Mateo 24:3 - Mixteco del suroeste de Tlaxiaco Oaxaca

³ Saájee kua̱ꞌa̱nꞌ Jesús yuku Olivos, jee ña̱kuneeꞌ re̱ꞌ yukuán, jee yukuán ña̱kuyatin rá te̱e súkuáꞌa re̱ꞌ vá nu̱u̱nꞌ nééꞌ re̱ꞌ, jee ni̱ka̱tu̱ꞌún sɨ́ɨ́n ráa re̱ꞌ, jee nkachiꞌ ráa: ―Kachiꞌ xá nu̱u̱nꞌ ránꞌ, ¿na̱ tiempúꞌ kuvi rá tiñu yaꞌá ya̱ nkachiꞌ nú?, jee, ¿ná kúvi seña koo sáva stúvi ya̱ kenta tiempúꞌ nikó tuku nú, jín ya̱ ji̱nu tiempúꞌ nu̱u̱nꞌ nɨ́ꞌɨ? ―nkachiꞌ ráa nu̱u̱nꞌ Jesús.

Mateo 24:3 Iomraidhean Croise

Mateo 13:36

Saájee nxi̱nóo re̱ꞌ rá ñɨvɨ kue̱ꞌe̱ꞌ, jee nki̱vɨ re̱ꞌ iniꞌ veꞌi. Jee ña̱kuyatin rá te̱e súkuáꞌa re̱ꞌ vá nu̱u̱nꞌ re̱ꞌ, jee nkachiꞌ ráa: ―Nakachiꞌ va̱ꞌa xá nu̱u̱nꞌ ráníꞌ ná kúníꞌ kachiꞌ rá tu̱ꞌun kúnkunuún káꞌánꞌ jie̱ꞌe̱ꞌ yu̱ku̱ꞌ ne̱ꞌén vá ya̱ íyó nu̱u̱nꞌ kuꞌúꞌ.

Mateo 13:49

Jee sukuán kuvi sáá kenta ki̱vɨ̱ꞌ ji̱nu tiempúꞌ yaꞌá ya̱ ñani Ndiosíꞌ, chi kene rá najiáꞌáꞌ ííꞌ Ndiosíꞌ, jee natavaꞌ sɨ́ɨ́n ráa rá ñɨvɨ níváꞌa nteñu rá ñɨvɨ na̱a̱ꞌ.

Mateo 15:12

Saájee rá te̱e súkuáꞌa Jesús ráa ña̱kuyatin ráa nu̱u̱nꞌ re̱ꞌ jee nkachiꞌ ráa nu̱u̱nꞌ re̱ꞌ: ―¿Á jíníꞌ nú ya̱ rá te̱e fariseo nku̱níní iniꞌ ráa ya̱ nteso̱ꞌo ráa tu̱ꞌun yaꞌá ya̱ nkachiꞌ nú?

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

Mateo 16:28

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ íyó sava rán ya̱ íñɨ́ yaꞌá, nsáꞌ kuviꞌ ráa ne̱kua̱ꞌ kuniꞌ ráa nuꞌuꞌ ya̱ kiji ni̱ꞌ jín tiñu ñáꞌnú níso ni̱ꞌ tatúníꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Mateo 17:19

Saájee nkikuyatin rá te̱e súkuáꞌa Jesús nu̱u̱nꞌ re̱ꞌ nkaꞌanꞌ sɨ́ɨ́n ráa jín re̱ꞌ, jee ni̱ka̱tu̱ꞌún ráa re̱ꞌ: ―¿Na̱kui chi ntu̱ví nkúneí ráníꞌ tavaꞌ ráníꞌ ta̱chi̱ꞌ kíni vá? ―nkachiꞌ ráa.

Mateo 21:1

Jee sáá kua̱kuyatin Jesús, jín rá te̱e súkuáꞌa re̱ꞌ vá ñuunꞌ káꞌnú Jerusalén, jee xíꞌna nkenta ráa kuaríáꞌ Betfagé, ya̱ káá jie̱ꞌe̱ꞌ yuku Olivos, saájee nchu̱ichí Jesús u̱vi̱ꞌ rá te̱e súkuáꞌa re̱ꞌ vá.

