Mateo 26:16 - Mixteco del suroeste de Tlaxiaco Oaxaca

¹⁶ Saájee ne̱ tiempúꞌ yukuán núkú Judas na̱ja vá saꞌá‑a, jee kuvi naku̱ꞌva‑a Jesús xi̱ntíín ráa.

Mateo 26:16 Iomraidhean Croise

Mateo 26:15

jee nkachiꞌ‑i: ―¿Ná kúvi ya̱ kuíni rán taji rán nu̱u̱nꞌ ni̱ꞌ, jee nataji ni̱ꞌ Jesús nu̱u̱nꞌ rán? ―nkachiꞌ‑i. Saájee nchu̱ku̱ꞌva ráa o̱ko̱ꞌ u̱ji̱ꞌ (30) xu̱ꞌún ka̱a ya̱ kúvi plata, jee njia̱ꞌa ráa maa nu̱u̱nꞌ‑u.

Mateo 26:17

Jee máá ki̱vɨ̱ꞌ xíꞌnañúꞌún viko ya̱ yájíꞌ rá ñɨvɨ i̱xta̱tíláꞌ ntu yɨ́ꞌɨ́ levadura, jee ña̱kuyatin rá te̱e súkuáꞌa Jesús ráa nu̱u̱nꞌ re̱ꞌ, jee ni̱ka̱tu̱ꞌún ráa re̱ꞌ: ―¿Né núꞌ kuíni nú ya̱ kɨ̱saꞌá stákoo ránꞌ sáva kuxíní nú viko Pascua jín ránꞌ? ―nkachiꞌ ráa nu̱u̱nꞌ Jesús.

Marcos 14:11

Jee sáá nteso̱ꞌo ráa re̱ꞌ, jee nku̱sɨ̱ɨ̱ꞌ iniꞌ ráa. Jee nchi̱sóyuꞌú ráa ya̱ ku̱ꞌva ráa xu̱ꞌún nu̱u̱nꞌ re̱ꞌ. Saájee nnu̱kú re̱ꞌ sáá kuvi naku̱ꞌva re̱ꞌ Jesús xi̱ntíín ráa.

Lucas 22:6

Jee njia̱ꞌayuꞌú re̱ꞌ ya̱ káchíꞌ rá te̱e vá, jee nnu̱kú re̱ꞌ na̱ja ni̱ꞌi̱nꞌ re̱ꞌ naku̱ꞌva re̱ꞌ Jesús xi̱ntíín rá te̱e vá sáá ntu̱ví ka̱ꞌ rá ñɨvɨ kue̱ꞌe̱ꞌ jín Jesús.

Hechos 24:25

Jee sáá nákani Pablo jie̱ꞌe̱ꞌ ya̱ íyó kino̱o na̱a̱ꞌ ñɨvɨ nu̱u̱nꞌ Ndiosíꞌ, jín jie̱ꞌe̱ꞌ ya̱ íyó nakeꞌen‑ó maáó, jín jie̱ꞌe̱ꞌ ya̱ koo ɨɨn ki̱vɨ̱ꞌ sanáaꞌ Ndiosíꞌ jie̱ꞌe̱ꞌ rá kua̱chi nɨꞌɨ rá ñɨvɨ, jee nyu̱ꞌví Félix, jee nkachiꞌ re̱ꞌ nu̱u̱nꞌ‑u: ―Kuáꞌán ntañúꞌún. Jee sáá íyó tiempúꞌ ni̱ꞌ, jee kana ni̱ꞌ nó.

1 Corintios 16:12

Jee ntañúꞌún kaꞌanꞌ ni̱ꞌ jie̱ꞌe̱ꞌ ñaniꞌ‑ó Apolos, chi ni̱ka̱nꞌ táꞌvíꞌ víꞌí ni̱ꞌ nu̱u̱nꞌ re̱ꞌ ya̱ kua̱jiane̱ꞌyá re̱ꞌ ránoꞌó jín rá inka ka̱ꞌ ñanitáꞌán, soo nintíꞌínꞌ ntu nñúꞌun iniꞌ re̱ꞌ kua̱jiaaꞌ re̱ꞌ vitan, soo inka íchí sáá kuvi jee kua̱jiane̱ꞌyá re̱ꞌ ránoꞌó.