Mateo 24:6 - Mixteco del suroeste de Tlaxiaco Oaxaca

⁶ Jee teso̱ꞌo rán ya̱ íyó tu̱kantaꞌan ɨɨn ñuunꞌ jín inka ñuunꞌ, jín ya̱ koo tu̱kantaꞌan. Soo kumí rán maárán ya̱ koto ñúyúꞌví iniꞌ rán, chi saá íyó kuvi rá tu̱nóꞌó yaꞌá, soo ntiáꞌan kenta ji̱nu tiempúꞌ nu̱u̱nꞌ nɨꞌɨ.

Mateo 24:6 Iomraidhean Croise

Mateo 2:3

Jee Herodes, te̱e tátúníꞌ, jee sáá nteso̱ꞌo re̱ꞌ tu̱ꞌun vá, jee nku̱níní víꞌí iniꞌ re̱ꞌ, jín suni ntáká rá ñɨvɨ ñuunꞌ Jerusalén ranika̱ꞌ.

Mateo 24:14

Jee tu̱ꞌun váꞌa yaꞌá ya̱ káꞌánꞌ‑a jie̱ꞌe̱ꞌ ya̱ kúvi ki̱vɨ̱ꞌ ñɨvɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa te̱ku̱tu̱ꞌún‑u nu̱u̱nꞌ nɨ́ɨ́nkáꞌnú nu̱u̱nꞌ ñɨ̱vɨ́ yaꞌá, sáva stúvi ya̱ nááꞌ nu̱u̱nꞌ ñɨvɨ nta̱ká ñuunꞌ ñɨ̱vɨ́ yaꞌá, saájee kenta ji̱nu tiempúꞌ nu̱u̱nꞌ nɨ́ꞌɨ.

Mateo 26:54

Soo retú tají re̱ꞌ ráa, ¿na̱ja kuvi sikúnkuvi tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ ya̱ káchíꞌ ya̱chi̱ꞌ ya̱ íyó kuvi suꞌva? ―nkachiꞌ Jesús.

Lucas 21:19

Jee jie̱ꞌe̱ꞌ kuiñɨ ni̱ꞌin rán kuni̱ꞌin kutú rán jín nuꞌuꞌ, jee ni̱ꞌi̱nꞌ rán maárán kutekuꞌ rán nɨ́ɨ́nkání jín ni̱ꞌ.

Lucas 21:9

Jee sáá teso̱ꞌo rán ya̱ íyó tu̱kantaꞌan xéénꞌ ɨɨn ñuunꞌ jín inka ñuunꞌ, jín ya̱ nákui̱ñɨ̱ꞌ ñɨvɨ si̱kɨ̱ꞌ rá te̱e kuñáꞌnú tátúníꞌ nu̱u̱nꞌ ráa, jee koto yúꞌví rán, chi saá íyó kuvi rá tu̱nóꞌó yaꞌá xíꞌna ka̱ꞌ, soo ntiáꞌan ka̱ꞌ kenta ji̱nu ntañúꞌún kuitɨꞌ tiempúꞌ nu̱u̱nꞌ nɨ́ꞌɨ ñani Ndiosíꞌ ―nkachiꞌ Jesús.

Lucas 22:37

Chi káchíꞌ ni̱ꞌ nu̱u̱nꞌ rán ya̱ íyó sikúnkuvi tu̱nóꞌó yaꞌá jín nuꞌuꞌ sáni káchíꞌ rá tu̱ꞌun níso nu̱u̱nꞌ Tutuꞌ Ííꞌ: “Jee tɨɨn kuéntáꞌ rá ñɨvɨ ya̱ nuꞌuꞌ kúvi kuéntáꞌ kua̱ꞌ ɨɨn rá te̱e sáꞌá kua̱chi ni̱ꞌin”, káchíꞌ nu̱u̱nꞌ Tutuꞌ Ííꞌ sukuán, chi ntáká ya̱ káchíꞌ Tutuꞌ Ííꞌ jie̱ꞌe̱ꞌ nuꞌuꞌ sikúnkuvi maa ―nkachiꞌ Jesús.

Juan 14:1

Jee nkachiꞌ tuku ka̱ꞌ Jesús: ―Koto nániꞌvɨꞌ iniꞌ ánímaꞌ rán, chisaꞌ ya̱ ya kúneí iniꞌ rán Ndiosíꞌ jee suni íyó kuneí iniꞌ rán nuꞌuꞌ.

Juan 14:27

’Xinóo ni̱ꞌ ránoꞌó jee kɨ̱ꞌɨ̱nꞌ ni̱ꞌ, soo ne̱ va̱ꞌa koo iniꞌ rán kino̱o rán saꞌá ni̱ꞌ. Sáꞌá ni̱ꞌ ya̱ ne̱ va̱ꞌa kino̱o ánímaꞌ ránoꞌó kuéntáꞌ kúváꞌa iniꞌ ánímaꞌ ni̱ꞌ. Chi ntu nuún nótaꞌan sáꞌá ni̱ꞌ kuéntáꞌ kua̱ꞌ sáꞌá rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa xi̱ntíín Ndiosíꞌ, chi ntu sáꞌá ráa ya̱ ne̱ va̱ꞌa koo iniꞌ rán kuéntáꞌ sáꞌá ni̱ꞌ. Saáva koto nániꞌvɨꞌ iniꞌ ánímaꞌ rán ni koto yúꞌví rán.

2 Tesalonicenses 2:2

koto jiáꞌa rán sisákánuun ñamaꞌ ñɨvɨ antúníꞌ ránoꞌó, jee koto kuníní iniꞌ rán jie̱ꞌe̱ꞌ tu̱ꞌun káchíꞌ ñɨvɨ yukuán nu̱u̱nꞌ rán, ya̱ ya nkenta ki̱vɨ̱ꞌ ya̱ niji tuku I̱toꞌoꞌ‑ó, sáva tatúníꞌ re̱ꞌ nu̱u̱nꞌ nɨꞌɨ jee keꞌneꞌ re̱ꞌ kua̱chi. Jee koto sáꞌá rán kuéntáꞌ nu̱u̱nꞌ tu̱ꞌun vá, sú káchíꞌ ráa ya̱ tu̱ꞌun vá va̱ji‑i nu̱u̱nꞌ Ta̱chi̱ꞌ Ííꞌ, áxí ya̱ va̱ji‑i nu̱u̱nꞌ tu̱ꞌun yuꞌuꞌ ránuꞌuꞌ, áxí nu̱u̱nꞌ tutuꞌ ntee ránꞌ níso tu̱ꞌun vá ya̱ nkene nu̱u̱nꞌ ránuꞌuꞌ.

Apoclipsis 6:4

Saájee nkene inka kitɨ ya̱ kuéꞌé ti̱ꞌ jee ɨɨn ya̱ yósóꞌ ya̱ta̱ꞌ kitɨ vá ni̱ꞌi̱nꞌ‑i nísotíñú‑u ya̱ siíyo‑o ya̱ nééꞌ va̱ꞌa rá ñɨvɨ ñɨ̱vɨ́, jín ya̱ saꞌá‑a ya̱ kaꞌniꞌ ráa ɨɨn inka táꞌán ráa. Jee nni̱ꞌi̱nꞌ‑i ɨɨn yuchiꞌ espada káꞌnú ínaꞌá‑a.