Mateo 6:9 - Mixteco del suroeste de Tlaxiaco Oaxaca

⁹ ’Saáva kaꞌanꞌ rán jín Tátáꞌ rán Ndiosíꞌ suꞌva: Tátáꞌ ránꞌ, ya̱ nééꞌ antivɨ́ súkún, na̱ ka̱ꞌ kɨñúꞌún ñɨvɨ nu̱u̱nꞌ noꞌó ya̱ ííꞌ kúvi nú,

Mateo 6:9 Iomraidhean Croise

Mateo 10:29

’Chi, ¿á nsú u̱vi̱ꞌ rá saaꞌ yáꞌá kuáchí kuya̱ꞌvi rátíꞌ nu̱u̱nꞌ ɨɨn xu̱ꞌún ka̱a lúlí rúja?, soo ni ɨɨn rátíꞌ ntu jíꞌíꞌ jiétéꞌ nu̱u̱nꞌ ñuꞌún retú nsú maá Tátáꞌ rán Ndiosíꞌ jiáꞌayuꞌú maa.

Mateo 23:9

Jee koto káꞌánꞌ rán tátáꞌ rán ni ɨɨn ya̱ íyó iniꞌ ñɨ̱vɨ́ yaꞌá, chi métúꞌún ni Tátáꞌ rán Ndiosíꞌ íyó, ya̱ nééꞌ re̱ꞌ antivɨ́ súkún.

Mateo 26:29

Jee káchíꞌ ni̱ꞌ nu̱u̱nꞌ rán, ya̱ ne̱ vitan ni nsáꞌ koꞌo ni̱ꞌ ka̱ꞌ nixiꞌ yaꞌá ya̱ vixíꞌ kúun yokúꞌúꞌ uva, nekuaꞌ kenta ki̱vɨ̱ꞌ nakoꞌo jiáá tuku ni̱ꞌ maa jín rán sáá nakɨ̱ꞌɨ nɨꞌɨ xi̱ntíín Ndiosíꞌ jee tátúníꞌ re̱ꞌ nu̱u̱nꞌ nɨꞌɨ ―nkachiꞌ Jesús.

Mateo 26:42

Jee nni̱kó tuku re̱ꞌ kua̱ꞌa̱nꞌ re̱ꞌ ya̱ uvíꞌ íchí, jee jíkánꞌ táꞌvíꞌ re̱ꞌ, jee nkachiꞌ re̱ꞌ: ―Tátáꞌ maáníꞌ, retú ntu kúvi jia̱ꞌa tu̱nóꞌó yaꞌá ya̱ váji kunoꞌo ni̱ꞌ, jee saꞌá sáni kuíni maánú ―nkachiꞌ Jesús.

Mateo 5:16

Jee suꞌva íyó kueꞌnu na̱a̱ꞌ va̱ꞌa rán sáva kúvi rán kuéntáꞌ ñuꞌunꞌ stúúnꞌ rán nu̱u̱nꞌ rá ñɨvɨ jee kune̱ꞌyá ráa ya̱ váꞌa sáꞌá rán, sáva nakuetúꞌún ráa Tátáꞌ rán Ndiosíꞌ ya̱ nééꞌ antivɨ́ súkún.

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Mateo 6:14

’Chi retú nékáꞌnú iniꞌ rán ya̱ niváꞌa sáꞌá rá ñɨvɨ ránoꞌó, jee Tátáꞌ rán Ndiosíꞌ ya̱ nééꞌ re̱ꞌ antivɨ́ súkún suni kunekáꞌnú iniꞌ re̱ꞌ kune̱ꞌyá re̱ꞌ ránoꞌó.

Mateo 6:6

Soo noꞌó, sáá káꞌánꞌ nú jín Ndiosíꞌ, jee ni̱vɨ iniꞌ veꞌi nu̱u̱nꞌ koo métúꞌún nú, jee nakasɨꞌ nú yuvéꞌí yukuán, jee kaꞌanꞌ nú jín Tátáꞌ nú Ndiosíꞌ ya̱ íyó yuꞌuꞌ re̱ꞌ jín nú, jee Tátáꞌ nú chi jíníꞌ re̱ꞌ ya̱ sáꞌá yuꞌuꞌ nú sukuán, jee taji re̱ꞌ ta̱ꞌvi̱ꞌ kuvi nú.

