Mateo 3:11 - Mixteco del suroeste de Tlaxiaco Oaxaca

¹¹ ’Jee nuꞌuꞌ chi máá naáꞌ nijia ya̱ síkuánuté ni̱ꞌ ránoꞌó jín nute kuíí ni, ya̱ stúvi ya̱ nna̱kani nijia iniꞌ rán nu̱u̱nꞌ Ndiosíꞌ jie̱ꞌe̱ꞌ kua̱chi rán. Soo ya̱ta̱ꞌ ni̱ꞌ kiji ɨɨn ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ ya̱ kunaꞌá ni̱ꞌ sú kua̱chi ni̱jia̱nꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ sáva kɨꞌɨ‑ɨ ánímaꞌ ránú ya̱ nákani iniꞌ rán, jee rá inka rán, ya̱ ntu nákani iniꞌ rán, sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Mateo 3:11 Iomraidhean Croise

Mateo 3:6

Jee sáá néne yuꞌú ráa kua̱chi ráa nu̱u̱nꞌ Ndiosíꞌ, jee síkuánuté Juan ráa nu̱u̱nꞌ ntekáꞌnú Jordán.

Marcos 1:4

Nkuvi sáni ya̱ ntee Isaías, chi nkenta Juan nu̱u̱nꞌ ñu̱ꞌún sáɨn jee síkuánuté re̱ꞌ rá ñɨvɨ. Jee stékútu̱ꞌún re̱ꞌ nu̱u̱nꞌ rá ñɨvɨ ya̱ sikuánuté re̱ꞌ ráa ré nakani iniꞌ ráa jie̱ꞌe̱ꞌ kua̱chi ráa jee kunikɨnꞌ ráa Ndiosíꞌ, sáva kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

Lucas 1:17

Jee xíꞌna ka̱ꞌ Juan kenta, ne̱ ntiáꞌan kenta I̱toꞌoꞌ‑ó, jee koo Ta̱chi̱ꞌ Ííꞌ Ndiosíꞌ jín re̱ꞌ jee koo fuersáꞌ níꞌin Ndiosíꞌ jín re̱ꞌ, kuéntáꞌ kua̱ꞌ nkuvi jín Elías ne̱ yanaꞌán. Jee kachitu̱ꞌún re̱ꞌ tu̱ꞌun jie̱ꞌe̱ꞌ I̱toꞌoꞌ‑ó sáva nasaꞌá re̱ꞌ nakama̱ni̱ꞌ rá tátáꞌ jín rá se̱ꞌya ráa, jee sáva nachuꞌun re̱ꞌ ichi rá ñɨvɨ ni̱ꞌin iniꞌ ya̱ sama iniꞌ ráa jee naku̱ꞌun kájí iniꞌ ráa sánikua̱ꞌ ñɨvɨ na̱a̱ꞌ. Jee suꞌva nasaꞌá túꞌva re̱ꞌ rá ñɨvɨ sáva koo tu̱ꞌva va̱ꞌa ráa kunikɨnꞌ ráa I̱toꞌoꞌ‑ó sáá kenta‑a ―nkachiꞌ najiáꞌáꞌ ííꞌ vá.

Lucas 3:16

Soo nkaꞌanꞌ Juan jee nkachiꞌ re̱ꞌ nu̱u̱nꞌ ntáká ráa: ―Nuꞌuꞌ chi, máá naáꞌ nijia ya̱ síkuánuté ni̱ꞌ ránoꞌó jín nute kuíí ni, soo íyó kiji ɨɨn ya̱ máá kúñáꞌnú nasɨ́kuitɨꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ nanají ni̱ꞌ ñɨɨn yɨ́ꞌɨ́ ni̱jia̱nꞌ yɨ́ꞌɨ́ jie̱ꞌe̱ꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ kɨꞌɨ‑ɨ ánímaꞌ ránú [ya̱ nákani iniꞌ rán], jee rá inka rán [ya̱ ntu nákani iniꞌ rán] sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Lucas 3:3

Jee ni̱kónúun Juan ntáká rá nu̱u̱nꞌ kúvi yunúte ntekáꞌnú Jordán, stékútu̱ꞌún re̱ꞌ nu̱u̱nꞌ rá ñɨvɨ ya̱ sikuánuté re̱ꞌ ráa ré nakani iniꞌ ráa jie̱ꞌe̱ꞌ kua̱chi ráa jee kunikɨnꞌ ráa Ndiosíꞌ sáva kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

Juan 1:15

Jee Juan jiáꞌa ya̱ naáꞌ jie̱ꞌe̱ꞌ re̱ꞌ, jee nkachiꞌ‑i: ―Te̱e yaꞌá kúvi re̱ꞌ jie̱ꞌe̱ꞌ nkachiꞌ ni̱ꞌ: “Maáréꞌ ya̱ kiji ichinúúnꞌ ni̱ꞌ máá kúñáꞌnú ka̱ꞌ ví re̱ꞌ nsú káꞌ nuꞌuꞌ, chi íyó re̱ꞌ xíꞌnañúꞌún ka̱ꞌ nsú káꞌ nuꞌuꞌ.”

