Mateo 27:4 - Mixteco del suroeste de Tlaxiaco Oaxaca

⁴ jee nkachiꞌ‑i: ―Nsa̱ꞌá ni̱ꞌ kua̱chi, chi nna̱taji ni̱ꞌ nu̱u̱nꞌ rán ɨɨn te̱e ntu̱ví íyó kua̱chi si̱kɨ̱ꞌ sáva kaꞌniꞌ rán re̱ꞌ ―nkachiꞌ Judas nu̱u̱nꞌ rá su̱tu̱ꞌ kúñáꞌnú vá. Jee nkachiꞌ ráa nu̱u̱nꞌ Judas: ―Ntu̱ví ná i̱ña̱ꞌ jítú ka̱ꞌ iniꞌ ránꞌ, i̱ña̱ꞌ ví si̱kɨ̱ꞌ maánú ―nkachiꞌ ráa nu̱u̱nꞌ Judas.

Mateo 27:4 Iomraidhean Croise

Jonás 1:14

Saájee ni̱ka̱nꞌ táꞌvíꞌ víꞌí ráa nu̱u̱nꞌ I̱toꞌoꞌ, jee nkachiꞌ ráa: ―I̱toꞌoꞌ, jíkánꞌ táꞌvíꞌ ráníꞌ nu̱u̱nꞌ nú, ya̱ koto jiáyuꞌú nú ya̱ kuviꞌ ráníꞌ, jie̱ꞌe̱ꞌ ya̱ saꞌá ráníꞌ jín te̱e yaꞌá. Jee retú ntu kua̱chi si̱kɨ̱ꞌ re̱ꞌ, jee koto síkúniso kua̱chi nú si̱kɨ̱ꞌ ránuꞌuꞌ retú kuviꞌ re̱ꞌ, chi maánú ya̱ kúvi nú I̱toꞌoꞌ re̱ꞌ, jee nsa̱ꞌá nú sáni nkuini iniꞌ nú ―nkachiꞌ ráa.

Mateo 27:19

Jee ni nééꞌ Pilato nu̱u̱nꞌ teyuꞌ nu̱u̱nꞌ jiéꞌnéꞌ re̱ꞌ kua̱chi, jee nta̱jí ñasɨ́ꞌɨ́ re̱ꞌ tu̱ꞌun nu̱u̱nꞌ re̱ꞌ ya̱ káchíꞌ‑i: ―Koto jíꞌín nú jiéꞌnéꞌ kua̱chi si̱kɨ̱ꞌ te̱e na̱a̱ꞌ i̱ña̱ꞌ, chi vitan nnoꞌo víꞌí ni̱ꞌ nsa̱ꞌá ña̱ní nu̱u̱nꞌ ñuma̱ꞌná ni̱ꞌ jie̱ꞌe̱ꞌ re̱ꞌ ―nkachiꞌ ñaꞌ.

Mateo 27:54

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Lucas 23:22

Jee ya̱ uníꞌ íchí nkachiꞌ re̱ꞌ nu̱u̱nꞌ ráa: ―¿Na̱ kuvi chi? ¿Na̱ kua̱chi niváꞌa kúvi ya̱ nsa̱ꞌá te̱e yaꞌá rúsa? Ni ɨɨn kua̱chi ntu̱náꞌ nnániꞌinꞌ ni̱ꞌ si̱kɨ̱ꞌ re̱ꞌ retánꞌ íyó ni̱ꞌi̱nꞌ re̱ꞌ ya̱ kuviꞌ re̱ꞌ. Tají ni̱ꞌ xinóꞌo ráa re̱ꞌ jee siaáꞌ ni̱ꞌ re̱ꞌ ―nkachiꞌ Pilato.

Lucas 23:41

jee maáó chi ya̱ nááꞌ nijia ya̱ saá íyó kunoꞌo‑ó, chi yaꞌá kúvi tu̱nóꞌó níꞌínꞌ‑ó ya̱ íyó níꞌinꞌ‑ó kunoꞌo‑ó jie̱ꞌe̱ꞌ kua̱chi ya̱ nsa̱ꞌá‑ó. Soo te̱e yaꞌá chi ni ɨɨn kua̱chi ni ntu̱náꞌ nsa̱ꞌá re̱ꞌ ―nkachiꞌ re̱ꞌ nu̱u̱nꞌ táꞌán re̱ꞌ.

Lucas 23:47

Jee sáá niniꞌ te̱e kúvi capitán tátúníꞌ nu̱u̱nꞌ rá soldado vá ya̱ nkuvi suꞌva, jee nna̱kuetúꞌún re̱ꞌ Ndiosíꞌ jee suni nkachiꞌ re̱ꞌ: ―Máá nááꞌ nijia ya̱ tee yaꞌá kúvi re̱ꞌ te̱e na̱a̱ꞌ ―nkachiꞌ re̱ꞌ.

Juan 19:7

Soo nna̱xiníkó rá te̱e kúñáꞌnú nu̱u̱nꞌ ñɨvɨ Israel vá nu̱u̱nꞌ Pilato: ―Ránuꞌuꞌ chi íyó ɨɨn tu̱ꞌun ley ya̱ tátúníꞌ‑i nu̱u̱nꞌ ránꞌ, jee sáni káchíꞌ tu̱ꞌun ley ránꞌ íyó kuviꞌ re̱ꞌ, chi jie̱ꞌe̱ꞌ ni ka̱ꞌ nkachiꞌ re̱ꞌ ya̱ kúvi re̱ꞌ Se̱ꞌya Ndiosíꞌ.

