1 Sáá njia̱ꞌa ki̱vɨ̱ꞌ nájiáví, sáá nku̱nijinꞌ ki̱vɨ̱ꞌ xíꞌnañúꞌún nka̱jiéꞌé semana, jee kua̱ꞌa̱nꞌ nne̱ꞌyá María, ñaꞌan ñuunꞌ Magdala, jín inka ka̱ꞌ María yaviꞌ veꞌi ni̱yɨ vá.
Jee nteñu ráña vá íñɨ́ María, ñaꞌan ñuunꞌ Magdala, jín María, nánáꞌ Jacobo jín José, jín nánáꞌ rá se̱ꞌya Zebedeo.
Jee nni̱kó ráña kua̱noꞌonꞌ ráña veꞌi ráña, jee nsa̱ꞌá stákoo ráña rá nute jiáꞌánꞌ vi̱xi̱ꞌ jín rá aceite yuku jiáꞌánꞌ vi̱xi̱ꞌ. Jee nna̱jia̱ví ráa ki̱vɨ̱ꞌ nájiáví, sánikua̱ꞌ nta̱túníꞌ Ndiosíꞌ.
Jee yukuán nééꞌ María, ñaꞌan ñuunꞌ Magdala, jín inka ka̱ꞌ María ichinúúnꞌ yuꞌú nu̱u̱nꞌ nchiꞌi ráa ñunéꞌyúꞌ Jesús.
Soo suni sava rá ñaꞌan ya̱ kútáꞌán nteñu ráníꞌ, xtívɨ́ ráña xi̱ni̱ꞌ ránꞌ sáá ña̱ꞌa̱nꞌ ráña neꞌenꞌ ki̱vɨ̱ꞌ vitan nu̱u̱nꞌ veꞌi ni̱yɨ nu̱u̱nꞌ nse̱ꞌí ñunéꞌyúꞌ Jesús.
Soo neꞌenꞌ víꞌí ki̱vɨ̱ꞌ xíꞌnañúꞌún ya̱ kájiéꞌé semana, ña̱ꞌa̱nꞌ ráña nu̱u̱nꞌ yaviꞌ veꞌi ni̱yɨ vá ínaꞌá ráña nute jiáꞌánꞌ vi̱xi̱ꞌ ya̱ nsa̱ꞌá stákoo ráña. Jee nku̱táꞌán sava ka̱ꞌ rá ñaꞌan jín ráña.