Mateo 24:27

Chi kuéntáꞌ kua̱ꞌ sáꞌá tajia sáá jiánu̱te̱ꞌ‑e ne̱ nu̱u̱nꞌ kénta nka̱niiꞌ jee nátúvi ne̱ nu̱u̱nꞌ táꞌánꞌ nka̱niiꞌ, sukuán natu̱vi ni̱ꞌ ki̱vɨ̱ꞌ kiji tuku nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 24:30

Saájee nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ jee tu̱vi seña nuꞌuꞌ ne̱ súkún, saájee kunaꞌyuꞌ nɨꞌɨ kuitɨꞌ rá ñɨvɨ ñuunꞌ íyó ñɨ̱vɨ́ yaꞌá, jee kuniꞌ ráa nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee niji ni̱ꞌ nu̱u̱nꞌ vi̱ko̱ꞌ súkún jín kue̱ꞌe̱ꞌ nasɨ́kuitɨꞌ fuersáꞌ ííꞌ níꞌin níso ni̱ꞌ, jín ya̱ viiꞌ nasɨ́kuitɨꞌ kúñáꞌnú ni̱ꞌ ya̱ va̱ne̱ꞌ tu̱u̱nꞌ kujianu̱te̱ꞌ nuva ni̱ꞌ.

Mateo 24:37

’Chi kuéntáꞌ kua̱ꞌ nkuvi ne̱ rá ki̱vɨ̱ꞌ ntekuꞌ Noé ne̱ yanaꞌán, jee suni sukuán koo sáá niji tuku ni̱ꞌ, nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 24:39

Jee ntu jíníꞌ ráa ná kuvi ne̱kua̱ꞌ nkenta jiásɨ́ꞌ nute kue̱ꞌe̱ꞌ nu̱u̱nꞌ ñu̱ꞌún, jee nteni nɨꞌɨ kuitɨꞌ ráa, jee suni suꞌva kuvi sáá niji nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 24:43

Saáva íyó kukáꞌnú iniꞌ rán yaꞌá: retánꞌ jíníꞌ te̱e xí veꞌi na̱ hora yakuááꞌ kenta te̱e kuíꞌná sakuíꞌná‑a, jee kunito re̱ꞌ, jee nsáꞌ ku̱ꞌva re̱ꞌ ki̱vɨ‑ɨ iniꞌ veꞌi re̱ꞌ sakuíꞌná‑a.

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Lucas 21:7

Saájee rá te̱e kútáꞌán jín re̱ꞌ súkuáꞌa re̱ꞌ ni̱ka̱tu̱ꞌún ráa re̱ꞌ, jee nkachiꞌ ráa: ―Mestrúꞌ, saájee, ¿na̱ tiempúꞌ kuvi rá tiñu yaꞌá ya̱ nkachiꞌ nú?, jee, ¿na̱ seña koo sáva stúvi ya̱ kuvi ntáká rá yaꞌá? ―nkachiꞌ ráa.

Hechos 1:7

Jee nkachiꞌ Jesús nu̱u̱nꞌ ráa: ―Ntu̱né íyó kukáꞌnú iniꞌ ránú ni na̱ ki̱vɨ̱ꞌ ni nama ñani Tátáꞌ ni̱ꞌ maa. Maá Tááꞌ ni̱ꞌ ñani hora vá, chi nísotíñú re̱ꞌ.

Hebreos 9:26

Chi retánꞌ sukuán nkuvi, soo jíniñúꞌún ya̱ kue̱ꞌe̱ꞌ íchí kunoꞌo re̱ꞌ kuviꞌ re̱ꞌ ne̱ sáá nka̱jiéꞌé ña̱ko̱o ñɨ̱vɨ́ jín ne̱ vitan réáꞌ sukuán. Soo ntu̱ví chi vitan ya̱ kúvi tiempúꞌ kuánɨꞌɨ yaꞌá jee nkiji re̱ꞌ sáva nso̱ko̱ꞌ re̱ꞌ maáréꞌ ɨɨn ni íchí ya̱ kúvi nɨ́ɨ́nkání sáva siíyo re̱ꞌ kua̱chi.