Mateo 2:2 - Mixteco del suroeste de Tlaxiaco Oaxaca

² Jee ni̱ka̱tu̱ꞌún ráa: ―¿Né núꞌ íyó maáréꞌ ya̱ nkaku ya̱ kúvi te̱e tatúníꞌ nu̱u̱nꞌ rá ñɨvɨ Israel? Chi ne̱ ichi nu̱u̱nꞌ kénta nka̱niiꞌ niniꞌ ráníꞌ tiu̱u̱nꞌ ya̱ jiáꞌa‑a seña ya̱ ya nkaku te̱e tatúníꞌ vá. Jee saáva váji ráníꞌ kuneñu̱ꞌun ráníꞌ maa ―nkachiꞌ ráa.

Mateo 2:2 Iomraidhean Croise

Mateo 2:3

Jee Herodes, te̱e tátúníꞌ, jee sáá nteso̱ꞌo re̱ꞌ tu̱ꞌun vá, jee nku̱níní víꞌí iniꞌ re̱ꞌ, jín suni ntáká rá ñɨvɨ ñuunꞌ Jerusalén ranika̱ꞌ.

Mateo 21:5

Kachiꞌ rán nu̱u̱nꞌ rá se̱ꞌya ñuunꞌ Sión: “¡Kune̱ꞌyá!, yaꞌá va̱ji nu̱u̱nꞌ ránoꞌó maáréꞌ ya̱ kúñáꞌnú tátúníꞌ re̱ꞌ nu̱u̱nꞌ ránoꞌó, jee láꞌví va̱ji re̱ꞌ, jee yósóꞌ re̱ꞌ ɨɨn burrúꞌ, jee yósóꞌ re̱ꞌ ɨɨn burrúꞌ lúlí ya̱ kúvi se̱ꞌya ɨɨn kitɨ níso ve̱i.” Sukuán káchíꞌ nu̱u̱nꞌ Tutuꞌ Ííꞌ.

Mateo 27:11

Jee náka ráa Jesús nkenta ichinúúnꞌ te̱e nísotíñú naní Pilato, ya̱ kúvi gobernador, jee ni̱ka̱tu̱ꞌún Pilato Jesús: ―¿Á noꞌó kúvi te̱e kúñáꞌnú ya̱ tátúníꞌ nu̱u̱nꞌ rá ñɨvɨ ñuunꞌ Israel? ―nkachiꞌ Pilato nu̱u̱nꞌ Jesús. Jee nna̱xiníkó Jesús nu̱u̱nꞌ Pilato: ―Noꞌó káchíꞌ nú maa ―nkachiꞌ Jesús.

Lucas 19:38

Jee nkachiꞌ ráa: ―Na̱ ka̱ꞌ netuꞌ ka̱ꞌ kúvi maáréꞌ ya̱ nísotíñú tátúníꞌ re̱ꞌ nu̱u̱nꞌ ñɨ̱vɨ́, ya̱ váji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ. Násaꞌá mániꞌ táꞌán re̱ꞌ yó jín Ndiosíꞌ ya̱ nééꞌ antivɨ́, jee na̱ ka̱ꞌ viiꞌ nasɨ́kuitɨꞌ ka̱ꞌ kúñáꞌnú Ndiosíꞌ ya̱ íyó re̱ꞌ ne̱ antivɨ́ súkún ―nkachiꞌ ráa.

Lucas 2:11

Chi vitan jee nkaku ɨɨn te̱e ya̱ natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó ya̱ kúvi re̱ꞌ Cristo ya̱ kúvi re̱ꞌ I̱toꞌoꞌ‑ó, jee nkaku re̱ꞌ nu̱u̱nꞌ ñuunꞌ Belén ya̱ kúvi ñuunꞌ nkaku David.

Lucas 23:3

Saájee nxi̱náꞌmáꞌ Pilato Jesús, jee nkachiꞌ‑i: ―¿Á noꞌó kúvi te̱e kúñáꞌnú ya̱ tátúníꞌ nu̱u̱nꞌ rá ñɨvɨ ñuunꞌ Israel? ―nkachiꞌ‑i. Jee nna̱xiníkó Jesús nu̱u̱nꞌ‑u: ―Noꞌó káchíꞌ nú maa ―nkachiꞌ Jesús.

Lucas 23:38

Jee suni nééꞌ ɨɨn tutuꞌ xi̱ni̱ꞌ kurúsiꞌ re̱ꞌ nu̱u̱nꞌ kúvi xi̱ni̱ꞌ re̱ꞌ nu̱u̱nꞌ ntee ráa [rá tu̱ꞌun griego, jín tu̱ꞌun latín, jín tu̱ꞌun hebreo], jee káchíꞌ tu̱ꞌun vá suꞌva: “Te̱e kúñáꞌnú tátúníꞌ nu̱u̱nꞌ rá ñɨvɨ ñuunꞌ Israel kúvi te̱e yaꞌá”, káchíꞌ‑i.