Mateo 7:11

Saáva ránoꞌó, ya̱ kúvi rán ñɨvɨ niváꞌa, jee ya jíníꞌ rán ku̱ꞌva rán rá ta̱ꞌvi̱ꞌ váꞌa nu̱u̱nꞌ se̱ꞌya rán, soo Tátáꞌ rán Ndiosíꞌ ya̱ nééꞌ re̱ꞌ ne̱ antivɨ́, saꞌ víꞌí káꞌ ku̱ꞌva re̱ꞌ ya̱ váꞌa nu̱u̱nꞌ rá ñɨvɨ ya̱ jíkánꞌ táꞌvíꞌ ráa nu̱u̱nꞌ re̱ꞌ.

Lucas 15:18

Nikó ni̱ꞌ kɨ̱noꞌonꞌ ni̱ꞌ nu̱u̱nꞌ tátáꞌ ni̱ꞌ, jee kachiꞌ ni̱ꞌ nu̱u̱nꞌ re̱ꞌ: Tááꞌ, nsa̱ꞌá ni̱ꞌ kua̱chi nu̱u̱nꞌ Ndiosíꞌ ya̱ nééꞌ antivɨ́ jín suni nu̱u̱nꞌ maánú ranika̱ꞌ.

Lucas 15:21

’Saájee nkachiꞌ‑i nu̱u̱nꞌ tátáꞌ‑a: “Tááꞌ, nsa̱ꞌá ni̱ꞌ kua̱chi nu̱u̱nꞌ Ndiosíꞌ nééꞌ antivɨ́ jín suni nu̱u̱nꞌ maánú ranika̱ꞌ, jee ntu ka̱ꞌ íyó ni̱ꞌi̱nꞌ ni̱ꞌ ya̱ kuna̱ní ni̱ꞌ se̱ꞌya nú”, nkachiꞌ‑i.

Lucas 2:14

¡Na̱ ka̱ꞌ viiꞌ nasɨ́kuitɨꞌ ka̱ꞌ kúñáꞌnú Ndiosíꞌ ya̱ íyó re̱ꞌ ne̱ antivɨ́, jee nu̱u̱nꞌ ñɨ̱vɨ́ nakuneeꞌ va̱ꞌa rá ñɨvɨ jín Ndiosíꞌ ya̱ íyó ma̱ni̱ꞌ iniꞌ re̱ꞌ néꞌyá re̱ꞌ ráa! Nkachiꞌ rá najiáꞌáꞌ ííꞌ vá.

Juan 20:17

Jee nkachiꞌ Jesús nu̱u̱nꞌ ña: ―Koto tɨ́ɨn nú nuꞌuꞌ chinetu nú, chi ntiáꞌan kɨ̱naa ni̱ꞌ nu̱u̱nꞌ Tátáꞌ ni̱ꞌ. Soo kuáꞌán nu̱u̱nꞌ rá ñaniꞌ ni̱ꞌ, ya nsu̱kuáꞌa ni̱ꞌ ráa, jee kachiꞌ nú nu̱u̱nꞌ ráa ya̱ kɨ̱naa ni̱ꞌ nu̱u̱nꞌ Tátáꞌ maáníꞌ ya̱ kúvi Tátáꞌ ránoꞌó ranika̱ꞌ, jín ya̱ kúvi Ndiosíꞌ ni̱ꞌ jín Ndiosíꞌ ránoꞌó ―nkachiꞌ Jesús.

Romanos 1:7

Tée ni̱ꞌ tutuꞌ yaꞌá nu̱u̱nꞌ ránoꞌó ya̱ ñúnúunꞌ Ndiosíꞌ ránoꞌó ya̱ nééꞌ rán ñuunꞌ Roma, ya̱ nkana re̱ꞌ ránoꞌó sáva kusɨ́ɨ́n rán kɨꞌɨ rán nu̱u̱nꞌ re̱ꞌ. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

Romanos 8:15

Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!”

Gálatas 1:1

Maáníꞌ, Pablo tée ni̱ꞌ nu̱u̱nꞌ tutuꞌ yaꞌá. Níso ni̱ꞌ tiñu apóstol, ya̱ chúichí Ndiosíꞌ stekútu̱ꞌún ni̱ꞌ tu̱ꞌun re̱ꞌ. Nsú rá ñɨvɨ ví ya̱ nchu̱ichí nuꞌuꞌ ni ya̱ nsáꞌ ñani ñɨvɨ nuꞌuꞌ kunisotíñú ni̱ꞌ. Chi maá Jesús ya̱ kúvi Cristo jín Tátáꞌ‑ó ya̱ kúvi Ndiosíꞌ ñani ráa nuꞌuꞌ. Jee Ndiosíꞌ ví ya̱ nxi̱nátekuꞌ i̱i̱ꞌ re̱ꞌ Jesús nteñu rá níꞌiꞌ jee nxi̱nákóo re̱ꞌ yɨkɨkúñu‑u jee tékúꞌ‑u.

