Croise

Mateo 12:15

Jee ya jíníꞌ Jesús ya̱ sukuán jiáni iniꞌ rá fariseo, jee nkene re̱ꞌ yukuán kua̱ꞌa̱nꞌ re̱ꞌ. Jee kue̱ꞌe̱ꞌ nasɨ́kuitɨꞌ ñɨvɨ níkɨ́nꞌ ráa re̱ꞌ, jee nxi̱núvi re̱ꞌ ntáká rá ñɨvɨ kúꞌvíꞌ.

Mateo 15:30

Jee nkenta kue̱ꞌe̱ꞌ víꞌí rá ñɨvɨ nu̱u̱nꞌ re̱ꞌ, jee náka ráa rá ñɨvɨ lénkó, ñɨvɨ kuáá, ñɨvɨ kúꞌlúꞌ, ñɨvɨ ñɨ́ꞌɨ́nꞌ, jín kue̱ꞌe̱ꞌ víꞌí ka̱ꞌ rá ñɨvɨ kúꞌvíꞌ. Jee ñakɨnꞌ ráa rá ñɨvɨ kúꞌvíꞌ vá nu̱u̱nꞌ íñɨ́ Jesús. Jee nxi̱núvi re̱ꞌ rá ñɨvɨ kúꞌvíꞌ vá.

Mateo 19:2

Jee kue̱ꞌe̱ꞌ víꞌí rá ñɨvɨ níkɨ́nꞌ ráa re̱ꞌ, jee yukuán nxi̱núvi re̱ꞌ rá ñɨvɨ kúꞌvíꞌ.

Mateo 20:29

Jee sáá nkene Jesús jín rá te̱e súkuáꞌa re̱ꞌ vá ñuunꞌ Jericó, jee kue̱ꞌe̱ꞌ víꞌí ñɨvɨ níkɨ́nꞌ ráa re̱ꞌ.

Mateo 4:25

Jee níkɨ́nꞌ kue̱ꞌe̱ꞌ víꞌí rá ñɨvɨ kútáꞌán ráa jín Jesús. Jee maáráa ví rá ñɨvɨ rá ñuunꞌ Galilea jín rá ñuunꞌ Decápolis jín ñuunꞌ Jerusalén jín rá inka ñuunꞌ Judea jín rá ñuunꞌ ya̱ káá íyo ka̱ꞌ ichi ntekáꞌnú Jordán.

Mateo 7:29

Chi xínéꞌénꞌ re̱ꞌ sánikua̱ꞌ ɨɨn ya̱ nísotíñú, jee kúvi tátúníꞌ re̱ꞌ nu̱u̱nꞌ ráa, jee nsú kuéntáꞌ xínéꞌénꞌ rá mestrúꞌ nu̱u̱nꞌ ráa ya̱ xínéꞌénꞌ tu̱ꞌun tátúníꞌ Ndiosíꞌ ya̱ ntee Moisés ne̱ yanaꞌán.

Mateo 8:18

Sáá niniꞌ Jesús ya̱ kue̱ꞌe̱ꞌ víꞌí rá ñɨvɨ ni̱kótíyu ráa nu̱u̱nꞌ re̱ꞌ, jee nta̱túníꞌ re̱ꞌ nu̱u̱nꞌ rá te̱e ya̱ súkuáꞌa re̱ꞌ ráa, ya̱ kɨ̱jia̱ꞌa re̱ꞌ jín ráa íyó ka̱ꞌ ichi yúnteñúꞌún.

Mateo 8:2

Jee saájee ña̱kuyatin ɨɨn te̱e nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra nu̱u̱nꞌ Jesús, jee ña̱kui̱ñɨ̱ꞌ ítɨ́‑ɨ nu̱u̱nꞌ re̱ꞌ, jee nkachiꞌ‑i: ―I̱toꞌoꞌ, retú kuíni nú, kuvi nasaꞌá noo nú xinúvi nú nuꞌuꞌ nu̱u̱nꞌ kue̱ꞌi̱ꞌ ni̱ꞌ ―nkachiꞌ‑i.

Marcos 3:7

Jee Jesús jín rá te̱e súkuáꞌa re̱ꞌ ráa kua̱ꞌa̱nꞌ ráa yuꞌú nteñúꞌún. Jee kue̱ꞌe̱ꞌ rá ñɨvɨ Galilea nchi̱nikɨnꞌ ráa re̱ꞌ. Jee nkenta kue̱ꞌe̱ꞌ rá ñɨvɨ Judea,

Lucas 5:15

Soo víꞌí ka̱ꞌ kua̱ꞌa̱nꞌ jiéténuun ka̱ꞌ tu̱ꞌun jie̱ꞌe̱ꞌ Jesús, jee kue̱ꞌe̱ꞌ víꞌí ka̱ꞌ rá ñɨvɨ kútútú ráa sáva teso̱ꞌo ráa rá tu̱ꞌun xínéꞌénꞌ re̱ꞌ, jín sáva xinúvi re̱ꞌ ráa nu̱u̱nꞌ kue̱ꞌi̱ꞌ nóꞌo ráa.