Mateo 2:3 - Mixteco del suroeste de Tlaxiaco Oaxaca

³ Jee Herodes, te̱e tátúníꞌ, jee sáá nteso̱ꞌo re̱ꞌ tu̱ꞌun vá, jee nku̱níní víꞌí iniꞌ re̱ꞌ, jín suni ntáká rá ñɨvɨ ñuunꞌ Jerusalén ranika̱ꞌ.

Mateo 2:3 Iomraidhean Croise

Mateo 2:2

Jee ni̱ka̱tu̱ꞌún ráa: ―¿Né núꞌ íyó maáréꞌ ya̱ nkaku ya̱ kúvi te̱e tatúníꞌ nu̱u̱nꞌ rá ñɨvɨ Israel? Chi ne̱ ichi nu̱u̱nꞌ kénta nka̱niiꞌ niniꞌ ráníꞌ tiu̱u̱nꞌ ya̱ jiáꞌa‑a seña ya̱ ya nkaku te̱e tatúníꞌ vá. Jee saáva váji ráníꞌ kuneñu̱ꞌun ráníꞌ maa ―nkachiꞌ ráa.

Mateo 2:4

Saájee nna̱stútú re̱ꞌ ntáká rá su̱tu̱ꞌ kúñáꞌnú jín ntáká rá te̱e xínéꞌénꞌ nu̱u̱nꞌ rá ñɨvɨ jie̱ꞌe̱ꞌ tu̱ꞌun tátúníꞌ Ndiosíꞌ yanaꞌán, jee ni̱ka̱tu̱ꞌún re̱ꞌ ráa, né núꞌ kúvi nu̱u̱nꞌ kaku maáréꞌ ya̱ kuvi re̱ꞌ máá Cristo.

Mateo 23:37

’¡Jerusalén! ¡Jerusalén! Ránoꞌó ñɨvɨ ñuunꞌ vá ya̱ jiáꞌníꞌ rán rá te̱e ya̱ nákani ráa rá tu̱ꞌun kéne yuꞌú máá maá Ndiosíꞌ, jee kúun rán yu̱u̱ꞌ rá te̱e ya̱ nchu̱ichí Ndiosíꞌ va̱ji nu̱u̱nꞌ nú. Jee kue̱ꞌe̱ꞌ íchí nkuini ni̱ꞌ nastútú ni̱ꞌ rá se̱ꞌya ñuunꞌ nú, kuéntáꞌ kua̱ꞌ nastútú ɨɨn che̱tán rá se̱ꞌya ti̱ꞌ chi̱ji rá chi̱yo̱ꞌ ti̱ꞌ, soo ntu nkuíni nú.

Mateo 24:6

Jee teso̱ꞌo rán ya̱ íyó tu̱kantaꞌan ɨɨn ñuunꞌ jín inka ñuunꞌ, jín ya̱ koo tu̱kantaꞌan. Soo kumí rán maárán ya̱ koto ñúyúꞌví iniꞌ rán, chi saá íyó kuvi rá tu̱nóꞌó yaꞌá, soo ntiáꞌan kenta ji̱nu tiempúꞌ nu̱u̱nꞌ nɨꞌɨ.

Mateo 8:29

Jee nka̱najíín ráa nsa̱ꞌá ta̱chi̱ꞌ néꞌí kákini yɨ́ꞌɨ́ iniꞌ ráa, jee nkachiꞌ ráa: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ? ¿Á váji nú yaꞌá sáva xinóꞌo nú ránuꞌuꞌ ne̱ ntiáꞌan ka̱ꞌ kenta tiempúꞌ ji̱nu rúja? ―nkachiꞌ ráa.

Marcos 13:7

Soo ré teso̱ꞌo rán ya̱ íyó tu̱kantaꞌan ɨɨn ñuunꞌ jín inka ñuunꞌ, jín ya̱ koo tu̱kantaꞌan, jee koto ñúyúꞌví iniꞌ rán. Chi saá íyó kuvi rá tu̱nóꞌó yaꞌá. Soo ntiáꞌan kenta ji̱nu.

Hechos 4:2

Ñúníní nasɨ́kuitɨꞌ iniꞌ ráa, chi xínéꞌénꞌ Pedro jín Juan nu̱u̱nꞌ rá ñɨvɨ, jee stékútu̱ꞌún ráa ya̱ nako̱o rá níꞌiꞌ jee natekuꞌ i̱i̱ꞌ ráa, chi sukuán nna̱tekuꞌ Jesús.