Mateo 20:1 - Mixteco del suroeste de Tlaxiaco Oaxaca

¹ ’Suꞌva tátúníꞌ Ndiosíꞌ nééꞌ antivɨ́ súkún nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ ɨɨn te̱e kúvi i̱toꞌoꞌ xí ñuꞌun, jee neꞌenꞌ víꞌí nkene re̱ꞌ kua̱nukú re̱ꞌ musúꞌ sáva satíñú ráa nteñu rá tataꞌ uva re̱ꞌ.

Mateo 20:1 Iomraidhean Croise

Mateo 13:24

Jee tukuni nkachiꞌ Jesús inka ka̱ꞌ tu̱ꞌun kúnkunuún káꞌánꞌ‑a, jee nkachiꞌ re̱ꞌ nu̱u̱nꞌ rá ñɨvɨ: ―Tiñu na̱sa sátíñú Ndiosíꞌ nééꞌ antivɨ́ iniꞌ rá ñɨvɨ ya̱ ki̱vɨ xi̱ntíín re̱ꞌ, kúvi‑i kuéntáꞌ nkuvi jín ɨɨn te̱e ya̱ nxi̱náváꞌ re̱ꞌ nikɨn váꞌa nu̱u̱nꞌ ñu̱ꞌún re̱ꞌ.

Mateo 13:31

Jee inka tuku ka̱ꞌ tu̱ꞌun kúnkunuún nkaꞌanꞌ Jesús, jee nkachiꞌ re̱ꞌ nu̱u̱nꞌ rá ñɨvɨ: ―Suꞌva tátúníꞌ Ndiosíꞌ nééꞌ antivɨ́ nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ ɨɨn nikɨn yutun kúlíꞌ, ya̱ ntɨɨn ɨɨn te̱e jee ntaji re̱ꞌ maa nu̱u̱nꞌ ñu̱ꞌún re̱ꞌ.

Mateo 13:33

Jee inka tuku ka̱ꞌ tu̱ꞌun kúnkunuún nkachiꞌ Jesús nu̱u̱nꞌ ráa: ―Suꞌva tátúníꞌ Ndiosíꞌ nééꞌ antivɨ́ nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ íyó levadura ya̱ ntɨɨn ɨɨn ñaꞌan, jee nsakaꞌ ña maa jín o̱ko̱ꞌ xa̱ꞌu̱nꞌ ku̱mi̱ꞌ (39) litro yuchi trigúꞌ, nekuaꞌ nxi̱náa‑a kua̱íyó chi̱ji ñujien vá ―nkachiꞌ Jesús.

Mateo 13:47

’Jee suni nu̱u̱nꞌ kívɨ ñɨvɨ xi̱ntíín Ndiosíꞌ nééꞌ antivɨ́ tátúníꞌ re̱ꞌ nu̱u̱nꞌ ráa kúvi‑i kuéntáꞌ ɨɨn ñunu yúꞌvé tɨ́ɨn tia̱ká, ya̱ síkéne maa nu̱u̱nꞌ nteñúꞌún, jee kéin‑i ntáká na̱ja nu̱u̱nꞌ rá tia̱ká,

Mateo 20:2

Jee nkuna̱a̱ꞌ nu̱u̱nꞌ nna̱túꞌún re̱ꞌ jín rá musúꞌ vá, ya̱ chunáán re̱ꞌ nu̱u̱nꞌ ráa ya̱ꞌvi ya̱ ɨɨn ki̱vɨ̱ꞌ, jee nchu̱ichí re̱ꞌ ráa nu̱u̱nꞌ káá tataꞌ sáꞌá re̱ꞌ sáva satíñú ráa.

Mateo 21:28

’Saájee, ¿na̱ja káꞌvi iniꞌ rán jie̱ꞌe̱ꞌ tu̱ꞌun yaꞌá? Ɨɨn te̱e ni̱yo u̱vi̱ꞌ se̱ꞌya yɨ́ɨ́ re̱ꞌ, jee ña̱kuyatin re̱ꞌ nu̱u̱nꞌ se̱ꞌya yɨ́ɨ́ xíꞌnañúꞌún re̱ꞌ, jee nkachiꞌ re̱ꞌ: “Se̱ꞌya ni̱ꞌ, kuáꞌán, kɨ̱satíñú nú vitan nu̱u̱nꞌ káá tataꞌ sáꞌá ni̱ꞌ uva.”

