Mateo 2:12 - Mixteco del suroeste de Tlaxiaco Oaxaca

¹² Saájee nstúꞌva ya̱chi̱ꞌ Ndiosíꞌ ráa nu̱u̱nꞌ ñuma̱ꞌná ráa ya̱ nsáꞌ nikó ráa nu̱u̱nꞌ Herodes, saájee inka ka̱ꞌ ichi nkene ráa kua̱noꞌonꞌ ráa ñuunꞌ ráa.

Mateo 2:12 Iomraidhean Croise

Génesis 31:24

Soo yakuááꞌ yukuán jee nkenta Ndiosíꞌ nu̱u̱nꞌ Labán te̱e kúvi se̱ꞌya tataꞌ ichiyúkúnꞌ Aram nu̱u̱nꞌ ñuma̱ꞌná re̱ꞌ, jee nkachiꞌ Ndiosíꞌ nu̱u̱nꞌ re̱ꞌ: “Kumí nú maánú ya̱ koto jia̱ꞌa kachiꞌ nú nu̱u̱nꞌ Jacob ya̱ koto kaꞌanꞌ i̱yo nú ni tu̱ꞌun váꞌa ni tu̱ꞌun niváꞌa.”

Mateo 1:20

Jee ni jiáni iniꞌ re̱ꞌ ya̱ saꞌá re̱ꞌ sukuán, jee nu̱u̱nꞌ ñuma̱ꞌná re̱ꞌ ntu̱vi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ jee nkachiꞌ‑i nu̱u̱nꞌ re̱ꞌ: ―José, noꞌó ichiyúkúnꞌ tataꞌ veꞌi David, koto yúꞌví nú keꞌen nú María kuvi ña ñasɨ́ꞌɨ́ nú, chi Se̱ꞌya ya̱ nna̱nise̱ꞌya ña va̱ji‑i ne̱ nu̱u̱nꞌ Ta̱chi̱ꞌ Ííꞌ Ndiosíꞌ.

Mateo 2:13

Jee sáá ya̱ kua̱noꞌonꞌ rá te̱e tu̱ꞌva níchí xi̱ni̱ꞌ vá, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José jee nkachiꞌ‑i nu̱u̱nꞌ re̱ꞌ: ―Nako̱o, keꞌen te̱lúlí jín nánáꞌ re̱ꞌ, jee kene yuꞌuꞌ kaku nú kuáꞌánꞌ jín ráa nu̱u̱nꞌ ñuꞌún ñuunꞌ Egipto, jee kino̱o rán yukuán ne̱kua̱ꞌ kachiꞌ ni̱ꞌ nu̱u̱nꞌ nú ya̱ nikó rán. Chi Herodes tají re̱ꞌ rá te̱e nanukú ráa te̱lúlí yaꞌá sáva kaꞌniꞌ ráa maa ―nkachiꞌ najiáꞌáꞌ ííꞌ vá.

Mateo 2:19

Jee sáá ni̱ꞌi̱ꞌ Herodes, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José ne̱ nu̱u̱nꞌ nééꞌ re̱ꞌ ñuꞌun Egipto, jee nkachiꞌ‑i:

Mateo 2:22

Soo sáá nteso̱ꞌo re̱ꞌ ya̱ Arquelao nna̱kuiñɨꞌ‑ɨ nu̱u̱nꞌ tátáꞌ‑a Herodes tátúníꞌ‑i ñuꞌun Judea, jee nyu̱ꞌví José kɨ̱ꞌɨ̱nꞌ re̱ꞌ yukuán. Jee nstúꞌva Ndiosíꞌ re̱ꞌ nu̱u̱nꞌ ñuma̱ꞌná re̱ꞌ jee nkene re̱ꞌ kua̱ꞌa̱nꞌ re̱ꞌ nu̱u̱nꞌ ñuꞌun tɨ́ɨn Galilea.

Mateo 27:19

Jee ni nééꞌ Pilato nu̱u̱nꞌ teyuꞌ nu̱u̱nꞌ jiéꞌnéꞌ re̱ꞌ kua̱chi, jee nta̱jí ñasɨ́ꞌɨ́ re̱ꞌ tu̱ꞌun nu̱u̱nꞌ re̱ꞌ ya̱ káchíꞌ‑i: ―Koto jíꞌín nú jiéꞌnéꞌ kua̱chi si̱kɨ̱ꞌ te̱e na̱a̱ꞌ i̱ña̱ꞌ, chi vitan nnoꞌo víꞌí ni̱ꞌ nsa̱ꞌá ña̱ní nu̱u̱nꞌ ñuma̱ꞌná ni̱ꞌ jie̱ꞌe̱ꞌ re̱ꞌ ―nkachiꞌ ñaꞌ.

Lucas 2:26

Jee nstúvi ya̱chi̱ꞌ Ta̱chi̱ꞌ Ííꞌ nu̱u̱nꞌ re̱ꞌ ya̱ ni nsáꞌ kuviꞌ re̱ꞌ ne̱ ntiáꞌan kuniꞌ re̱ꞌ nu̱u̱nꞌ máá Cristo ya̱ chuichí I̱toꞌoꞌ‑ó Ndiosíꞌ.

