Mateo 22:4 - Mixteco del suroeste de Tlaxiaco Oaxaca

⁴ ’Jee tukuni nta̱jí re̱ꞌ inka ka̱ꞌ rá musúꞌ re̱ꞌ, jee nkachiꞌ re̱ꞌ nu̱u̱nꞌ ráa: “Kachiꞌ rán nu̱u̱nꞌ rá ñɨvɨ ya̱ nkana ni̱ꞌ kiji, ya̱: Ya nsa̱ꞌá stákoo ni̱ꞌ neyu, chi ya nta̱jí ni̱ꞌ ñaꞌniꞌ ráa rá toro ni̱ꞌ jín rá chelu ya̱ nxi̱náñu ni̱ꞌ, jee ya íyó tu̱ꞌva nɨꞌɨ, kiji rán viko tána̱ꞌá, kachiꞌ ránú nu̱u̱nꞌ ráa”, nkachiꞌ te̱e tátúníꞌ vá.

Mateo 22:4 Iomraidhean Croise

Mateo 21:36

Jee tukuni nchu̱ichí re̱ꞌ kue̱ꞌe̱ꞌ ka̱ꞌ rá musúꞌ re̱ꞌ nsú káꞌ kua̱ꞌ ya̱ xíꞌnañúꞌún, jee rá te̱e sátíñú vá suni nuún nsa̱ꞌá kini ráa rá musúꞌ re̱ꞌ vá.

Mateo 22:5

’Jee sáá nkachiꞌ rá musúꞌ vá sukuán nu̱u̱nꞌ rá ñɨvɨ ya̱ nkana re̱ꞌ, soo ntu ntɨ́ɨn kuéntáꞌ ráa maa, jee kua̱ꞌa̱nꞌ ráa, ɨɨn ráa nkene‑e kua̱ꞌa̱nꞌ‑a nu̱u̱nꞌ káá tataꞌ sáꞌá‑a, jee inka ka̱ꞌ nkene‑e kua̱ꞌa̱nꞌ‑a nu̱u̱nꞌ xíkó‑o.

Mateo 22:8

’Saájee nkachiꞌ te̱e tátúníꞌ vá nu̱u̱nꞌ rá musúꞌ re̱ꞌ: “Máá nááꞌ nijia ya̱ nɨꞌɨ ya íyó stákoo viko tána̱ꞌá yaꞌá, soo rá ñɨvɨ ya̱ nkana ni̱ꞌ kiji viko yaꞌá, ntu íyó níꞌínꞌ ráa ya̱ kiji ráa nékúvi.

Lucas 14:17

Jee sáá nkenta máá hora kuxíní jee nchu̱ichí re̱ꞌ musúꞌ re̱ꞌ kɨ̱kachiꞌ‑i nu̱u̱nꞌ rá ñɨvɨ ya̱ nkana re̱ꞌ, jee nkachiꞌ‑i: “Neꞌenꞌ rán, chi ya̱ íyó túꞌva xíní.”

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Romanos 8:32

Chi Ndiosíꞌ ntu nkúsáꞌán re̱ꞌ Se̱ꞌya re̱ꞌ, chisaꞌ nna̱ku̱ꞌva re̱ꞌ Se̱ꞌya re̱ꞌ sáva kuviꞌ‑i jie̱ꞌe̱ꞌ ntáká‑ó ya̱ kúvi ya̱ váꞌa nu̱u̱nꞌ‑ó. Jee nu̱u̱nꞌ ntaji re̱ꞌ Se̱ꞌya re̱ꞌ sukuán jee suni íyó nijia ya̱ sikútaꞌviꞌ re̱ꞌ nu̱u̱nꞌ‑ó ntáká ka̱ꞌ ya̱ kiji jie̱ꞌe̱ꞌ ya̱ njia̱ꞌa re̱ꞌ Se̱ꞌya re̱ꞌ.