Mateo 22:2

―Suꞌva tátúníꞌ Ndiosíꞌ nééꞌ antivɨ́ súkún nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúnkunuún kúvi‑i kuéntáꞌ ɨɨn te̱e ya̱ tátúníꞌ ɨɨn ñuunꞌ, jee maáréꞌ nsa̱ꞌá re̱ꞌ ɨɨn viko tána̱ꞌá se̱ꞌya yɨ́ɨ́ re̱ꞌ.

Mateo 23:37

’¡Jerusalén! ¡Jerusalén! Ránoꞌó ñɨvɨ ñuunꞌ vá ya̱ jiáꞌníꞌ rán rá te̱e ya̱ nákani ráa rá tu̱ꞌun kéne yuꞌú máá maá Ndiosíꞌ, jee kúun rán yu̱u̱ꞌ rá te̱e ya̱ nchu̱ichí Ndiosíꞌ va̱ji nu̱u̱nꞌ nú. Jee kue̱ꞌe̱ꞌ íchí nkuini ni̱ꞌ nastútú ni̱ꞌ rá se̱ꞌya ñuunꞌ nú, kuéntáꞌ kua̱ꞌ nastútú ɨɨn che̱tán rá se̱ꞌya ti̱ꞌ chi̱ji rá chi̱yo̱ꞌ ti̱ꞌ, soo ntu nkuíni nú.

Mateo 25:1

’Saájee, nééꞌ Ndiosíꞌ antivɨ́ súkún jee suꞌva kenta tatúníꞌ re̱ꞌ nu̱u̱nꞌ rá ñɨvɨ kívɨ naꞌá re̱ꞌ kuéntáꞌ u̱ji̱ꞌ rá ñaꞌan súchí núún íyó ninuꞌun, ya̱ ntɨɨn tanu̱u̱nꞌ ráa kantil ráa, jee nkene ráa kua̱taꞌanꞌ ráa te̱e tánáꞌá.

Mateo 25:14

’Jee ya̱ tátúníꞌ Ndiosíꞌ nu̱u̱nꞌ rá ñɨvɨ kúvi‑i kuéntáꞌ kua̱ꞌ ɨɨn te̱e ya̱ ya íyó túꞌva re̱ꞌ ya̱ kene re̱ꞌ kɨ̱ꞌɨ̱nꞌ íká re̱ꞌ inka ñuunꞌ, jee nkana re̱ꞌ rá musúꞌ re̱ꞌ, jee njia̱ꞌa re̱ꞌ xu̱ꞌún re̱ꞌ nu̱u̱nꞌ ta ɨɨn ráa satíñú ráa jín‑i.

Mateo 3:2

jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Juan.

Marcos 13:34

Sukuán íyó kuéntáꞌ íyó ɨɨn te̱e ya̱ nkene‑e veꞌi‑i jee kua̱ꞌa̱nꞌ íká‑a. Jee ne̱ ntiáꞌan kene re̱ꞌ, jee njia̱ꞌa re̱ꞌ nu̱u̱nꞌ ta ɨɨn rá musúꞌ re̱ꞌ tiñu sáꞌá ráa, sáva kuneen kuéntáꞌ ráa veꞌi re̱ꞌ. Jee nta̱túníꞌ re̱ꞌ nu̱u̱nꞌ te̱e kúmí yuvéꞌí, ya̱ nito koo‑o.

Juan 15:1

Jee nkachiꞌ tuku ka̱ꞌ Jesús: ―Nuꞌuꞌ kúvi ni̱ꞌ kuéntáꞌ yokúꞌúꞌ va̱ꞌa ya̱ maá nááꞌ nijia kúun ya̱ vixíꞌ naní uva, jee Tátáꞌ ni̱ꞌ Ndiosíꞌ kúvi re̱ꞌ kuéntáꞌ ɨɨn te̱e ya̱ kúmí yokúꞌúꞌ vá.

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

Hebreos 13:21

Jee na̱ ka̱ꞌ sikújia Ndiosíꞌ iniꞌ rán saꞌá tu̱ꞌva re̱ꞌ ránoꞌó ntáká tiñu váꞌa sáva saꞌá rán sáni kuíni re̱ꞌ, chi sáꞌá re̱ꞌ iniꞌ‑ó tiñu kúváꞌa iniꞌ re̱ꞌ néꞌyá re̱ꞌ maa, jie̱ꞌe̱ꞌ ya̱ sáꞌá Jesucristo jín‑ó. Jee maáa vá nakuetúꞌún‑ó nɨ́ɨ́nkání ya̱ kúñáꞌnú víꞌí‑i ntáká tiempúꞌ. Sukuán koo, amén.