Mateo 26:2 - Mixteco del suroeste de Tlaxiaco Oaxaca

² ―Ya jíníꞌ rán ya̱ u̱vi̱ꞌ ni ka̱ꞌ ki̱vɨ̱ꞌ kúníꞌ jee koo viko Pascua, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva rá ñɨvɨ nuꞌuꞌ sáva kuntakaa ni̱ꞌ nu̱u̱nꞌ kurúsiꞌ ―nkachiꞌ Jesús.

Mateo 26:2 Iomraidhean Croise

Mateo 10:4

jín Simón ya̱ níñɨ re̱ꞌ jín rá te̱e yɨ́ꞌɨ́ ñujiínꞌ cananista, jín Judas Iscariote, ya̱ naku̱ꞌva‑a Jesús xi̱ntíín rá te̱e túfíꞌ ta̱ꞌán ráa néꞌyá ráa re̱ꞌ.

Mateo 17:22

Jee ni jíkónúun tútú Jesús jín rá te̱e súkuáꞌa re̱ꞌ vá nu̱u̱nꞌ ñuꞌun Galilea, jee nkachiꞌ Jesús nu̱u̱nꞌ ráa: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, va̱kuyatin naku̱ꞌva ɨɨn ñɨvɨ nuꞌuꞌ xi̱ntíín rá te̱e ya̱ jíníꞌ u̱ꞌvi̱ꞌ ráa nuꞌuꞌ.

Mateo 27:4

jee nkachiꞌ‑i: ―Nsa̱ꞌá ni̱ꞌ kua̱chi, chi nna̱taji ni̱ꞌ nu̱u̱nꞌ rán ɨɨn te̱e ntu̱ví íyó kua̱chi si̱kɨ̱ꞌ sáva kaꞌniꞌ rán re̱ꞌ ―nkachiꞌ Judas nu̱u̱nꞌ rá su̱tu̱ꞌ kúñáꞌnú vá. Jee nkachiꞌ ráa nu̱u̱nꞌ Judas: ―Ntu̱ví ná i̱ña̱ꞌ jítú ka̱ꞌ iniꞌ ránꞌ, i̱ña̱ꞌ ví si̱kɨ̱ꞌ maánú ―nkachiꞌ ráa nu̱u̱nꞌ Judas.

Lucas 22:15

Jee nkachiꞌ re̱ꞌ nu̱u̱nꞌ ráa: ―Na̱ ka̱ꞌ ñúkúvi nasɨ́kuitɨꞌ ka̱ꞌ iniꞌ ni̱ꞌ ya̱ kuxíní ni̱ꞌ jín rán vitan viko Pascua yaꞌá, ne̱ ntiáꞌan ka̱ꞌ kunoꞌo ni̱ꞌ.

Juan 11:55

Jee ya nku̱yatin tiempúꞌ viko Pascua ya̱ néñu̱ꞌun rá ñɨvɨ Israel. Jee saáva kue̱ꞌe̱ꞌ nasɨ́kuitɨꞌ rá ñɨvɨ nta̱ká ñuunꞌ yukuán kua̱ꞌa̱nꞌ ráa Jerusalén sáva xíꞌna ka̱ꞌ íyó nasaꞌá noo ráa maáráa nu̱u̱nꞌ Ndiosíꞌ.

Juan 12:1

I̱ñu̱ꞌ ka̱ꞌ ki̱vɨ̱ꞌ kúmániꞌ kenta maa ki̱vɨ̱ꞌ viko Pascua, jee ña̱ꞌa̱nꞌ tuku Jesús ñuunꞌ Betania, nu̱u̱nꞌ nééꞌ Lázaro, te̱e ya̱ níꞌiꞌ jee nxi̱nátekuꞌ Jesús maa nkene‑e nteñu rá níꞌiꞌ.

Juan 18:2

Jee Judas, ya̱ kúvi te̱e ya̱ naku̱ꞌva‑a Jesús xi̱ntíín rá te̱e kánéꞌén, jee suni jíníꞌ‑i nu̱u̱nꞌ ñu̱ꞌún yukuán, chi kéꞌín víꞌí íchí ña̱ꞌa̱nꞌ Jesús nnu̱tútú re̱ꞌ yukuán jín rá te̱e súkuáꞌa re̱ꞌ ráa.

Juan 18:32

Jee sukuán nsi̱kúnkuvi nu̱u̱nꞌ rá tu̱ꞌun nkachiꞌ Jesús jie̱ꞌe̱ꞌ ya̱ na̱sa íyó kuviꞌ re̱ꞌ.

Juan 2:13

Jee ya̱ nku̱yatin ki̱vɨ̱ꞌ koo viko Pascua ya̱ sáꞌá rá ñɨvɨ Israel, jee yukuán kua̱ꞌa̱nꞌ Jesús nu̱u̱nꞌ ñuunꞌ Jerusalén.