Mateo 20:8 - Mixteco del suroeste de Tlaxiaco Oaxaca

⁸ ’Jee sáá kúnéñuꞌun, jee nkachiꞌ i̱toꞌoꞌ xí tiñu vá nu̱u̱nꞌ te̱e tátúníꞌ yósóꞌ nu̱u̱nꞌ rá musúꞌ vá: “Kana nú rá musúꞌ, jee chunáán nú ya̱ꞌvi ráa, kajiéꞌé jín rá musúꞌ nki̱vɨ ne̱ nu̱u̱nꞌ nɨ́ꞌɨ, jee rá nki̱vɨ ya̱ xíꞌnañúꞌún kuvi ráa ne̱ nu̱u̱nꞌ nɨ́ꞌɨ”, nkachiꞌ i̱toꞌoꞌ xí tiñu vá.

Mateo 20:8 Iomraidhean Croise

Génesis 15:2

Soo nna̱xiníkó Abram: ―Ndiosíꞌ máá kúñáꞌnú ya̱ kúvi I̱toꞌoꞌ ni̱ꞌ, ¿na̱kui chi taji nú ta̱ꞌvi̱ꞌ nu̱u̱nꞌ ni̱ꞌ rúja?, chi ni ntu íyó se̱ꞌya ni̱ꞌ jee kino̱o nɨꞌɨ ya̱ kúmí ni̱ꞌ nu̱u̱nꞌ Eliezer ya̱ kúvi musúꞌ ni̱ꞌ ya̱ néen kuéntáꞌ re̱ꞌ veꞌi ni̱ꞌ ya̱ kúvi re̱ꞌ te̱e ñuunꞌ Damasco.

Génesis 43:19

Jee sáá nkenta ráa yuvéꞌí jee ña̱kuyatin ráa nu̱u̱nꞌ musúꞌ vá ya̱ néen kuéntáꞌ veꞌi José sáva kaꞌanꞌ ráa jín re̱ꞌ.

Mateo 20:7

Jee nkachiꞌ ráa nu̱u̱nꞌ re̱ꞌ: “Saáchi ni ɨɨn ntu̱náꞌ kána ránuꞌuꞌ satíñú ránꞌ jín‑i”, nkachiꞌ ráa, saájee nkachiꞌ re̱ꞌ nu̱u̱nꞌ ráa: “Suni kuáꞌán rán nu̱u̱nꞌ káá tataꞌ uva ni̱ꞌ, [jee chunáán ni̱ꞌ nu̱u̱nꞌ ránoꞌó ne̱ ni ɨɨn jie̱ꞌe̱ꞌ ya̱ váꞌa].”

Mateo 20:9

’Jee sáá nkenta rá musúꞌ ya̱ nki̱vɨ sátíñú ne̱ kau̱ꞌu̱nꞌ yánini, jee ta ɨɨn ráa nni̱ꞌi̱nꞌ ɨɨn ɨɨn ya̱ꞌvi ya̱ ɨɨn ki̱vɨ̱ꞌ.

Mateo 25:19

’Jee sáá njia̱ꞌa víꞌí tiempúꞌ, jee nni̱kó i̱toꞌoꞌ rá musúꞌ vá, jee natavaꞌ re̱ꞌ kuéntáꞌ jín ráa.

Mateo 25:31

’Chi sáá niji tuku ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee viiꞌ víꞌí kuñáꞌnú ni̱ꞌ, jee nɨꞌɨ rá najiáꞌáꞌ ííꞌ kutáꞌán ráa jín ni̱ꞌ, saájee ki̱kuneeꞌ ni̱ꞌ teyuꞌ nu̱u̱nꞌ tatúníꞌ ni̱ꞌ nu̱u̱nꞌ viiꞌ ñáꞌnú nasɨ́kuitɨꞌ.

Lucas 10:7

Jee suni veꞌi yukuán kino̱o rán kuneeꞌ rán, jee kajiꞌ rán koꞌo rán ya̱ taji rá ñɨvɨ veꞌi vá nu̱u̱nꞌ rán. Chi ɨɨn ñɨvɨ ya̱ sátíñú‑u jee íyó níꞌin‑i ya̱ꞌvi‑i jie̱ꞌe̱ꞌ tiñu sáꞌá‑a. Jee koto jíka rán ta veꞌi ta veꞌi kuneeꞌ rán.

Lucas 12:42

Saájee nkachiꞌ I̱toꞌoꞌ‑ó: ―¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Lucas 8:3

Jee inka ka̱ꞌ ví Juana, ñasɨ́ꞌɨ́ Chuza, te̱e tátúníꞌ nu̱u̱nꞌ rá musúꞌ veꞌi Herodes te̱e nísotíñú, jee inka ví Susana, jín kue̱ꞌe̱ꞌ ka̱ꞌ ñaꞌan, jee maáráña yɨ́tíñú ráa chíneí ráa Jesús jín rá nantíñú maáráa jie̱ꞌe̱ꞌ ya̱ jíniñúꞌún re̱ꞌ jín rá te̱e kútáꞌán jín re̱ꞌ.

2 Corintios 5:10

Chi nta̱ká‑ó saá íyó kɨ̱ꞌɨ̱nꞌ‑ó kuiñɨ‑ó nu̱u̱nꞌ keꞌneꞌ Cristo rá tiñu nsa̱ꞌá‑ó, sáva ta ɨɨn ɨɨn‑ó ni̱ꞌi̱nꞌ‑ó sánikua̱ꞌ na̱ja nsa̱ꞌá‑ó, va̱ni tiñu váꞌa áxí va̱ni tiñu níváꞌa, sáá ni̱yo‑ó jín yɨkɨkúñu‑ó iniꞌ ñɨ̱vɨ́ yaꞌá.

Tito 1:7

Chi te̱e kúñáꞌnú ya̱ kuatíñú Ndiosíꞌ kumí re̱ꞌ rá ñɨvɨ kúneí iniꞌ ráa Cristo, saáva maáréꞌ íyó kuvi re̱ꞌ ɨɨn te̱e: ya̱ ntu kúvi chikua̱chi ñɨvɨ, jín ya̱ ntu jiáni téyɨ́ɨ́ iniꞌ, jín ya̱ ntu xe̱e̱nꞌ iniꞌ, jín ya̱ ntu jíꞌi víꞌí nixiꞌ jee ntu jíni, jín ya̱ ntu núkú tuntíxín, jín ya̱ ntu uꞌvi iniꞌ xu̱ꞌún, ya̱ ntu níꞌinꞌ ninuꞌun vá.

Hebreos 9:28

Jee suni sukuán Cristo ɨɨn ni íchí nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva nsiíyo re̱ꞌ kua̱chi rá ñɨvɨ kue̱ꞌe̱ꞌ. Jee niji tuku re̱ꞌ ya̱ uvíꞌ íchí, soo nsú káꞌ sáva so̱ko̱ꞌ tuku re̱ꞌ maáréꞌ jie̱ꞌe̱ꞌ kua̱chi, chisaꞌ kiji re̱ꞌ sáva xinánitáꞌvíꞌ re̱ꞌ rá ñɨvɨ ya̱ nétu kuvi iniꞌ ráa re̱ꞌ.

1 Pedro 4:10

Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.