Juan 1:30

Jee jie̱ꞌe̱ꞌ maáréꞌ ví ya̱ nkachiꞌ ni̱ꞌ ya̱ kiji re̱ꞌ, sáá nkachiꞌ ni: “Ichinúúnꞌ ni̱ꞌ kiji ɨɨn te̱e ya̱ máá kúñáꞌnú nasɨ́kuitɨꞌ ka̱ꞌ ví re̱ꞌ, chi xíꞌnañúꞌún víꞌí re̱ꞌ ka̱ꞌ ya̱ íyó nsú káꞌ nuꞌuꞌ.”

Hechos 1:5

Chi Juan nsi̱kuánuté nijia re̱ꞌ jín nute, soo ntu kuéꞌeꞌ ka̱ꞌ ki̱vɨ̱ꞌ, ránoꞌó kuanuté jín Ta̱chi̱ꞌ Ííꞌ Ndiosíꞌ, jee kɨꞌɨ re̱ꞌ iniꞌ rán ―nkachiꞌ Jesús.

Hechos 19:4

Jee nkachiꞌ Pablo: ―Juan nsi̱kuánuté re̱ꞌ rá ñɨvɨ ya̱ nna̱kani iniꞌ ráa jie̱ꞌe̱ꞌ kua̱chi ráa. Jee káchíꞌ re̱ꞌ nu̱u̱nꞌ rá ñɨvɨ ya̱ íyó kuneí iniꞌ ráa ɨɨn te̱e kiji ya̱ta̱ꞌ re̱ꞌ. Jesús ví te̱e vá ya̱ íyó kuneí iniꞌ ráa ―nkachiꞌ Pablo.

Hechos 8:36

Jee ni kua̱ꞌa̱nꞌ ráa ichi, jee nkenta ráa nu̱u̱nꞌ ñúꞌún nute. Jee nkachiꞌ te̱e nísotíñú vá: ―¡Kune̱ꞌyá nute vá! ¿Á íyó ya̱ chúsává ya̱ kuanuté ni̱ꞌ?

Hechos 8:38

I̱ña̱jée nta̱túníꞌ te̱e nísotíñú, ya̱ sikɨ́kui̱ñɨ̱ꞌ rá te̱e síkáka ráa karretáꞌ. Jee Felipe jín maáréꞌ, nnuun ni núvíꞌ ráa jee nki̱vɨ ráa nu̱u̱nꞌ nute. Jee nsi̱kuánuté Felipe maa.

1 Corintios 12:13

Chi suni nsi̱kuánuté Cristo yó jín métúꞌún ni Ta̱chi̱ꞌ Ííꞌ vá sáva kɨꞌɨ‑ɨ iniꞌ ánímaꞌ‑ó jee nsa̱ꞌá Ta̱chi̱ꞌ Ííꞌ vá ya̱ kɨꞌɨ ntáká‑ó nu̱u̱nꞌ Cristo kuéntáꞌ nki̱vɨ‑ó nu̱u̱nꞌ ɨɨn ni yɨkɨkúñu re̱ꞌ. Ya̱ súka̱ꞌ ñɨvɨ Israel kúvi‑ó, áxí ñɨvɨ ntu kúvi‑ó Israel, áxí súka̱ꞌ ñɨvɨ ya̱ kúvi musúꞌ ya̱ nkeꞌen ñɨvɨ maa, áxí va̱ni ñɨvɨ ya̱ íyó núne ya̱ sátíñú‑u tiñu maá‑a, chi ntáká‑ó chi yɨ́ꞌɨ́‑ó nu̱u̱nꞌ rá ñɨvɨ Ndiosíꞌ, chi ɨɨn ni Ta̱chi̱ꞌ Ííꞌ níꞌínꞌ nɨꞌɨ‑ó.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Tito 3:5

jee sikáku re̱ꞌ yó nsú jie̱ꞌe̱ꞌ tiñu na̱a̱ꞌ nsa̱ꞌá‑ó ví‑i, chisaꞌ sikáku re̱ꞌ yó chi nku̱náꞌví iniꞌ re̱ꞌ nne̱ꞌyá re̱ꞌ yó. Jee nsi̱káku re̱ꞌ yó jie̱ꞌe̱ꞌ ya̱ Ta̱chi̱ꞌ Ííꞌ re̱ꞌ nna̱sánoo ánímaꞌ‑ó, jee suꞌva nsa̱ꞌá re̱ꞌ ya̱ nna̱kaku jiáá tuku‑ó, jín jie̱ꞌe̱ꞌ ya̱ nsama re̱ꞌ iniꞌ‑ó sáva nujiáá‑ó.

1 Pedro 5:5

Jee sunisaá ni ránoꞌó te̱súchí, chiꞌi rán maárán xi̱ntíín rá te̱e kúñáꞌnú nu̱u̱nꞌ rán. Jee ntáká rán kuꞌun tu̱ꞌun ñúꞌún láꞌví iniꞌ rán jín ɨɨn inka táꞌán rán chi: Ndiosíꞌ jee íñɨ́ re̱ꞌ si̱kɨ̱ꞌ rá ñɨvɨ ñútéyɨ́ɨ́ iniꞌ, soo va̱ꞌa iniꞌ re̱ꞌ chíneí re̱ꞌ rá ñɨvɨ ya̱ ñúꞌún tu̱ꞌun láꞌví iniꞌ ráa.