Juan 1:49

Jee nna̱xiníkó Natanael: ―Mestrúꞌ, noꞌó kúvi nijia Se̱ꞌya Ndiosíꞌ, jee noꞌó kúvi te̱e nísotíñú ya̱ kiji tatúníꞌ nú nu̱u̱nꞌ rá ñɨvɨ ñuunꞌ maáó Israel ―nkachiꞌ re̱ꞌ.

Juan 12:13

jee ña̱ꞌnu̱ꞌ ráa rá naꞌá yutun yu̱ku̱ñu̱u̱nꞌ jee nkene ráa kua̱taꞌanꞌ ráa Jesús, jee nka̱jiéꞌé ráa kánajíín ráa, jee káchíꞌ ráa: ―¡Sikáku Ndiosíꞌ yó! ¡Na̱ ka̱ꞌ netuꞌ ka̱ꞌ kúvi maáréꞌ ya̱ va̱ji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ! ¡Maáréꞌ kúvi re̱ꞌ te̱e ya̱ nísotíñú re̱ꞌ tátúníꞌ re̱ꞌ nu̱u̱nꞌ rá ñɨvɨ ñuunꞌ Israel! ―nkachiꞌ ráa.

Juan 18:37

Saájee nkachiꞌ Pilato nu̱u̱nꞌ Jesús: ―¿Á noꞌó kúvi te̱e nísotíñú tátúníꞌ nú résa? Jee nna̱xiníkó Jesús: ―Suvini̱ꞌ kúvi te̱e nísotíñú tátúníꞌ ni̱ꞌ kuéntáꞌ ya̱ nkachiꞌ kí nú. Chi jie̱ꞌe̱ꞌ yaꞌá kúvi ya̱ va̱ji ni̱ꞌ nkaku ni̱ꞌ iniꞌ ñɨ̱vɨ́ yaꞌá, sáva kachiꞌ ni̱ꞌ ya̱ naáꞌ. Ntáká ñɨvɨ ya̱ íñɨ́‑ɨ jín ya̱ naáꞌ, jee ñúꞌún iniꞌ ráa tɨ́ɨn ráa tu̱ꞌun káchíꞌ ni̱ꞌ ―nkachiꞌ Jesús.

Juan 19:19

Jee nta̱túníꞌ Pilato ya̱ kuneeꞌ tu̱ꞌun xi̱ni̱ꞌ kurúsiꞌ, ya̱ kachiꞌ‑i suꞌva: “Jesús te̱e ñuunꞌ Nazaret, ya̱ kúvi te̱e kúñáꞌnú ya̱ tátúníꞌ nu̱u̱nꞌ rá ñɨvɨ Israel”, káchíꞌ tu̱ꞌun vá.

Juan 20:28

Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!

Juan 5:23

Nsa̱ꞌá re̱ꞌ suꞌva, sáva nta̱ká ñɨvɨ chiñúꞌún ráa nuꞌuꞌ, ya̱ kúvi ni̱ꞌ Se̱ꞌya re̱ꞌ, kuéntáꞌ chíñúꞌún ráa Tátáꞌ ni̱ꞌ. Jee ñɨvɨ ya̱ ntu chíñúꞌún nuꞌuꞌ, ya̱ kúvi Se̱ꞌya re̱ꞌ, jee suni ntu chíñúꞌún ñɨvɨ vá Tátáꞌ ni̱ꞌ ya̱ nchu̱ichí nuꞌuꞌ va̱ji ni̱ꞌ.

Juan 9:38

Saájee nkachiꞌ te̱e vá: ―Kúneí iniꞌ ni̱ꞌ noꞌó, I̱toꞌoꞌ ni̱ꞌ ―nkachiꞌ‑i, jee nneñu̱ꞌun‑u Jesús.

Hebreos 1:6

Jee inka íchí, sáá nta̱jí Ndiosíꞌ métúꞌún Se̱ꞌya maáréꞌ nkiji‑i iniꞌ ñɨ̱vɨ́ yaꞌá, jee nkachiꞌ re̱ꞌ: Ntáká rá najiáꞌáꞌ ííꞌ kuneñu̱ꞌun ráa Se̱ꞌya ni̱ꞌ. Nkachiꞌ Ndiosíꞌ.

Apoclipsis 22:16

’Jee nuꞌuꞌ Jesús, nchu̱ichí ni̱ꞌ najiáꞌáꞌ ííꞌ ni̱ꞌ sáva stúvi re̱ꞌ nu̱u̱nꞌ noꞌó rá tu̱ꞌun na̱a̱ꞌ yaꞌá sáva ku̱ꞌva nú maa nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ne̱ nu̱u̱nꞌ David váji ni̱ꞌ ya̱ kúvi ni̱ꞌ Se̱ꞌya ichiyúkúnꞌ ya̱ nkene ni̱ꞌ ne̱ nu̱u̱nꞌ David. Viiꞌ víꞌí kúñáꞌnú ni̱ꞌ kuéntáꞌ kua̱ꞌ viiꞌ jiánu̱te̱ꞌ tiu̱u̱nꞌ xúꞌún ya̱ kenta ntáká ya̱neꞌenꞌ.