Mateo 21:5 - Mixteco del suroeste de Tlaxiaco Oaxaca

⁵ Kachiꞌ rán nu̱u̱nꞌ rá se̱ꞌya ñuunꞌ Sión: “¡Kune̱ꞌyá!, yaꞌá va̱ji nu̱u̱nꞌ ránoꞌó maáréꞌ ya̱ kúñáꞌnú tátúníꞌ re̱ꞌ nu̱u̱nꞌ ránoꞌó, jee láꞌví va̱ji re̱ꞌ, jee yósóꞌ re̱ꞌ ɨɨn burrúꞌ, jee yósóꞌ re̱ꞌ ɨɨn burrúꞌ lúlí ya̱ kúvi se̱ꞌya ɨɨn kitɨ níso ve̱i.” Sukuán káchíꞌ nu̱u̱nꞌ Tutuꞌ Ííꞌ.

Mateo 21:5 Iomraidhean Croise

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 11:29

Chiꞌi rán maárán xi̱ntíín ni̱ꞌ, ya̱ kúvi‑i kuéntáꞌ chísó rán yugo ni̱ꞌ ránoꞌó, jee kutu̱ꞌva rán ya̱ xinéꞌénꞌ ni̱ꞌ ránoꞌó. Chi másúꞌ iniꞌ ni̱ꞌ, jee ñúꞌún láꞌví iniꞌ ni̱ꞌ, jee sukuán jee ni̱ꞌi̱nꞌ rán ya̱ najia̱ví ánímaꞌ rán saꞌá ni̱ꞌ.

Mateo 2:2

Jee ni̱ka̱tu̱ꞌún ráa: ―¿Né núꞌ íyó maáréꞌ ya̱ nkaku ya̱ kúvi te̱e tatúníꞌ nu̱u̱nꞌ rá ñɨvɨ Israel? Chi ne̱ ichi nu̱u̱nꞌ kénta nka̱niiꞌ niniꞌ ráníꞌ tiu̱u̱nꞌ ya̱ jiáꞌa‑a seña ya̱ ya nkaku te̱e tatúníꞌ vá. Jee saáva váji ráníꞌ kuneñu̱ꞌun ráníꞌ maa ―nkachiꞌ ráa.

Mateo 2:6

Noꞌó, ñuunꞌ Belén, ya̱ káá‑a nu̱u̱nꞌ ñuꞌun Judea, ntu núun ka̱ꞌ kúñáꞌnú nú nteñu rá kúñáꞌnú ya̱ tátúníꞌ ráa rá ñuunꞌ Judea, chi nu̱u̱nꞌ nú kene ɨɨn te̱e ya̱ tatúníꞌ re̱ꞌ, ya̱ kunaka re̱ꞌ rá ñɨvɨ ni̱ꞌ ya̱ kúvi ráa ñɨvɨ Israel, káchíꞌ nu̱u̱nꞌ Tutuꞌ Ííꞌ ―nkachiꞌ ráa nu̱u̱nꞌ Herodes.

Mateo 21:6

Saájee kua̱ꞌa̱nꞌ ni núvíꞌ rá te̱e súkuáꞌa Jesús vá, jee nsa̱ꞌá ráa sánikua̱ꞌ nkachiꞌ Jesús nu̱u̱nꞌ ráa.

Lucas 24:27

Saájee nka̱jiéꞌé Jesús ne̱ nu̱u̱nꞌ rá tu̱ꞌun ntee Moisés jín rá tu̱ꞌun ntee nɨꞌɨ rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán jee nna̱kachiꞌ va̱ꞌa re̱ꞌ rá tu̱ꞌun jie̱ꞌe̱ꞌ maáréꞌ ya̱ níso nu̱u̱nꞌ nɨꞌɨ Tutuꞌ Ííꞌ.

Juan 1:49

Jee nna̱xiníkó Natanael: ―Mestrúꞌ, noꞌó kúvi nijia Se̱ꞌya Ndiosíꞌ, jee noꞌó kúvi te̱e nísotíñú ya̱ kiji tatúníꞌ nú nu̱u̱nꞌ rá ñɨvɨ ñuunꞌ maáó Israel ―nkachiꞌ re̱ꞌ.

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.