Mateo 2:1 - Mixteco del suroeste de Tlaxiaco Oaxaca

¹ Jee sáá nkaku Jesús ñuunꞌ Belén, ya̱ yɨ́ꞌɨ́ xi̱ntíín ñuꞌun Judea. Jee tiempúꞌ yukuán kúvi Herodes te̱e tátúníꞌ re̱ꞌ rá ñuunꞌ vá. Jee nu̱u̱nꞌ ñuunꞌ Jerusalén nkenta sava rá te̱e tu̱ꞌva níchí xi̱ni̱ꞌ ya̱ váji ráa ne̱ ichi nu̱u̱nꞌ kénta nka̱niiꞌ.

Mateo 2:1 Iomraidhean Croise

Génesis 10:30

Jee nneeꞌ rá ñɨvɨ yaꞌá nu̱u̱nꞌ ñu̱ꞌún nke̱táꞌán ráa jín ñuunꞌ Mesa, jín nke̱táꞌán‑a jín ñuunꞌ Sefar, nke̱táꞌán‑a ne̱ jín ñuꞌun nu̱u̱nꞌ káá rá yuku ichi kéne nka̱niiꞌ.

Génesis 25:6

Soo njia̱ꞌa re̱ꞌ ta̱ꞌvi̱ꞌ nu̱u̱nꞌ rá inka se̱ꞌya re̱ꞌ níyo jín rá inka ñaꞌan ya̱ nna̱kasaɨn re̱ꞌ ráña, jee ne̱ sáá tékúꞌ i̱i̱ꞌ re̱ꞌ ka̱ꞌ jee nsa̱ꞌá sɨ́ɨ́n re̱ꞌ ráa nu̱u̱nꞌ se̱ꞌya re̱ꞌ Isaac jee nta̱jí re̱ꞌ ráa kua̱ꞌa̱nꞌ ráa nu̱u̱nꞌ rá ñuunꞌ káá nu̱u̱nꞌ kénta nka̱niiꞌ.

Génesis 41:8

Soo ki̱vɨ̱ꞌ steñu̱ꞌún ya̱neꞌenꞌ ñúníní iniꞌ Faraón jee nta̱jí re̱ꞌ rá te̱e kana ráa kiji ntáká rá te̱e nijin iniꞌ jín ntáká rá níchí xíniꞌ íyó nu̱u̱nꞌ ñuunꞌ Egipto. Jee nna̱kani Faraón nu̱u̱nꞌ ráa rá ña̱ní nñání re̱ꞌ, soo ni ɨɨn ráa ni ntu̱ví nkuvi kachiꞌ nu̱u̱nꞌ re̱ꞌ ná kúníꞌ kachiꞌ rá ña̱ní nña̱ní re̱ꞌ.

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 1:25

Soo ntu núnéꞌén re̱ꞌ jín ña nekuaꞌ nkaku se̱ꞌya yɨ́ɨ́ ña. Jee nsi̱kúnání re̱ꞌ maa Jesús.

Mateo 2:16

Sáá nku̱káꞌnú iniꞌ Herodes ya̱ nxi̱náꞌví rá te̱e tu̱ꞌva níchí xi̱ni̱ꞌ vá re̱ꞌ, jee nki̱tɨ̱ꞌ nasɨ́kuitɨꞌ iniꞌ re̱ꞌ. Jee nta̱jí re̱ꞌ rá soldado re̱ꞌ kɨ̱kaꞌniꞌ ráa ntáká rá su̱chí lúlí yɨ́ɨ́ rá íyó nu̱u̱nꞌ ñuunꞌ Belén, jín ntáká rá íyó ni̱kótíyu yukuán. Ntají re̱ꞌ ráa kɨ̱kaꞌniꞌ ráa ntáká rá íñɨ́ u̱vi̱ꞌ kui̱ya̱ꞌ jín rá núun ka̱ꞌ kui̱ya̱ꞌ, sánikua̱ꞌ tiempúꞌ nku̱káꞌnú iniꞌ re̱ꞌ ya̱ nkitu̱vi tiu̱u̱nꞌ xúꞌún vá ya̱ nkachiꞌ rá te̱e tu̱ꞌva níchí xi̱ni̱ꞌ vá sáá ni̱ka̱tu̱ꞌún re̱ꞌ ráa.