Hechos 13:28

Chi sú ntu nkútúníꞌ na̱ jie̱ꞌe̱ꞌ kaꞌniꞌ ráa maa, jee ni̱ka̱nꞌ ráa nu̱u̱nꞌ Pilato tají re̱ꞌ kɨ̱kaꞌniꞌ maa.

Romanos 3:19

Soo jíníꞌ‑ó ya̱ néni ɨɨn tu̱ꞌun ya̱ káchíꞌ ley nta̱túníꞌ Ndiosíꞌ, jee káchíꞌ‑i vá nu̱u̱nꞌ rá ñɨvɨ yɨ́ꞌɨ́ ráa chi̱ji xi̱ntíín ley vá, sáva nta̱ká ñɨvɨ kasɨꞌ ráa yuꞌú ráa chi ntu kúvi nama ráa maáráa, jee kua̱íyó ñɨvɨ ñɨ̱vɨ́ kɨꞌɨ ráa chi̱ji nu̱u̱nꞌ sanáaꞌ Ndiosíꞌ si̱kɨ̱ꞌ kua̱chi ráa.

1 Timoteo 4:2

Rá tu̱ꞌun vá xínéꞌénꞌ ñɨvɨ sansuꞌva ya̱ kúvi ñɨvɨ túꞌún, chi jíjia iniꞌ ráa kátúꞌún ráa, chi ntu nákani iniꞌ ráa kuéntáꞌ níꞌiꞌ ráa.

Tito 1:16

Káchíꞌ ráa ya̱ ma̱ni̱ꞌ ráa jín Ndiosíꞌ, soo jín tiñu sáꞌá ráa, túvi ya̱ jíníichiꞌ ráa re̱ꞌ. Jee néꞌí nasɨ́kuitɨꞌ sáꞌá ráa, jee jiáá iniꞌ ráa, jee ni ntu kúvi saꞌá ráa ni ɨɨn na̱ tiñu váꞌa.

Hebreos 7:26

Jee saáva, Jesús kúvi nijia re̱ꞌ su̱tu̱ꞌ maá kúñáꞌnú nasɨ́kuitɨꞌ ka̱ꞌ sáni jíniñúꞌún‑ó. Chi i̱i̱ꞌ víꞌí re̱ꞌ, chi ni ntu̱ví kua̱chi re̱ꞌ, jee íyó noo re̱ꞌ, jee íyó sɨ́ɨ́n re̱ꞌ nu̱u̱nꞌ rá ñɨvɨ íyó kua̱chi, jee nkenta kúñáꞌnú nasɨ́kuitɨꞌ re̱ꞌ ne̱ nu̱u̱nꞌ súkún nasɨ́kuitɨꞌ ka̱ꞌ antivɨ́.

1 Pedro 1:19

chisaꞌ nchu̱náán re̱ꞌ ni̱ñɨ̱ꞌ Cristo ya̱ máá viiꞌ yɨ́yáꞌvi ntántúníꞌ, ya̱ ñatɨ‑ɨ sáá nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ, kuéntáꞌ kua̱ꞌ ɨɨn lanchi lúlí maa váꞌa ya̱ íyó noo ya̱ ni ntu yɨ́kuéꞌí ya̱ sókóꞌ ñɨvɨ maa nu̱u̱nꞌ Ndiosíꞌ.

1 Juan 3:12

Jee koto sáꞌá‑ó kuéntáꞌ nsa̱ꞌá Caín, ya̱ ni̱ñɨ re̱ꞌ jín kui̱ꞌna̱ꞌ kúñáꞌnú, jee ñaꞌniꞌ re̱ꞌ ñaniꞌ re̱ꞌ. Jee, ¿na̱ jie̱ꞌe̱ꞌ chi ñaꞌniꞌ re̱ꞌ maa, résa? Chi rá tiñu ya̱ nsa̱ꞌá re̱ꞌ nkuvi ya̱ niváꞌa, jee rá tiñu nsa̱ꞌá ñaniꞌ re̱ꞌ nkuvi ya̱ naáꞌ.

Apoclipsis 11:10

Jee rá ñɨvɨ nééꞌ iniꞌ ñɨ̱vɨ́ kusɨ̱ɨ̱ꞌ víꞌí iniꞌ ráa jie̱ꞌe̱ꞌ ya̱ níꞌiꞌ ni núvíꞌ rá te̱e vá, jee saꞌá ráa viko, jee sikútaꞌviꞌ ráa ta̱ꞌvi̱ꞌ nu̱u̱nꞌ ɨɨn inka táꞌán ráa, jie̱ꞌe̱ꞌ ya̱ níꞌiꞌ ni núvíꞌ rá te̱e vá ya̱ nkachitu̱ꞌún ráa tu̱ꞌun nkene yuꞌú Ndiosíꞌ, chi nchu̱níní ráa iniꞌ rá ñɨvɨ nééꞌ iniꞌ ñɨ̱vɨ́.