Mateo 26:18 - Mixteco del suroeste de Tlaxiaco Oaxaca

¹⁸ Saájee nkachiꞌ Jesús nu̱u̱nꞌ ráa: ―Kuáꞌán rán nu̱u̱nꞌ íyótúníꞌ ɨɨn te̱e jee kachiꞌ rán nu̱u̱nꞌ re̱ꞌ: “Káchíꞌ Mestrúꞌ ya̱: Ya nku̱yatin ki̱vɨ̱ꞌ ñani Ndiosíꞌ ya̱ kuviꞌ ni̱ꞌ, jee veꞌi nú kuxíní ni̱ꞌ viko Pascua jín rá te̱e ya̱ súkuáꞌa ni̱ꞌ ráa”, kachiꞌ rán ―nkachiꞌ Jesús.

Mateo 26:18 Iomraidhean Croise

Mateo 21:3

Jee retú ná káchíꞌ ɨɨn ñɨvɨ nu̱u̱nꞌ rán, jee kachiꞌ rán nu̱u̱nꞌ‑u ya̱: “I̱toꞌoꞌ‑ó jíniñúꞌún re̱ꞌ rátíꞌ, jee ya̱chi̱ꞌ natají i̱i̱ꞌ re̱ꞌ rátíꞌ”, kachiꞌ rán ―nkachiꞌ Jesús nu̱u̱nꞌ ráa.

Mateo 23:10

Jee suni koto jiáꞌa rán kaꞌanꞌ ráa mestrúꞌ ránoꞌó, chi métúꞌún ni mestrúꞌ rán íyó chúꞌun re̱ꞌ ichi ránoꞌó, ya̱ kúvi Cristo.

Mateo 23:8

’Soo ránoꞌó, koto jiáꞌa rán ya̱ kaꞌanꞌ rá ñɨvɨ mestrúꞌ kúñáꞌnú ránoꞌó. Chi métúꞌún ni mestrúꞌ kúñáꞌnú rán íyó, ya̱ kúvi Cristo, jee ntáká ránoꞌó chi ɨɨn ni kúvi rán ya̱ kúvi rán ñaniꞌ jín ku̱ꞌva.

Mateo 26:19

Jee nsa̱ꞌá rá te̱e súkuáꞌa re̱ꞌ vá sánikua̱ꞌ nta̱túníꞌ re̱ꞌ nu̱u̱nꞌ ráa, jee nsa̱ꞌá stákoo ráa ya̱ kuxíní ráa viko Pascua.

Mateo 26:2

―Ya jíníꞌ rán ya̱ u̱vi̱ꞌ ni ka̱ꞌ ki̱vɨ̱ꞌ kúníꞌ jee koo viko Pascua, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva rá ñɨvɨ nuꞌuꞌ sáva kuntakaa ni̱ꞌ nu̱u̱nꞌ kurúsiꞌ ―nkachiꞌ Jesús.

Mateo 26:49

Jee kuísá ntañúꞌún ña̱kuyatin Judas nu̱u̱nꞌ Jesús, jee nkachiꞌ‑i nu̱u̱nꞌ re̱ꞌ: Tónkuaaꞌ‑ó, Mestrúꞌ ―nkachiꞌ‑i, jee nte̱yuꞌú‑u re̱ꞌ.

Marcos 5:35

Ni káꞌánꞌ i̱i̱ꞌ ka̱ꞌ Jesús, jee nkenta rá te̱e va̱ji ne̱ veꞌi te̱e néetiñu nu̱u̱nꞌ veꞌi sinagoga vá, jee nkachiꞌ ráa: ―Se̱ꞌya sɨ́ꞌɨ́ nú ya ni̱ꞌi̱ꞌ‑i. ¿Na̱chi íxtáña̱ꞌán nú ka̱ꞌ mestrúꞌ yaꞌá?

