Mateo 19:21 - Mixteco del suroeste de Tlaxiaco Oaxaca

²¹ Jee nkachiꞌ Jesús nu̱u̱nꞌ‑u: ―Retú kuíni nú kuvi nú ɨɨn te̱e na̱a̱ꞌ ya̱ síkúnkuvi nɨꞌɨ, kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Mateo 19:21 Iomraidhean Croise

Génesis 17:1

Jee íñɨ́ Abram ku̱mi̱xiko xa̱ꞌu̱nꞌ ku̱mi̱ꞌ (99) kui̱ya̱ꞌ jee ntu̱ví I̱toꞌoꞌ‑ó nu̱u̱nꞌ Abram jee nkachiꞌ re̱ꞌ nu̱u̱nꞌ‑u: ―Nuꞌuꞌ ví Ndiosíꞌ ya̱ níso ni̱ꞌ nɨꞌɨ ntántúníꞌ fuersáꞌ ííꞌ. Kɨtíñú nu̱u̱nꞌ ni̱ꞌ jee kueꞌnu na̱a̱ꞌ ya̱ ntu̱náꞌ kua̱chi koo si̱kɨ̱ꞌ nú.

Génesis 6:9

Yaꞌá ví tu̱ꞌun jie̱ꞌe̱ꞌ ya̱ nnoꞌo Noé. Noé kúvi ɨɨn te̱e na̱a̱ꞌ nu̱u̱nꞌ Ndiosíꞌ ntu̱náꞌ níyo chikua̱chi ñɨvɨ si̱kɨ̱ꞌ re̱ꞌ nteñu rá ñɨvɨ ntekuꞌ tiempúꞌ yukuán. Jee nika Noé nyɨ̱tíñú re̱ꞌ nu̱u̱nꞌ Ndiosíꞌ.

Mateo 16:24

Saájee nkachiꞌ re̱ꞌ nu̱u̱nꞌ rá te̱e súkuáꞌa re̱ꞌ vá: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ, jee íyó xináánꞌ‑a iniꞌ‑i rá níyo iniꞌ maáa, jee ɨɨn ni koo iniꞌ‑i kunoꞌo‑o jie̱ꞌe̱ꞌ níkɨ́nꞌ nuꞌuꞌ, kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee kunikɨnꞌ nuꞌuꞌ.

Mateo 19:20

Jee nkachiꞌ te̱e súchí vá nu̱u̱nꞌ Jesús: ―Nɨꞌɨ tiñu yaꞌá va̱ji síkúnkuvi ni̱ꞌ maa [ne̱ lúlí ni̱ꞌ]. ¿Ná kúvi ka̱ꞌ ya̱ kúmániꞌ saꞌá ni̱ꞌ rúja? ―nkachiꞌ‑i.

Mateo 19:22

Soo sáá nteso̱ꞌo te̱e súchí vá rá tu̱ꞌun yaꞌá, jee kua̱ꞌa̱nꞌ re̱ꞌ nnu̱kuéká iniꞌ re̱ꞌ, chi jie̱ꞌe̱ꞌ kue̱ꞌe̱ꞌ víꞌí nantíñú re̱ꞌ íyó.

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Mateo 4:19

Jee nkachiꞌ Jesús nu̱u̱nꞌ ráa: ―Kunikɨnꞌ rán kutáꞌán rán jín nuꞌuꞌ, jee saꞌá ni̱ꞌ ránoꞌó te̱e, ya̱ stútú rán rá ñɨvɨ ki̱vɨ ráa naꞌá Ndiosíꞌ, kuéntáꞌ kua̱ꞌ tɨ́ɨn rán tia̱ká ntañúꞌún ―nkachiꞌ Jesús.

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Mateo 8:22

Soo nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ, ku̱ꞌva nú ya̱ rá ñɨvɨ kuéntáꞌ níꞌiꞌ ráa nu̱u̱nꞌ Ndiosíꞌ kɨ̱se̱ꞌí ráa rá ni̱yɨ ráa ―nkachiꞌ Jesús.

