Mateo 7:2 - Mixteco del suroeste de Tlaxiaco Oaxaca

² Chi sánikua̱ꞌ sánáaꞌ rán káꞌánꞌ rán si̱kɨ̱ꞌ inka ñɨvɨ, jee suni sukuán sanáaꞌ Ndiosíꞌ si̱kɨ̱ꞌ ránoꞌó, jee sánikua̱ꞌ ñúkúꞌvá sáꞌá rán ya̱ sánáaꞌ rán káꞌánꞌ rán si̱kɨ̱ꞌ ñɨvɨ, suni sukuán chuku̱ꞌva Ndiosíꞌ jín ránoꞌó.

Mateo 7:2 Iomraidhean Croise

Mateo 6:14

’Chi retú nékáꞌnú iniꞌ rán ya̱ niváꞌa sáꞌá rá ñɨvɨ ránoꞌó, jee Tátáꞌ rán Ndiosíꞌ ya̱ nééꞌ re̱ꞌ antivɨ́ súkún suni kunekáꞌnú iniꞌ re̱ꞌ kune̱ꞌyá re̱ꞌ ránoꞌó.

Marcos 4:24

Jee suni nkachiꞌ‑i nu̱u̱nꞌ ráa: ―¡Tɨɨn kuéntáꞌ va̱ꞌa rán Tu̱ꞌun Ndiosíꞌ ya̱ tésóꞌo rán! Na̱ja kua̱ꞌ ñúkúꞌvá tɨ́ɨn rán Tu̱ꞌun Ndiosíꞌ, suꞌva taji re̱ꞌ nu̱u̱nꞌ rán ya̱ ki̱ku̱ꞌun iniꞌ rán. Suni sukuán taji re̱ꞌ ka̱ꞌ nu̱u̱nꞌ rán.

Lucas 6:38

Ku̱ꞌva rán nu̱u̱nꞌ rá ñɨvɨ ya̱ jíniñúꞌún maa, jee taji Ndiosíꞌ nu̱u̱nꞌ rán, chi chuku̱ꞌva va̱ꞌa re̱ꞌ taji re̱ꞌ nu̱u̱nꞌ rán, va̱ne̱ꞌ chuchítú yúú re̱ꞌ, jee va̱ne̱ꞌ kisɨ re̱ꞌ, va̱ne̱ꞌ sikáa re̱ꞌ sikútéꞌ re̱ꞌ nu̱u̱nꞌ ya̱ taji re̱ꞌ nu̱u̱nꞌ rán. Kuéntáꞌ kua̱ꞌ chuku̱ꞌva rán ya̱ sáꞌá rán nu̱u̱nꞌ rá ñɨvɨ, jee sukuán nachuku̱ꞌva Ndiosíꞌ ya̱ nataji re̱ꞌ nu̱u̱nꞌ rán ―nkachiꞌ Jesús.

2 Corintios 9:6

Soo tɨɨn kuéntáꞌ rán ya̱ ñɨvɨ ya̱ yakuꞌ taji re̱ꞌ tataꞌ sáꞌá, suni sukuán yakuꞌ nastútú re̱ꞌ. Jee suni ɨɨn ñɨvɨ taji víꞌí‑i suni sukuán nastútú víꞌí‑i.

Santiago 2:13

Chi ki̱vɨ̱ꞌ sanáaꞌ re̱ꞌ kua̱chi, jee nsáꞌ kunáꞌví iniꞌ re̱ꞌ kune̱ꞌyá re̱ꞌ ñɨvɨ ya̱ ntu nkúnáꞌví iniꞌ‑i nne̱ꞌyá‑a ñanitáꞌán‑a. Jee ñɨvɨ ya̱ nku̱náꞌví iniꞌ nne̱ꞌyá‑a ñanitáꞌán‑a jee kusɨ̱ɨ̱ꞌ iniꞌ‑i ya̱ kunáꞌví iniꞌ re̱ꞌ kune̱ꞌyá re̱ꞌ maa ki̱vɨ̱ꞌ sanáaꞌ re̱ꞌ kua̱chi.

Apoclipsis 18:6

Nachunáán rán nu̱u̱nꞌ ñuunꞌ vá sánikua̱ꞌ nsa̱ꞌá‑a nu̱u̱nꞌ rá inka ñɨvɨ, jee u̱vi̱ꞌ íchí ka̱ꞌ naxinóꞌo rán maa nu̱u̱nꞌ ya̱ niva̱ꞌa nsa̱ꞌá‑a, jee kuéntáꞌ nsa̱ka̱nuun xá ñuunꞌ vá tu̱nóꞌó njia̱ꞌa‑a nu̱u̱nꞌ inka ñɨvɨ, jee u̱vi̱ꞌ íchí ka̱ꞌ naku̱ꞌva rán maa nu̱u̱nꞌ ñuunꞌ vá.