Mateo 21:16 - Mixteco del suroeste de Tlaxiaco Oaxaca

¹⁶ Jee nkachiꞌ rá te̱e vá nu̱u̱nꞌ Jesús: ―¿Á ntu tésóꞌo nú ya̱ káchíꞌ rá súchí lúlí yaꞌá rúja? ―nkachiꞌ ráa. Jee nkachiꞌ Jesús nu̱u̱nꞌ ráa: ―Saá, ¿á ni ntiáꞌan kaꞌvi rán Tutuꞌ níso Tu̱ꞌun Ndiosíꞌ?, ya̱ káchíꞌ‑i suꞌva rúja: Nsa̱ꞌá tu̱ꞌva nú tu̱ꞌun ya̱ kene yuꞌú rá súchí lúlí jín rá nchíkɨ́n ya̱ títí sáva nakuetúꞌún ráa noꞌó, káchíꞌ‑i ―nkachiꞌ Jesús.

Mateo 21:16 Iomraidhean Croise

Mateo 11:25

Jee tiempúꞌ yukuán, jee ni̱ka̱nꞌ táꞌvíꞌ Jesús nu̱u̱nꞌ Tátáꞌ‑a Ndiosíꞌ, jee nkachiꞌ‑i: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí.

Mateo 12:3

Soo nkachiꞌ Jesús nu̱u̱nꞌ ráa: ―¿Á ntu nkáꞌvi rán nu̱u̱nꞌ Tutuꞌ níso Tu̱ꞌun Ndiosíꞌ ná nsa̱ꞌá maá David yanaꞌán víꞌí, sáá niso̱ko re̱ꞌ jín rá te̱e nku̱táꞌán jín re̱ꞌ rúja?

Mateo 19:4

Soo nna̱xiníkó re̱ꞌ nu̱u̱nꞌ ráa, jee nkachiꞌ re̱ꞌ: ―¿Á ntu nkaꞌvi rán Tutuꞌ Ííꞌ níso Tu̱ꞌun Ndiosíꞌ, ya̱ maá Ndiosíꞌ ya̱ nsa̱ꞌá re̱ꞌ nɨꞌɨ jee ne̱ tiempúꞌ xíꞌnañúꞌún maáréꞌ nsa̱ꞌá re̱ꞌ ñɨvɨ te̱e jín ñaꞌan rúja?

Mateo 22:31

’Soo jie̱ꞌe̱ꞌ ya̱ natekuꞌ i̱i̱ꞌ nijia tuku rá ñɨvɨ níꞌiꞌ, jee, ¿á ntiáꞌan kaꞌvi rán nu̱u̱nꞌ Tutuꞌ níso Tu̱ꞌun Ndiosíꞌ rúja?, ya̱ máá Ndiosíꞌ nkaꞌanꞌ, sáá nkachiꞌ re̱ꞌ:

Marcos 13:17

Na̱ ka̱ꞌ náꞌví ka̱ꞌ rá ñaꞌan nékue̱ꞌi̱ꞌ, jín rá ñaꞌan néen yɨkɨ́n rá ki̱vɨ̱ꞌ yukuán.

Marcos 2:25

Soo nkachiꞌ re̱ꞌ nu̱u̱nꞌ ráa: ―¿Á ni ntiáné kaꞌvi rán nu̱u̱nꞌ Tutuꞌ níso Tu̱ꞌun Ndiosíꞌ, ná nsa̱ꞌá David yanaꞌán víꞌí, sáá nkumaniꞌ nu̱u̱nꞌ re̱ꞌ ya̱ kajiꞌ re̱ꞌ, jee niso̱ko re̱ꞌ jín rá te̱e nku̱táꞌán jín re̱ꞌ rúja?

Lucas 21:23

Na̱ ka̱ꞌ náꞌví ka̱ꞌ rá ñaꞌan nékue̱ꞌi̱ꞌ, jín rá ñaꞌan néen yɨkɨ́n rá ki̱vɨ̱ꞌ yukuán. Chi koo nasɨ́kuitɨꞌ tu̱nóꞌó xéénꞌ nu̱u̱nꞌ ñuꞌun rá ñɨvɨ yaꞌá, jee kiji tu̱nóꞌó xéénꞌ xinóꞌo Ndiosíꞌ rá ñɨvɨ ñuunꞌ yaꞌá.