Mateo 4:9 - Mixteco del suroeste de Tlaxiaco Oaxaca

⁹ Jee nkachiꞌ‑i nu̱u̱nꞌ re̱ꞌ: ―Nu̱u̱nꞌ noꞌó taji ni̱ꞌ ntáká rá yaꞌá, retú nakui̱ñi̱ꞌ ítɨ́ nú nu̱u̱nꞌ nuꞌuꞌ, kuneñu̱ꞌun nú nuꞌuꞌ ―nkachiꞌ‑i.

Mateo 4:9 Iomraidhean Croise

Mateo 26:15

jee nkachiꞌ‑i: ―¿Ná kúvi ya̱ kuíni rán taji rán nu̱u̱nꞌ ni̱ꞌ, jee nataji ni̱ꞌ Jesús nu̱u̱nꞌ rán? ―nkachiꞌ‑i. Saájee nchu̱ku̱ꞌva ráa o̱ko̱ꞌ u̱ji̱ꞌ (30) xu̱ꞌún ka̱a ya̱ kúvi plata, jee njia̱ꞌa ráa maa nu̱u̱nꞌ‑u.

Mateo 4:10

Saájee nkachiꞌ Jesús nu̱u̱nꞌ‑u: ―Kuiyo nu̱u̱nꞌ ni̱ꞌ, Satanás, chi káchíꞌ tu̱ꞌun níso nu̱u̱nꞌ Tutuꞌ Ííꞌ ya̱: “Íyó kuneñu̱ꞌun nú I̱toꞌoꞌ nú ya̱ kúvi Ndiosíꞌ nú, jee nu̱u̱nꞌ métúꞌún maáréꞌ ni íyó kɨtíñú nú” ―nkachiꞌ Jesús.

Juan 12:31

Vitan kúvi tiempúꞌ ya̱ saꞌá na̱a̱ꞌ Ndiosíꞌ kua̱chi jie̱ꞌe̱ꞌ rá ñɨvɨ ñɨ̱vɨ́ yaꞌá. Jee vitan jee tavaꞌ Ndiosíꞌ máá maá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá kɨ̱ꞌɨ̱nꞌ iyo‑o.

Juan 13:3

Jee jíníꞌ Jesús ya̱ máá Tátáꞌ re̱ꞌ Ndiosíꞌ njia̱ꞌa nu̱u̱nꞌ re̱ꞌ nta̱ká ya̱ íyó sáva kɨꞌɨ xi̱ntíín re̱ꞌ. Jee suni jíníꞌ re̱ꞌ ya̱ ne̱ nu̱u̱nꞌ Ndiosíꞌ nkene re̱ꞌ va̱ji re̱ꞌ nu̱u̱nꞌ ñɨ̱vɨ́ yaꞌá jee jíníꞌ re̱ꞌ ya̱ yukuán kɨ̱noꞌonꞌ re̱ꞌ nu̱u̱nꞌ Ndiosíꞌ.

Juan 14:30

Nka̱ꞌánꞌ kue̱ꞌe̱ꞌ ni̱ꞌ ka̱ꞌ jín rán, chi ya̱ va̱ji máá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá. Asúnika̱ꞌ ntu̱náꞌ fesáꞌ níso‑o tatúníꞌ‑i nu̱u̱nꞌ nuꞌuꞌ.

Juan 16:11

Jee stúvi kájí re̱ꞌ ya̱ keꞌneꞌ na̱a̱ꞌ re̱ꞌ kua̱chi si̱kɨ̱ꞌ rá ñɨvɨ ñɨ̱vɨ́, chi ya̱ nkuna̱a̱ꞌ kɨ̱naanꞌ ta̱chi̱ꞌ kíni kúñáꞌnú ya̱ tátúníꞌ iniꞌ ñɨ̱vɨ́ yaꞌá.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

1 Timoteo 3:6

Jee rá te̱e yósóꞌ nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, nsú te̱e sukuán ni̱nu̱ꞌ iniꞌ Cristo kúvi re̱ꞌ, sáva nkúꞌun téyɨ́ɨ́ iniꞌ re̱ꞌ, jee sáva suꞌva nkíninkava re̱ꞌ nu̱u̱nꞌ kua̱chi sáva ntu sijíta Ndiosíꞌ re̱ꞌ, sánikua̱ꞌ nkininkava kui̱ꞌna̱ꞌ kúñáꞌnú jee nsi̱jíta Ndiosíꞌ maa.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

Apoclipsis 19:16

Jee saꞌma ñúꞌún ɨɨn rá sɨ̱ꞌɨn tíkóó re̱ꞌ níso súví yaꞌá: “Nísotíñú re̱ꞌ tátúníꞌ re̱ꞌ nu̱u̱nꞌ ntáká ráa ya tátúníꞌ ráa nu̱u̱nꞌ rá ñuunꞌ jín I̱toꞌoꞌ nu̱u̱nꞌ ntáká i̱toꞌoꞌ.”