Mateo 7:16 - Mixteco del suroeste de Tlaxiaco Oaxaca

¹⁶ Jee jie̱ꞌe̱ꞌ tiñu sáꞌá rá ñɨvɨ vá jee kuniꞌ rán na̱ ñɨvɨ kúvi ráa, kuéntáꞌ kua̱ꞌ kuniꞌ‑ó na̱ yutun ví‑i jie̱ꞌe̱ꞌ ya̱ vixíꞌ kúun‑u. Chi, ¿á kuvi kuun uva xi̱ni̱ꞌ ɨɨn tuíñu rúja? Áxí, ¿á kuvi kuun higo xi̱ni̱ꞌ yu̱ku̱ꞌ i̱ñu̱ꞌ rúja?

Mateo 7:16 Iomraidhean Croise

Mateo 12:33

’Chi ɨɨn yutun váꞌa, jee jiáꞌa‑a ya̱ vixíꞌ váꞌa, áxí ɨɨn yutun ne̱ꞌén jee suni jiáꞌa‑a ya̱ vixíꞌ ne̱ꞌén. Jee yukuán jee jíníꞌ‑ó na̱ yutun kúvi‑i jie̱ꞌe̱ꞌ rá vixíꞌ jiáꞌa‑a.

Mateo 7:20

Saáva jie̱ꞌe̱ꞌ tiñu sáꞌá ráa jee kuniꞌ rán na̱ ñɨvɨ kúvi ráa kuéntáꞌ kúun yutun ya̱ vixíꞌ.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Santiago 2:18

Soo sa̱naanꞌ jee kachiꞌ ɨɨn ñɨvɨ ya̱: “Noꞌó chi kúneí iniꞌ nú Jesús, jee nuꞌuꞌ chi sáꞌá ni̱ꞌ tiñu váꞌa.” Stúvi nu̱u̱nꞌ nuꞌuꞌ ya̱ kúneí iniꞌ nú Jesús, soo ni nsú jín tiñu váꞌa sáꞌá nú, jee jín rá tiñu váꞌa sáꞌá ni̱ꞌ stúvi ni̱ꞌ nu̱u̱nꞌ nóꞌo ya̱ kúneí iniꞌ ni̱ꞌ re̱ꞌ.

Santiago 3:12

Ránoꞌó, rá ñaniꞌ ni̱ꞌ jín rá ku̱ꞌva ni̱ꞌ, ¿á kúvi ku̱ꞌva yutun higo rá aceituna?, áxí, ¿á kúvi ku̱ꞌva yokúꞌúꞌ uva rá higo? Ni nsáꞌ kúvi ɨɨn nu̱u̱nꞌ káku nute ku̱ꞌva‑a nute u̱ꞌva̱ꞌ jín suni nute ninuꞌun.