Mateo 23:16 - Mixteco del suroeste de Tlaxiaco Oaxaca

¹⁶ ’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, chi kúvi rán kuéntáꞌ kúvi te̱e kuáá ya̱ ni ntu chuꞌun rán rá ñɨvɨ ichi na̱a̱ꞌ, chi káchíꞌ rán ya̱ néni ɨɨn ñɨvɨ ya̱ sánáaꞌ‑a nu̱u̱nꞌ tu̱ꞌun káꞌánꞌ‑a jie̱ꞌe̱ꞌ veñu̱ꞌun káꞌnú Ndiosíꞌ jee ntu̱náꞌ yɨ́yáꞌvi ya̱ nkachiꞌ‑i, soo néni ɨɨn ñɨvɨ sánáaꞌ‑a nu̱u̱nꞌ tu̱ꞌun káꞌánꞌ‑a jie̱ꞌe̱ꞌ ka̱a kuáán yɨ́yáꞌvi oro ya̱ nákɨɨnꞌ iniꞌ veñu̱ꞌun vá, saájee ya̱ íyó si̱kɨ̱ꞌ‑ɨ sikúnkuvi‑i, káchíꞌ rán.

Mateo 23:16 Iomraidhean Croise

Mateo 15:14

Nkɨ́kuee ráa, chi kúvi ráa kuéntáꞌ kúvi te̱e kuáá ya̱ chúꞌun ráa ichi nu̱u̱nꞌ inka ka̱ꞌ ñɨvɨ kuáá. Chi retú ɨɨn ñɨvɨ kuáá chúꞌun‑u ichi inka ka̱ꞌ ñɨvɨ kuáá, jee ni núvíꞌ ráa kininkava iniꞌ ɨɨn yaviꞌ ―nkachiꞌ Jesús.

Mateo 23:13

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡te̱e sansuꞌva kúvi rán! Chi jiásɨ́ꞌ rán ya̱ ki̱vɨ rá ñɨvɨ xi̱ntíín Ndiosíꞌ ya̱ nééꞌ antivɨ́ súkún tatúníꞌ re̱ꞌ nu̱u̱nꞌ ráa, chi ránoꞌó jee ni ntu kívɨ rán xi̱ntíín re̱ꞌ, jee ni ntu jiáꞌa rán ya̱ ki̱vɨ rá inka ka̱ꞌ ñɨvɨ.

Mateo 23:17

¡Te̱e naanꞌ te̱e kuáá ví rán!, ¿né ɨɨn ví máá ñáꞌnú ka̱ꞌ: á oro vá áxí veñu̱ꞌun káꞌnú ya̱ sáꞌá‑a i̱i̱ꞌ oro vá rúja?

Mateo 23:19

’¡[Te̱e naanꞌ] te̱e kuáá ví rán!, chi, ¿né ɨɨn ví máá ñáꞌnú ka̱ꞌ: á rá nantíñú násokoꞌ yósóꞌ nu̱u̱nꞌ altar, áxí maá altar, ya̱ sáꞌá‑a ya̱ ííꞌ rá nantíñú násokoꞌ nu̱u̱nꞌ altar vá rúja?

Mateo 23:24

’¡Ránoꞌó te̱e kuáá ya̱ ni ntu jíníꞌ rán ichi chuꞌun rán rá ñɨvɨ! Chi síkuíjin rán tiu̱kún túún lúlí ñúꞌún nu̱u̱nꞌ nute jíꞌi rán, sosaꞌ jíꞌi rán ɨɨn kitɨ kameyúꞌ maá káꞌnú.

Mateo 23:26

’¡Ránoꞌó fariseo, te̱e kuáá ví rán! Xíꞌna ka̱ꞌ íyó saꞌá noo rán ánímaꞌ rán, kuéntáꞌ kua̱ꞌ násánoo iniꞌ ɨɨn vasúꞌ, saájee tu̱vi nijinꞌ ya̱ nno̱noo kua̱íyó rán nu̱u̱nꞌ rá ñɨvɨ.

Gálatas 5:3

Tukuni sánáaꞌ ni̱ꞌ nu̱u̱nꞌ rán ya̱ ntáká te̱e ya̱ saꞌá circuncidar re̱ꞌ maáréꞌ, jee íyó re̱ꞌ ya̱ sikúnkuvi re̱ꞌ nɨꞌɨ kuitɨꞌ ya̱ tátúníꞌ ley vá.

Santiago 5:12

Saájee, ránoꞌó ñaniꞌ ni̱ꞌ jín ku̱ꞌva ni̱ꞌ, káꞌnú ka̱ꞌ nu̱u̱nꞌ nɨꞌɨ ví ya̱ koto sánáaꞌ rán jie̱ꞌe̱ꞌ antivɨ́ nu̱u̱nꞌ tu̱ꞌun káꞌánꞌ rán, ni jie̱ꞌe̱ꞌ ñɨ̱vɨ́, ni jie̱ꞌe̱ꞌ na̱ni inka nantíñú. Chisaꞌ retú káchíꞌ rán ya̱ “suꞌva kúvi”, jee sukuán kachiꞌ maa. Jee retú káchíꞌ rán “ntu̱ví”, jee sukuán kachiꞌ maa, sáva ntu kúnáaꞌ kua̱chi si̱kɨ̱ꞌ rán.