Mateo 22:11 - Mixteco del suroeste de Tlaxiaco Oaxaca

¹¹ ’Jee sáá nki̱vɨ te̱e tátúníꞌ kune̱ꞌyá re̱ꞌ rá ñɨvɨ nkana re̱ꞌ, jee yukuán niniꞌ re̱ꞌ ɨɨn te̱e ya̱ ntu̱ví ñúꞌún‑u saꞌma ya̱ íyótúníꞌ sá ya̱ ñúꞌún rá ñɨvɨ ya̱ kuáꞌánꞌ viko tána̱ꞌá vá.

Mateo 22:11 Iomraidhean Croise

Apoclipsis 19:8

Jee njia̱ꞌa Ndiosíꞌ nu̱u̱nꞌ ña ya̱ nakuniji ña máá saꞌma máá ñunkúún íyó ya̱ íyó noo ya̱ jiánu̱te̱ꞌ, nkachiꞌ nusuyuꞌú vá. Jee saꞌma vá kúvi‑i na̱ja kua̱ꞌ jiáꞌnu noo na̱a̱ꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ ya̱ kɨꞌɨ ráa nu̱u̱nꞌ re̱ꞌ.

Efesios 4:24

Jee vitan jee sama iniꞌ rán ya̱ nujiáá rán, sáni násaꞌá jiáá Ndiosíꞌ iniꞌ ánímaꞌ ránoꞌó, sáva koo rán ka̱ꞌ kua̱ꞌ íyó maáréꞌ, sáva na̱a̱ꞌ koo rán jín sáva koo sɨ́ɨ́n rán nu̱u̱nꞌ rá niváꞌa, sánikua̱ꞌ káchíꞌ tu̱ꞌun nááꞌ Ndiosíꞌ.

2 Corintios 5:3

Jee sunisaá kuꞌun nijia‑ó yɨkɨkúñu‑ó vá, kuéntáꞌ naku̱ꞌun‑ó saꞌma, jee nsáꞌ kuvi koo sɨ́ɨ́n‑ó nu̱u̱nꞌ ɨɨn yɨkɨkúñu, ya̱ kúvi kuéntáꞌ koo ñɨɨn‑ó.

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

Apoclipsis 16:15

Jee nkachiꞌ Jesús: ―Tɨɨn kuéntáꞌ va̱ꞌa rán, sa̱naanꞌ ni nenta ni̱ꞌ kuéntáꞌ kua̱ꞌ kénta sa̱naanꞌ ɨɨn te̱e kuíꞌná. Saáva na̱ ka̱ꞌ netuꞌ ka̱ꞌ kuvi ñɨvɨ ya̱ ñúꞌún nito iniꞌ‑i, kuéntáꞌ kua̱ꞌ ɨɨn ñɨvɨ ya̱ íyó listo saꞌma sáva ntu jíka ñɨɨn léꞌlé‑e jee nkóo‑o tu̱ꞌun kánuun sáá kune̱ꞌyá ñɨvɨ nu̱u̱nꞌ‑u.

Apoclipsis 3:18

Saáva nákutíñú ni̱ꞌ nu̱u̱nꞌ rán ya̱ kunenu̱u̱nꞌ rán ya̱ yɨ́yáꞌvi ka̱ꞌ ya̱ va̱ji nu̱u̱nꞌ ni̱ꞌ kuéntáꞌ keꞌen rán ka̱a oro ya̱ ya nna̱ka̱yu̱ꞌ nu̱u̱nꞌ ñúꞌúnꞌ sáva saꞌá ninuꞌun maa, sáva kukúká nijia rán nu̱u̱nꞌ nuꞌuꞌ. Jee nunasɨ́ rán koo ninuꞌun rán nu̱u̱nꞌ ni̱ꞌ kuéntáꞌ keꞌen rán nu̱u̱nꞌ ni̱ꞌ saꞌma kuíjín sáva ntu koo tu̱nkánuun rán jie̱ꞌe̱ꞌ íyó ñɨɨn rán nu̱u̱nꞌ nuꞌuꞌ. Jee tɨɨn rán tu̱ꞌun ni̱ꞌ kuéntáꞌ keꞌen rán nu̱u̱nꞌ ni̱ꞌ ta̱ta̱nꞌ chuꞌun rán nchinúún rán sáva nu̱nijínꞌ nu̱u̱nꞌ rán.

