Mateo 3:7 - Mixteco del suroeste de Tlaxiaco Oaxaca

⁷ Soo sáá niniꞌ re̱ꞌ ya̱ kénta kue̱ꞌe̱ꞌ víꞌí rá te̱e yɨ́ꞌɨ́ ñujiínꞌ fariseo jín rá te̱e yɨ́ꞌɨ́ ñujiínꞌ saduceo nu̱u̱nꞌ síkuánuté re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó, kuéntáꞌ tataꞌ ko̱o̱ꞌ xe̱e̱nꞌ kúvi rán. ¿Né ɨɨn nxtúꞌva ya̱chi̱ꞌ nu̱u̱nꞌ rán, ya̱ kene kunu rán ka̱ku rán nu̱u̱nꞌ tu̱nóꞌó xéénꞌ kiji ya̱ xinóꞌo Ndiosíꞌ ránoꞌó chi kítɨ́ꞌ iniꞌ re̱ꞌ néꞌyá re̱ꞌ kua̱chi rán rúja?

Mateo 3:7 Iomraidhean Croise

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 12:24

Soo sáá nteso̱ꞌo rá te̱e yɨ́ꞌɨ́ ñujiínꞌ fariseo tu̱ꞌun yaꞌá, jee nkachiꞌ ráa: ―Te̱e yaꞌá chi, nsú Ndiosíꞌ chíneí‑i maáréꞌ táváꞌ re̱ꞌ rá kui̱ꞌna̱ꞌ iniꞌ ñɨvɨ, chi kua̱chi táváꞌ re̱ꞌ rá kui̱ꞌna̱ꞌ jín fuersáꞌ njiáꞌa Beelzebú nu̱u̱nꞌ re̱ꞌ. Beelzebú, kúvi Satanás, i̱toꞌoꞌ rá kui̱ꞌna̱ꞌ ―nkachiꞌ ráa.

Mateo 12:34

¡Ránoꞌó ya̱ kúvi rán kuéntáꞌ tataꞌ ko̱o̱ꞌ xe̱e̱nꞌ! Jee, ¿na̱sa kúvi kachiꞌ rán tu̱ꞌun váꞌa rúja?, chi ñɨvɨ kánéꞌén ví maárán. Chi máá ya̱ ñúꞌún chitú ánímaꞌ ñɨvɨ ví ya̱ kéne yuꞌú‑u káchíꞌ‑i.

Mateo 15:12

Saájee rá te̱e súkuáꞌa Jesús ráa ña̱kuyatin ráa nu̱u̱nꞌ re̱ꞌ jee nkachiꞌ ráa nu̱u̱nꞌ re̱ꞌ: ―¿Á jíníꞌ nú ya̱ rá te̱e fariseo nku̱níní iniꞌ ráa ya̱ nteso̱ꞌo ráa tu̱ꞌun yaꞌá ya̱ nkachiꞌ nú?

Mateo 16:1

Rá te̱e yɨ́ꞌɨ́ ñujiínꞌ fariseo jín rá saduceo nkenta ráa nu̱u̱nꞌ Jesús, sáva sikúvi ráa iniꞌ re̱ꞌ sáva kototúníꞌ ráa re̱ꞌ. Jee saáva ni̱ka̱nꞌ ráa nu̱u̱nꞌ re̱ꞌ ya̱ saꞌá re̱ꞌ ɨɨn seña a̱nasɨ́ ya̱ stúvi re̱ꞌ ya̱ níso re̱ꞌ fesáꞌ ííꞌ váji ne̱ nu̱u̱nꞌ Ndiosíꞌ nééꞌ antivɨ́ súkún.

Mateo 16:6

Saájee nkachiꞌ Jesús nu̱u̱nꞌ ráa: ―Kumí rán maárán, nito koo rán maárán nu̱u̱nꞌ levadura rá te̱e kúvi fariseo, jín rá saduceo ―nkachiꞌ re̱ꞌ.

Mateo 22:15

Saájee kua̱ꞌa̱nꞌ rá te̱e kúvi fariseo, jee nna̱túꞌún ráa na̱ja vá natavaꞌ ráa yuꞌú re̱ꞌ ɨɨn tu̱ꞌun jie̱ꞌe̱ꞌ ya̱ kuvi chikua̱chi ráa re̱ꞌ.