Lucas 22:53

Ni ki̱vɨ̱ꞌ nééꞌ ni̱ꞌ jín rán iniꞌ chíkéꞌi veñu̱ꞌun káꞌnú jee ntu ntɨ́ɨn rán nuꞌuꞌ. Soo yaꞌá ví hora rán ya̱ nkuna̱a̱ꞌ iniꞌ Ndiosíꞌ ya̱ saꞌá rán ya̱ niváꞌa jín tiñu tátúníꞌ kui̱ꞌna̱ꞌ kúñáꞌnú nu̱u̱nꞌ ñuunꞌ neenꞌ.

Juan 11:28

Jee sáá nkuvi nkachiꞌ Marta sukuán, jee kua̱kana ña ku̱ꞌvi̱ꞌ ña María, jee nkachiꞌ yuꞌuꞌ ña nu̱u̱nꞌ‑u: ―Máá mestrúꞌ íyó re̱ꞌ yaꞌá jee kána re̱ꞌ noꞌó ―nkachiꞌ Marta.

Juan 12:23

Jee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Ya nkenta ki̱vɨ̱ꞌ ya̱ kenta tu̱vi ya̱ viiꞌ kúñáꞌnú nasɨ́kuitɨꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 13:1

Saájee chi̱ji viko Pascua jee ya̱ jíníꞌ Jesús ya̱ nkenta ki̱vɨ̱ꞌ ya̱ kene re̱ꞌ iniꞌ ñɨ̱vɨ́ yaꞌá kɨ̱ꞌɨ̱nꞌ re̱ꞌ nu̱u̱nꞌ Tátáꞌ re̱ꞌ. Jee ñúnúunꞌ re̱ꞌ rá ñɨvɨ maáréꞌ [ya̱ súkuáꞌa re̱ꞌ ráa] ya̱ nééꞌ iniꞌ ñɨ̱vɨ́, jee ñúnúunꞌ re̱ꞌ ráa ne̱ ki̱vɨ̱ꞌ nu̱u̱nꞌ nɨ́ꞌɨ ntekuꞌ re̱ꞌ iniꞌ ñɨ̱vɨ́ yaꞌá.

Juan 17:1

Jee sáá nkuvi nkachiꞌ Jesús rá tu̱ꞌun yaꞌá, jee nna̱neꞌen nu̱u̱nꞌ re̱ꞌ ne̱ antivɨ́ súkún, jee nkachiꞌ re̱ꞌ: ―Tátáꞌ ni̱ꞌ, vitan jee ya̱ nkenta tiempúꞌ ya̱ kunoꞌo ni̱ꞌ, jee stúvi ya̱ kúñáꞌnú ni̱ꞌ ya̱ kúvi ni̱ꞌ Se̱ꞌya nú, jee sáva nuꞌuꞌ suni stúvi ni̱ꞌ ya̱ maánú kúvi ya̱ kúñáꞌnú nasɨ́kuitɨꞌ ka̱ꞌ.

Juan 20:16

Nkachiꞌ Jesús nu̱u̱nꞌ ña: ―¡María! Jee nna̱koto ña jee káꞌánꞌ ña tu̱ꞌun hebreo jee nkachiꞌ ña: ―¡Raboni! ―ya̱ kuíni káchíꞌ Mestrúꞌ.

Juan 7:30

Saájee nniꞌvɨꞌ ka̱ꞌ iniꞌ ráa ya̱ tɨɨn ráa re̱ꞌ. Soo ni ɨɨn ráa ni ntu̱ví ntɨ́ɨn ráa re̱ꞌ, chi ni ntiáꞌan kantaꞌ hora re̱ꞌ.

Juan 7:6

Saájee nkachiꞌ Jesús nu̱u̱nꞌ ráa: ―Ntiáꞌan kantaꞌ tiempúꞌ kɨ̱ꞌɨ̱nꞌ ni̱ꞌ, soo na̱ni tiempúꞌ íyó tiempúꞌ rán kɨ̱ꞌɨ̱nꞌ rán viko.

Juan 7:8

Kuáꞌán ránoꞌó viko vá. Nuꞌuꞌ chi ntiáꞌan kenta kɨ̱ꞌɨ̱nꞌ ni̱ꞌ viko vá, chi ntiáꞌan kantaꞌ sikúnkuvi tiempúꞌ ni̱ꞌ.