Apoclipsis 2:23

Jee kaꞌniꞌ ni̱ꞌ rá se̱ꞌya ña. ’Saájee ntáká rá grupo rá ñɨvɨ kúneí iniꞌ ráa nuꞌuꞌ, jee kukáꞌnú iniꞌ ráa ya̱ nuꞌuꞌ ví ya̱ kávii kuitɨꞌ jíníꞌ ni̱ꞌ nɨꞌɨ ya̱ jiáni iniꞌ antúníꞌ ñɨvɨ jín nɨꞌɨ ya̱ ñúꞌún ánímaꞌ ñɨvɨ. Jee naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ na̱ja kua̱ꞌ sáni tiñu ya̱ nsa̱ꞌá ráa.

Gálatas 3:27

Chi nta̱ká ránoꞌó ya̱ ña̱nuté rán sáva xinéꞌénꞌ rán ya̱ yɨ́ꞌɨ́ rán nu̱u̱nꞌ Cristo, jee nkenta kuvi rán kuéntáꞌ kúvi Cristo.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

Romanos 3:22

Chi Ndiosíꞌ sáꞌá re̱ꞌ ya̱ kínóo na̱a̱ꞌ ñɨvɨ nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ráa Jesús ya̱ kúvi Cristo. Sáꞌá Ndiosíꞌ sukuán jín ntáká ráa ya̱ kúneí iniꞌ ráa Cristo chi ntu sɨ́ɨ́n sáꞌá re̱ꞌ jín ɨɨn inka ráa.

Mateo 13:30

Va̱ꞌa ka̱ꞌ kɨnetuꞌ‑ó kueꞌnu nkáá núvíꞌ ráa ne̱kua̱ꞌ kenta tiempúꞌ nakeꞌen tataꞌ sáꞌá, saájee kachiꞌ ni̱ꞌ nu̱u̱nꞌ rá te̱e nakeꞌen tataꞌ sáꞌá ya̱ xíꞌna ka̱ꞌ yu̱ku̱ꞌ ne̱ꞌén vá nakeꞌen ráa jee kuꞌniꞌ ráa maa ta numi, sáva teñuꞌunꞌ maa, saájee nakeꞌen ráa trigúꞌ nachuꞌun va̱ꞌa iniꞌ veꞌi yakaꞌ ni̱ꞌ”, kachiꞌ i̱toꞌoꞌ ráa ―nkachiꞌ Jesús.

Mateo 3:12

Chi sukuán saꞌá sɨ́ɨ́n re̱ꞌ rá ñɨvɨ váꞌa jín rá ñɨvɨ niváꞌa, kuéntáꞌ ínaꞌá ɨɨn te̱e pala nu̱u̱nꞌ kúyutún trigúꞌ sáva ke̱in‑i trigúꞌ jín pala jee sikáa‑a vá sáá nátivɨ‑ɨ vá, jee saꞌá sɨ́ɨ́n re̱ꞌ nikɨn trigúꞌ jín ya̱ká. Jee nakeꞌen‑e trigúꞌ nachuꞌun iniꞌ yakaꞌ jee chuꞌun‑u rá ya̱ká nu̱u̱nꞌ ñuꞌúnꞌ ya̱ ni ntu náꞌváꞌ‑a nɨ́ɨ́nkání ―nkachiꞌ Juan.

Mateo 22:10

Jee sáá nkene rá musúꞌ vá kua̱ꞌa̱nꞌ ráa ntáká rá ichi káꞌnú, jee nstútú ráa ntáká ñɨvɨ ya̱ naniꞌinꞌ ráa, va̱ni ñɨvɨ kánéꞌén, va̱ni ñɨvɨ va̱ꞌa, jee suꞌva nchi̱tú ñɨvɨ nu̱u̱nꞌ íyó viko tána̱ꞌá vá.