Mateo 24:2 - Mixteco del suroeste de Tlaxiaco Oaxaca

² Soo nna̱xiníkó Jesús, jee nkachiꞌ re̱ꞌ nu̱u̱nꞌ ráa: ―¿Á néꞌyá rán nɨꞌɨ yaꞌá? Jee máá naáꞌ vá káchíꞌ ni̱ꞌ nu̱u̱nꞌ rán, ya̱ ni nsáꞌ kino̱o ka̱ꞌ ni ɨɨn yu̱u̱ꞌ kosoꞌ ta̱ꞌán nu̱u̱nꞌ inka yu̱u̱ꞌ, chi nɨꞌɨ yaꞌá ta̱nɨ̱ꞌ ―nkachiꞌ Jesús nu̱u̱nꞌ ráa.

Mateo 24:2 Iomraidhean Croise

Lucas 19:44

Jee xtánɨ́ꞌ ráa nɨꞌɨ ñuunꞌ rán jee xináánꞌ ráa rá se̱ꞌya ñuunꞌ rán jín ñuunꞌ rán. Jee ni nsáꞌ xinóo ráa kosoꞌ táꞌán ni ɨɨn ka̱ꞌ rá yu̱u̱ꞌ rá veꞌi nu̱u̱nꞌ ñuunꞌ vá, chi jie̱ꞌe̱ꞌ nika̱ꞌ ya̱ ntu nnákuniꞌ rán tiempúꞌ nkenta Ndiosíꞌ nu̱u̱nꞌ rán sáva saꞌá ya̱ váꞌa nu̱u̱nꞌ ránoꞌó.

2 Pedro 3:11

Jee jie̱ꞌe̱ꞌ ya̱ kɨ̱naanꞌ nta̱ká rává sukuán, saáva íyó kueꞌnu na̱a̱ꞌ ninuꞌun rán sáni kuíni Ndiosíꞌ jee kɨtíñú rán nu̱u̱nꞌ re̱ꞌ,

Apoclipsis 21:22

Jee ni ntu̱ví níníꞌ ni̱ꞌ ni ɨɨn veñu̱ꞌun iniꞌ ñuunꞌ vá, chi maá I̱toꞌoꞌ‑ó Ndiosíꞌ ya̱ níso re̱ꞌ fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó, jee maáréꞌ jín Lanchi Lúlí kúvi veñu̱ꞌun íyó iniꞌ ñuunꞌ yukuán.