Gálatas 4:6

Jie̱ꞌe̱ꞌ ya̱ kúvi‑ó se̱ꞌya Ndiosíꞌ vá nchu̱ichí re̱ꞌ Ta̱chi̱ꞌ Ííꞌ Se̱ꞌya re̱ꞌ ki̱vɨ‑ɨ iniꞌ ánímaꞌ‑ó, jee Ta̱chi̱ꞌ Ííꞌ re̱ꞌ sáꞌá ya̱ kúvi káchíꞌ nijia‑ó nu̱u̱nꞌ Ndiosíꞌ: “Tááꞌ ni̱ꞌ, Tátáꞌ ni̱ꞌ.”

1 Timoteo 6:16

Métúꞌún re̱ꞌ vá íyó nɨ́ɨ́nkání jee sáꞌá re̱ꞌ ya̱ kutekuꞌ‑ó nɨ́ɨ́nkání. Jee nééꞌ re̱ꞌ nu̱u̱nꞌ túúnꞌ ñuꞌunꞌ, ya̱ ni ɨɨn ntu kúvi kuyatin nu̱u̱nꞌ re̱ꞌ. Jee ntiáꞌan kuniꞌ ni ɨɨn ñɨvɨ re̱ꞌ, ni ntu kúvi kune̱ꞌyá ráa re̱ꞌ. Na̱ ka̱ꞌ koo ñáꞌnú re̱ꞌ ka̱ꞌ nu̱u̱nꞌ nɨꞌɨ nɨ́ɨ́nkání jee íyó fuersáꞌ ííꞌ re̱ꞌ ya̱ tátúníꞌ re̱ꞌ nu̱u̱nꞌ nɨꞌɨ nɨ́ɨ́nkání. Suꞌva koo.

1 Pedro 1:17

Jee ya̱ káchíꞌ rán ya̱ Ndiosíꞌ ví Tátáꞌ rán ya̱ maáréꞌ vá ntu tɨ́ɨn kuéntáꞌ re̱ꞌ ne̱ ɨɨn kúvi ta ɨɨn ɨɨn ñɨvɨ, chi ɨɨn nuún ni sánáaꞌ re̱ꞌ jie̱ꞌe̱ꞌ ta ɨɨn ɨɨn ráa sánikua̱ꞌ tiñu sáꞌá ráa. Jee saáva kuꞌun yúꞌví iniꞌ rán kɨtíñú rán nu̱u̱nꞌ re̱ꞌ tiempúꞌ ya̱ nééꞌ rán tékúꞌ rán iniꞌ ñɨ̱vɨ́ yaꞌá.

Apoclipsis 4:11

I̱toꞌoꞌ ránꞌ ya̱ kúvi nú Ndiosíꞌ ránꞌ, chi nóꞌo kúvi ya̱ íyó ya̱ ni̱ꞌi̱nꞌ nú, ya̱ káchíꞌ ránꞌ ya̱ viiꞌ kúñáꞌnú nú, jín ya̱ nákuetúꞌún ránꞌ noꞌó, jín ya̱ níso víꞌí nú fesáꞌ ííꞌ, chi maánú nsa̱ꞌá ntáká ya̱ íyó, chi sáni nkuini iniꞌ maánú, jee nkenta ña̱ko̱o ráa, jee nsa̱ꞌá nú maa, nkachiꞌ ráa.

Apoclipsis 5:12

Jee ni̱ꞌin nkachiꞌ ráa: Maá Lanchi Lúlí ya̱ nso̱ko̱ꞌ re̱ꞌ maáréꞌ ñaꞌniꞌ ñɨvɨ re̱ꞌ, jee íyó ni̱ꞌi̱nꞌ re̱ꞌ ya̱ nísotíñú re̱ꞌ, ya̱ níꞌínꞌ re̱ꞌ nɨꞌɨ ya̱ yɨ́yáꞌvi, ya̱ saá níchí xá xíniꞌ re̱ꞌ, ya̱ saá níso re̱ꞌ fuersáꞌ ííꞌ, ya̱ nákuatáꞌví nɨꞌɨ ya̱ íyó maáréꞌ, ya̱ káchíꞌ nɨꞌɨ ya̱ íyó ya̱ viiꞌ kúñáꞌnú re̱ꞌ, ya̱ nákuetúꞌún nɨꞌɨ ya̱ netuꞌ kúvi re̱ꞌ. Nkachiꞌ rá najiáꞌáꞌ ííꞌ vá.