Mateo 27:6 - Mixteco del suroeste de Tlaxiaco Oaxaca

⁶ Jee rá su̱tu̱ꞌ kúñáꞌnú nna̱keꞌen ráa rá xu̱ꞌún ka̱a plata vá jee nkachiꞌ ráa: ―Ntu yɨ́netuꞌ nachuꞌun rá xu̱ꞌún ka̱a yaꞌá iniꞌ ya̱tu̱nꞌ nu̱u̱nꞌ ñúꞌún váꞌa xu̱ꞌún veñu̱ꞌun, chi kúvi‑i xu̱ꞌún ña̱kunáán ya̱ kaꞌniꞌ‑ó ɨɨn te̱e ―nkachiꞌ ráa.

Mateo 27:6 Iomraidhean Croise

Mateo 23:24

’¡Ránoꞌó te̱e kuáá ya̱ ni ntu jíníꞌ rán ichi chuꞌun rán rá ñɨvɨ! Chi síkuíjin rán tiu̱kún túún lúlí ñúꞌún nu̱u̱nꞌ nute jíꞌi rán, sosaꞌ jíꞌi rán ɨɨn kitɨ kameyúꞌ maá káꞌnú.

Mateo 27:5

Saájee nna̱sikéne Judas xu̱ꞌún plata vá iniꞌ veñu̱ꞌun káꞌnú jee nkene‑e kua̱ꞌa̱nꞌ‑a, jee nte̱kaa‑a maáa jee ni̱ꞌi̱ꞌ‑i.

Mateo 27:7

Jee kuíre nna̱túꞌún ráa ya̱ jín xu̱ꞌún vá keꞌen ráa ɨɨn ñuꞌun naní ñuꞌun ñɨvɨ ya̱ sáꞌá nantíñú jín ñuꞌun nkíxín, sáva yukuán se̱ꞌí ráa rá ñunéꞌyúꞌ rá to̱ꞌo̱ꞌ inka ñuunꞌ.

Marcos 7:11

Soo ránoꞌó káchíꞌ rán: “Ré kachiꞌ ɨɨn te̱e nu̱u̱nꞌ tátáꞌ‑a áxí nu̱u̱nꞌ nánáꞌ‑a: Ntu kúvi chineí ni̱ꞌ noꞌó chi Corbán kúvi néni ɨɨn nantíñú ni̱ꞌ ya̱ kúvi taji ni̱ꞌ nu̱u̱nꞌ noꞌó sáva chineí ni̱ꞌ noꞌó, nékui.” (Corbán kúníꞌ káchíꞌ: Ya̱ nso̱ko̱ꞌ ni̱ꞌ maa nu̱u̱nꞌ Ndiosíꞌ.)

Juan 18:28

Saájee nkene ráa jín Jesús veꞌi Caifás jee kua̱na̱ka ráa maa nu̱u̱nꞌ vetíñú Roma naní pretorio. Jee va̱kunijinꞌ, jee ntu nkívɨ rá te̱e Israel iniꞌ vetíñú vá sáva ntu kutéꞌén ánímaꞌ ráa, sáva kuvi kajiꞌ ráa kuxíní ráa viko Pascua.