Mateo 22:23

Jee ki̱vɨ yukuán suni ña̱kuyatin sava rá te̱e yɨ́ɨ́ ñujiínꞌ saduceo nu̱u̱nꞌ íñɨ́ Jesús, jee suviráa vá káchíꞌ ya̱ ni nsáꞌ natekuꞌ tuku rá ñɨvɨ níꞌiꞌ, jee saáva ni̱ka̱tu̱ꞌún ráa Jesús, jee nkachiꞌ ráa:

Mateo 22:34

Saájee rá te̱e yɨ́ꞌɨ́ ñujiínꞌ fariseo, sáá nteso̱ꞌo ráa ya̱ ntu nkutúníꞌ ná kachiꞌ ka̱ꞌ rá te̱e saduceo, chi ñasɨꞌ ráa yuꞌú ráa nsa̱ꞌá Jesús, jee nna̱sikétáꞌan rá te̱e fariseo vá maáráa.

Mateo 23:33

’¡Ko̱o̱ꞌ ránoꞌó! ¡Se̱ꞌya ko̱o̱ꞌ xe̱e̱nꞌ ví ránoꞌó! ¿Na̱ja kuvi ka̱ku rán nu̱u̱nꞌ sikɨ́naanꞌ Ndiosíꞌ ránoꞌó kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ?

Mateo 5:20

Chi káchíꞌ ni̱ꞌ nu̱u̱nꞌ rán ya̱ íyó kino̱o na̱a̱ꞌ rán ka̱ꞌ sáni kuíni Ndiosíꞌ nsú káꞌ rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, jín rá te̱e yɨ́ꞌɨ́ ñujiínꞌ fariseo, soo retú ntu̱ví jee ni nsáꞌ ki̱vɨ rán naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ rán.

Marcos 12:13

Jee kuíre nta̱jí ráa nu̱u̱nꞌ Jesús kéꞌín rá fariseo jín rá te̱e íñɨ́ jín Herodes, sáva natavaꞌ ráa yuꞌú re̱ꞌ ɨɨn tu̱ꞌun jie̱ꞌe̱ꞌ ya̱ kuvi chikua̱chi ráa re̱ꞌ.

Marcos 12:18

I̱ña̱jée rá te̱e ya̱ yɨ́ꞌɨ́ ñujiínꞌ saduceo ya̱ maáráa vá káchíꞌ ráa ya̱ nsáꞌ natekuꞌ i̱i̱ꞌ rá níyɨ jee ni nsáꞌ nako̱o ñunéꞌyúꞌ rá ñɨvɨ, jee nkenta sava ráa nu̱u̱nꞌ íñɨ́ Jesús jee ni̱ka̱tu̱ꞌún ráa re̱ꞌ:

Marcos 8:15

Jee nta̱túníꞌ re̱ꞌ nu̱u̱nꞌ ráa [jie̱ꞌe̱ꞌ tu̱ꞌun xínéꞌénꞌ rá fariseo]: ―Kumí rán maárán. Nito koo rán maárán nu̱u̱nꞌ levadura rá fariseo jín levadura Herodes.

Lucas 16:14

Jee sáá nteso̱ꞌo rá te̱e yɨ́ꞌɨ́ ñujiínꞌ fariseo ntáká rá tu̱ꞌun nkachiꞌ re̱ꞌ, jee káꞌánꞌ u̱ꞌvi̱ꞌ ráa néꞌyá ráa re̱ꞌ, chi suviráa vá ñúnúunꞌ víꞌí ráa xu̱ꞌún.

Lucas 18:11

Jee te̱e fariseo vá íñɨ́ nichiꞌ‑i, jee káꞌánꞌ‑i jie̱ꞌe̱ꞌ‑e jee káchíꞌ‑i suꞌva: “Ndiosíꞌ, táji ni̱ꞌ ya̱ kútaꞌviꞌ nu̱u̱nꞌ nú ya̱ ntu kúvi ni̱ꞌ kuéntáꞌ kua̱ꞌ kúvi rá inka ka̱ꞌ rá te̱e, ya̱ kúvi te̱e kuíꞌná, te̱e kánéꞌén, te̱e téní kúsíkɨ́ iniꞌ jín kuéntáꞌ súka̱ꞌ kua̱ꞌ íyó te̱e tíꞌñá yaꞌá ya̱ nástútú‑u xu̱ꞌún náneeꞌ ñuunꞌ Roma.