Mateo 9:9

Jee sáá nkene Jesús yukuán, jee kua̱ꞌa̱nꞌ re̱ꞌ, jee niniꞌ re̱ꞌ ɨɨn te̱e naní Mateo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma, jee nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ ―nkachiꞌ re̱ꞌ, jee nna̱kuiñɨꞌ‑ɨ jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

Marcos 10:21

Soo sáá nne̱ꞌyá Jesús nu̱u̱nꞌ te̱e vá, jee nñunu̱u̱nꞌ re̱ꞌ maa, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ, [jee xináán iniꞌ nú maánú kuéntáꞌ ɨɨn ya̱ níso kurúsiꞌ sáva kuviꞌ‑i nu̱u̱nꞌ vá jie̱ꞌe̱ꞌ nuꞌuꞌ] ―nkachiꞌ Jesús nu̱u̱nꞌ re̱ꞌ.

Marcos 2:14

Sáá kua̱jia̱ꞌa re̱ꞌ, jee niniꞌ re̱ꞌ ɨɨn te̱e naní Leví, se̱ꞌya Alfeo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma. Jee nkachiꞌ Jesús nu̱u̱nꞌ re̱ꞌ: ―Kunikɨnꞌ nuꞌuꞌ. I̱ña̱jée nna̱kuiñɨꞌ Leví jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

Marcos 8:34

I̱ña̱jée nkana re̱ꞌ rá ñɨvɨ jín rá te̱e súkuáꞌa re̱ꞌ ráa, jee nkachiꞌ re̱ꞌ nu̱u̱nꞌ ráa: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ, íyó xináánꞌ‑a iniꞌ‑i rá níyo iniꞌ maáa, jee ɨɨn ni koo iniꞌ‑i kunoꞌo‑o jie̱ꞌe̱ꞌ níkɨ́nꞌ nuꞌuꞌ kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá. Jee kunikɨnꞌ‑ɨ nuꞌuꞌ.

Lucas 12:33

Xi̱kó rán nantíñú rán, jee ku̱ꞌva rán xu̱ꞌún nu̱u̱nꞌ rá ñɨvɨ láꞌví. Jee sukuán chuva̱ꞌa rán ta̱ꞌvi̱ꞌ yɨ́yáꞌvi maárán ya̱ ntu nɨ́ꞌɨ‑ɨ iniꞌ antivɨ́ súkún, jee suꞌva kuéntáꞌ yukuán saꞌá rán ñɨɨn xu̱ꞌún maárán ya̱ ntu kutúꞌú‑u. Jee yukuán ntu kénta rá kui̱ꞌná, ni ntu stívɨ́ ti̱kixinꞌ maa.

Lucas 14:33

Jee saáva, nta̱ká ránoꞌó, retú ntu íyó iniꞌ‑i xinóo nɨꞌɨ ya̱ kúmí‑i, saájee ntu kúvi kunikɨnꞌ nuꞌuꞌ ya̱ sukuáꞌa ni̱ꞌ maa ―nkachiꞌ Jesús.

Lucas 16:9

Soo sú rá ñɨvɨ ntu náaꞌ núkú ráa rá nantíñú kumí ráa, soo nuꞌuꞌ káchíꞌ ni̱ꞌ nu̱u̱nꞌ ránoꞌó ya̱ kuatíñú rán rá kúmí rán iniꞌ ñɨ̱vɨ́ yaꞌá sáva saꞌá va̱ꞌa rán jín ñɨvɨ sáva ni̱ꞌi̱nꞌ rán ya̱ tɨɨn ráa Tu̱ꞌun Ndiosíꞌ jee suꞌva saꞌá mániꞌ táꞌán rán, jee sáá nɨꞌɨ rá kúmí rán iniꞌ ñɨ̱vɨ́ yaꞌá, jee nakuatáꞌví ráa ránoꞌó sáá kenta rán nu̱u̱nꞌ nééꞌ Ndiosíꞌ nu̱u̱nꞌ kuneeꞌ rán nɨ́ɨ́nkání.