Hechos 10:22

Jee nna̱xiníkó ráa: ―Capitán Cornelio kúvi re̱ꞌ te̱e na̱a̱ꞌ nu̱u̱nꞌ Ndiosíꞌ, jee ñúyúꞌví iniꞌ re̱ꞌ néñu̱ꞌun re̱ꞌ Ndiosíꞌ. Jee nɨꞌɨ rá ñɨvɨ Israel jiáꞌa ráa ya̱ naáꞌ ya̱ kúvi re̱ꞌ suꞌva. Ɨɨn najiáꞌáꞌ ííꞌ Ndiosíꞌ nkachiꞌ‑i nu̱u̱nꞌ re̱ꞌ, ya̱ kána re̱ꞌ nó kɨ̱ꞌɨ̱nꞌ nú nu̱u̱nꞌ veꞌi re̱ꞌ, sáva teso̱ꞌo re̱ꞌ tu̱ꞌun ya̱ kachiꞌ nú nu̱u̱nꞌ re̱ꞌ ―nkachiꞌ ráa nu̱u̱nꞌ Pedro.

Hechos 4:19

Soo Pedro jín Juan nkachiꞌ rává nu̱u̱nꞌ ráa: ―I̱ña̱vá kachiꞌ maárán ré na̱a̱ꞌ ví‑i nu̱u̱nꞌ Ndiosíꞌ, retú kaníjiá ránꞌ ránoꞌó, nsú káꞌ kaníjiá ránꞌ Ndiosíꞌ.

Hechos 5:29

Soo Pedro jín rá inka te̱e kúvi apóstol nna̱xiníkó ráa, jee nkachiꞌ ráa: ―Íyó kaníjiá ránꞌ Ndiosíꞌ nsú káꞌ rá te̱e.

1 Corintios 3:19

Chi ya̱ níchí ya̱ jiáni iniꞌ ñɨvɨ ñɨ̱vɨ́ yaꞌá, jee kua̱chi jiáni naanꞌ iniꞌ ráa káchíꞌ Ndiosíꞌ. Chi nu̱u̱nꞌ Tutuꞌ níso Tu̱ꞌun Ndiosíꞌ káchíꞌ: “Chi maá Ndiosíꞌ chi tɨ́ɨn re̱ꞌ ñɨvɨ ya̱ jiáni iniꞌ ráa ya̱ níchí xi̱ni̱ꞌ ráa nu̱u̱nꞌ ya̱ máñáꞌ maáráa sáva xínínkava re̱ꞌ ráa nu̱u̱nꞌ máñáꞌ maáráa.”

Hebreos 11:7

Jee Noé ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nstúꞌva Ndiosíꞌ re̱ꞌ jie̱ꞌe̱ꞌ rá tu̱nóꞌó xéénꞌ koo ya̱ ni ntiáꞌan kuniꞌ maa. Jee ñúyúꞌví iniꞌ re̱ꞌ Ndiosíꞌ jee nsa̱ꞌá re̱ꞌ ɨɨn barkúꞌ maá káꞌnú nasɨ́kuitɨꞌ ya̱ naní arca, sáva ka̱ku re̱ꞌ jín ntáká rá ñɨvɨ táꞌán veꞌi re̱ꞌ. Jee jie̱ꞌe̱ꞌ nku̱neí iniꞌ Noé Ndiosíꞌ, jee nsi̱jíta re̱ꞌ kua̱íyó rá ñɨvɨ ñɨ̱vɨ́ vá nu̱u̱nꞌ kua̱chi ráa. Jee ni̱ꞌi̱nꞌ re̱ꞌ ta̱ꞌvi̱ꞌ ninima̱ni̱ꞌ Ndiosíꞌ ya̱ nsa̱náaꞌ‑a ya̱ kúvi re̱ꞌ te̱e na̱a̱ꞌ jie̱ꞌe̱ꞌ nku̱neí iniꞌ re̱ꞌ Ndiosíꞌ.

Hebreos 8:5

Chi rá su̱tu̱ꞌ vá jee rá tiñu sáꞌá ráa kúvi tiñu kuéntáꞌ xi̱ne̱ꞌñu̱ꞌ, chi xínéꞌénꞌ‑e jie̱ꞌe̱ꞌ ya̱ naáꞌ nijia ya̱ íyó iniꞌ antivɨ́, sú ntu íyó máá maáa. Chi kúvi‑i kuéntáꞌ kua̱ꞌ nxtúꞌva ya̱chi̱ꞌ Ndiosíꞌ Moisés sáá sukuán kijiéꞌé re̱ꞌ kani re̱ꞌ veꞌi sayo ííꞌ nu̱u̱nꞌ nneñu̱ꞌun rá ñɨvɨ Ndiosíꞌ, jee nkachiꞌ Ndiosíꞌ: “Nito koo nú, jee nasaꞌá nú ntáká kuitɨꞌ rá nantíñú sánikua̱ꞌ íyó kuitɨꞌ rá nantíñú niniꞌ nú ya̱ nxi̱néꞌénꞌ ni̱ꞌ nu̱u̱nꞌ nú ne̱ xi̱ni̱ꞌ yuku.”