Lucas 7:30

Soo rá te̱e yɨ́ꞌɨ́ ñujiínꞌ fariseo jín rá te̱e súkuáꞌa tu̱ꞌun nta̱túníꞌ Ndiosíꞌ yanaꞌán, nkuniichiꞌ ráa ya̱ nkuíni Ndiosíꞌ saꞌá re̱ꞌ jie̱ꞌe̱ꞌ ráa, jee ntu ñɨ́netuꞌ ráa sikuánuté Juan ráa.

Juan 1:24

Jee nchu̱ichí rá te̱e nísotíñú rá te̱e ya̱ kúvi ráa te̱e yɨ́ꞌɨ́ ñujiínꞌ fariseo.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Juan 9:40

Jee sava rá te̱e ya̱ yɨ́ꞌɨ́ ñujiínꞌ fariseo vá ya̱ íñɨ́ ráa nu̱u̱nꞌ íñɨ́ Jesús, jee nteso̱ꞌo ráa tu̱ꞌun yaꞌá ya̱ nkachiꞌ Jesús, jee nkachiꞌ ráa nu̱u̱nꞌ re̱ꞌ: ―¿Á suni ránuꞌuꞌ kúvi ránꞌ kuéntáꞌ te̱e kuáá résa? ―nkachiꞌ ráa.

Hechos 15:5

Soo nna̱kuiñɨꞌ kéꞌín rá te̱e kúneí iniꞌ Jesús, ya̱ yɨ́ꞌɨ́ ñujiínꞌ fariseo, jee nkachiꞌ ráa: ―Íyó saꞌá circuncidar‑ó ráa, jee íyó tatúníꞌ‑ó ya̱ sikúnkuvi ráa tu̱ꞌun ley nta̱túníꞌ Ndiosíꞌ, ya̱ njiáꞌa re̱ꞌ nu̱u̱nꞌ Moisés.

Hechos 20:31

Saáva nito koo rán. Kunaꞌán rán ya̱ nuví niñuꞌ ya̱ uníꞌ kui̱ya̱ꞌ jee ntu nsi̱kɨ́kui̱ñɨ̱ꞌ ni̱ꞌ nna̱kutíñú ni̱ꞌ nu̱u̱nꞌ ta ɨɨn rán, ne̱ nnaꞌyuꞌ ni̱ꞌ.

Hechos 26:5

Ya jíníꞌ ráa kue̱ꞌe̱ꞌ tiempúꞌ ya̱ ne̱ xíꞌnañúꞌún nyɨ̱ꞌɨ ni̱ꞌ ñujiínꞌ fariseo, ya̱ ni̱ꞌin yɨ́ɨ́ xá ka̱ꞌ síkúnkuvi ráa ley Moisés nsú káꞌ rá inka ñɨvɨ níkɨ́nꞌ ñujiínꞌ Israel. Jee kúvi nástúvi ráa ya̱ naáꞌ jie̱ꞌe̱ꞌ vá, ré kuíni ráa.

Hechos 5:17

Soo maá su̱tu̱ꞌ kúñáꞌnú ka̱ꞌ jín rá te̱e íñɨ́ jín re̱ꞌ, ya̱ kúvi ráa saduceo, jee ñúꞌún kuíñɨ́ víꞌí iniꞌ ráa néꞌyá ráa rá te̱e nísotíñú apóstol nchu̱ichí Ndiosíꞌ.

Romanos 1:18

Chi nstúvi Ndiosíꞌ nu̱u̱nꞌ‑ó ya̱ kítɨ́ꞌ iniꞌ re̱ꞌ jee va̱ji ne̱ antivɨ́ ya̱ xinóꞌo re̱ꞌ ntáká ñɨvɨ ntu sáꞌá ñáꞌnú ráa nu̱u̱nꞌ re̱ꞌ jín ya̱ ntu kínóo na̱a̱ꞌ ráa nu̱u̱nꞌ Ndiosíꞌ. Chi jín rá tiñu niva̱ꞌa sáꞌá ráa jiáxin ráa tu̱ꞌun na̱a̱ꞌ re̱ꞌ.