Lucas 18:22

Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Lucas 5:27

Sáá nkuvi rá tiñu yaꞌá jee nkene Jesús kua̱ꞌa̱nꞌ re̱ꞌ, jee niniꞌ re̱ꞌ ɨɨn te̱e naní‑i Leví ya̱ nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma, jee nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ ―nkachiꞌ re̱ꞌ.

Lucas 6:40

Chi ɨɨn ñɨvɨ ya̱ súkuáꞌa‑a jee ntu kúñáꞌnú‑u ka̱ꞌ nsú káꞌ mestrúꞌ‑u ya̱ xínéꞌénꞌ maa. Chi ntáká ñɨvɨ súkuáꞌa jee sáá kenta jínu ya̱ kútúꞌva‑a, jee kenta‑a kuvi‑i kuéntáꞌ ñɨvɨ ya̱ xínéꞌénꞌ maa.

Lucas 9:23

Saájee nkachiꞌ re̱ꞌ nu̱u̱nꞌ ntáká rá ñɨvɨ: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ jee xináánꞌ‑a iniꞌ‑i rá níyo iniꞌ maáa, jee ta ki̱vɨ̱ꞌ ɨɨn ni koo iniꞌ‑i kunoꞌo‑o jie̱ꞌe̱ꞌ nuꞌuꞌ kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee kunikɨnꞌ‑ɨ nuꞌuꞌ.

Juan 10:27

Chi rá ñɨvɨ ni̱ꞌ ya̱ kúvi ráa kuéntáꞌ lanchi ni̱ꞌ, jee suviráa vá tésóꞌo ráa ta̱chi̱yuꞌú ni̱ꞌ. Jee jíníꞌ va̱ꞌa ni̱ꞌ iniꞌ ráa. Jee níkɨ́nꞌ ráa nuꞌuꞌ.

Juan 12:26

Jee retú íyó ne̱ ni ɨɨn sátíñú‑u nu̱u̱nꞌ nuꞌuꞌ, jee íyó‑o kunikɨnꞌ‑ɨ nuꞌuꞌ. Chi ñɨvɨ ya̱ sátíñú nu̱u̱nꞌ nuꞌuꞌ, jee nu̱u̱nꞌ kuneeꞌ ni̱ꞌ jee suni yukuán kuneeꞌ musúꞌ ni̱ꞌ. Jee retú íyó ɨɨn ñɨvɨ sátíñú nu̱u̱nꞌ nuꞌuꞌ, jee saꞌá Tátáꞌ ni̱ꞌ ya̱ kúñáꞌnú ráa.

Hechos 2:45

Saáva sáá xíkó ráa rá ñuꞌun ráa jín rá nantíñú ráa, jee tásáva ráa xu̱ꞌún vá nu̱u̱nꞌ ntáká ráa na̱kua̱ꞌ jíniñúꞌún ne̱ ni ɨɨn ráa.

Hebreos 10:34

Chi nku̱náꞌví iniꞌ rán rá ñɨvɨ ya̱ yɨ́ꞌɨ́ iniꞌ veka̱a jie̱ꞌe̱ꞌ íñɨ́ ráa jín tu̱ꞌun váꞌa Cristo. Jee suni ne̱ sɨ̱ɨ̱ꞌ ni̱yo iniꞌ rán sáá nka̱neeꞌ rá ñɨvɨ rá nantíñú kúmí rán, chi jíníꞌ rán ya̱ ne̱ antivɨ́ nu̱u̱nꞌ nééꞌ Ndiosíꞌ yukuán ñúꞌún ta̱ꞌvi̱ꞌ váꞌa nasɨ́kuitɨꞌ rán ka̱ꞌ ya̱ koo nɨ́ɨ́nkání.