Mateo 2:19

Jee sáá ni̱ꞌi̱ꞌ Herodes, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José ne̱ nu̱u̱nꞌ nééꞌ re̱ꞌ ñuꞌun Egipto, jee nkachiꞌ‑i:

Mateo 2:3

Jee Herodes, te̱e tátúníꞌ, jee sáá nteso̱ꞌo re̱ꞌ tu̱ꞌun vá, jee nku̱níní víꞌí iniꞌ re̱ꞌ, jín suni ntáká rá ñɨvɨ ñuunꞌ Jerusalén ranika̱ꞌ.

Mateo 2:5

Jee nkachiꞌ ráa: ―Nu̱u̱nꞌ ñuunꞌ Belén, ya̱ yɨ́ꞌɨ́‑ɨ xi̱ntíín ñuꞌun Judea. Chi sukuán ntee te̱e nna̱kani tu̱ꞌun nkene yuꞌú máá maá Ndiosíꞌ yanaꞌán, sáá nkáchíꞌ Ndiosíꞌ:

Mateo 2:7

Saájee nkana yuꞌuꞌ Herodes rá te̱e tu̱ꞌva níchí xi̱ni̱ꞌ vá, jee ni̱ka̱tu̱ꞌún va̱ꞌa re̱ꞌ ráa jee nku̱káꞌnú iniꞌ re̱ꞌ máá tiempúꞌ nkitu̱vi tiu̱u̱nꞌ vá.

Lucas 1:5

Sáá tiempúꞌ nkuvi Herodes te̱e nísotíñú ya̱ nta̱túníꞌ re̱ꞌ ñuunꞌ Judea, jee ni̱yo ɨɨn su̱tu̱ꞌ naní Zacarías, ya̱ yɨ́ꞌɨ́ re̱ꞌ nu̱u̱nꞌ ɨɨn rá grupo su̱tu̱ꞌ ya̱ naní grupo vá Abías. Jee ñasɨ́ꞌɨ́ re̱ꞌ naní Elisabet, jee kúvi ña se̱ꞌya ichiyúkúnꞌ va̱ji nu̱u̱nꞌ su̱tu̱ꞌ Aarón.

Lucas 2:11

Chi vitan jee nkaku ɨɨn te̱e ya̱ natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó ya̱ kúvi re̱ꞌ Cristo ya̱ kúvi re̱ꞌ I̱toꞌoꞌ‑ó, jee nkaku re̱ꞌ nu̱u̱nꞌ ñuunꞌ Belén ya̱ kúvi ñuunꞌ nkaku David.

Lucas 2:15

Saájee sáá kua̱noꞌonꞌ rá najiáꞌáꞌ ííꞌ vá antivɨ́ súkún, jee rá te̱e náka lanchi vá nkachiꞌ ráa nu̱u̱nꞌ ɨɨn inka ráa: ―Nkóꞌónꞌ‑órán ntañúꞌún ñuunꞌ Belén jee kɨ̱ne̱ꞌyá‑ó na̱kuá nkuvi jie̱ꞌe̱ꞌ yaꞌá ya̱ nsi̱kúkáꞌnú I̱toꞌoꞌ‑ó maa iniꞌ‑ó ―nkachiꞌ ráa.

Juan 7:42

Chi, ¿á ntu káchíꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ kaku Cristo nu̱u̱nꞌ tataꞌ ichiyúkúnꞌ váji ne̱ nu̱u̱nꞌ David, jee te̱e ñuunꞌ Belén kuvi re̱ꞌ, nu̱u̱nꞌ kúvi ñuunꞌ nu̱u̱nꞌ nneeꞌ David ne̱ yanaꞌán rúja? ―nkachiꞌ rá ñɨvɨ vá.