Romanos 5:9

Jee saáva nu̱u̱nꞌ ya̱ sííyo Ndiosíꞌ kua̱chi‑ó vitan sáva kino̱o na̱a̱ꞌ‑ó nu̱u̱nꞌ re̱ꞌ jie̱ꞌe̱ꞌ ya̱ níꞌiꞌ Cristo jee ñatɨ ni̱ñɨ̱ꞌ re̱ꞌ, jee saꞌ víꞌí ka̱ꞌ sikáku re̱ꞌ yó nkúnoꞌo‑ó tu̱nóꞌó xinóꞌo Ndiosíꞌ ñɨvɨ jie̱ꞌe̱ꞌ kua̱chi ráa chi kítɨ́ꞌ iniꞌ re̱ꞌ jie̱ꞌe̱ꞌ kua̱chi ráa.

1 Tesalonicenses 1:10

Jee nki̱vɨ rán nu̱u̱nꞌ re̱ꞌ sáva kunetu rán ya̱ kene Se̱ꞌya re̱ꞌ antivɨ́ jee niji‑i nu̱u̱nꞌ ñɨ̱vɨ́ yaꞌá. Se̱ꞌya Ndiosíꞌ ví ya̱ nxi̱nátekuꞌ re̱ꞌ nteñu rá níꞌiꞌ jee nxi̱nákóo Ndiosíꞌ ñunéꞌyúꞌ‑u. Jee maáa ví Jesús. Jee Jesús ví ya̱ sikáku re̱ꞌ yó sáva nxínóꞌo Ndiosíꞌ yó, ki̱vɨ̱ꞌ kiji re̱ꞌ xinóꞌo re̱ꞌ rá ñɨvɨ, chi kítɨ́ꞌ iniꞌ re̱ꞌ jie̱ꞌe̱ꞌ rá kua̱chi ráa.

Hebreos 11:7

Jee Noé ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nstúꞌva Ndiosíꞌ re̱ꞌ jie̱ꞌe̱ꞌ rá tu̱nóꞌó xéénꞌ koo ya̱ ni ntiáꞌan kuniꞌ maa. Jee ñúyúꞌví iniꞌ re̱ꞌ Ndiosíꞌ jee nsa̱ꞌá re̱ꞌ ɨɨn barkúꞌ maá káꞌnú nasɨ́kuitɨꞌ ya̱ naní arca, sáva ka̱ku re̱ꞌ jín ntáká rá ñɨvɨ táꞌán veꞌi re̱ꞌ. Jee jie̱ꞌe̱ꞌ nku̱neí iniꞌ Noé Ndiosíꞌ, jee nsi̱jíta re̱ꞌ kua̱íyó rá ñɨvɨ ñɨ̱vɨ́ vá nu̱u̱nꞌ kua̱chi ráa. Jee ni̱ꞌi̱nꞌ re̱ꞌ ta̱ꞌvi̱ꞌ ninima̱ni̱ꞌ Ndiosíꞌ ya̱ nsa̱náaꞌ‑a ya̱ kúvi re̱ꞌ te̱e na̱a̱ꞌ jie̱ꞌe̱ꞌ nku̱neí iniꞌ re̱ꞌ Ndiosíꞌ.

Hebreos 6:18

Jee saájee íyó u̱vi̱ꞌ tu̱ꞌun nkachiꞌ re̱ꞌ vá ya̱ ni ntu̱né kúvi sama‑a, chi ntu kuvi katúꞌún Ndiosíꞌ. Saáva nsa̱náaꞌ re̱ꞌ sukuán sáva nuneí téyɨ́ɨ́ iniꞌ maáórán ya̱ numíjiꞌíꞌ nna̱tuꞌva‑ó nu̱u̱nꞌ re̱ꞌ nama re̱ꞌ yó, sáva ni̱ꞌi̱nꞌ‑ó tu̱neí iniꞌ‑ó ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ nu̱u̱nꞌ‑ó.

1 Juan 3:10

Jee suꞌva túvi né ɨɨn nijia ví rá se̱ꞌya Ndiosíꞌ, jín né ɨɨn nijia ví rá se̱ꞌya kui̱ꞌna̱ꞌ kúñáꞌnú: nta̱ká ñɨvɨ ya̱ ntu jíka na̱a̱ꞌ jín ya̱ ntu ñúnúunꞌ ráa rá ñanitáꞌán ráa ya̱ yɨ́ꞌɨ́ nu̱u̱nꞌ Jesús, jee ntu̱ví kúvi ráa se̱ꞌya Ndiosíꞌ.