Mateo 19:11 - Mixteco del suroeste de Tlaxiaco Oaxaca

¹¹ Soo nkachiꞌ Jesús nu̱u̱nꞌ ráa: ―Nsú nɨꞌɨ ñɨvɨ kuvi tɨɨn ráa tiñu ya̱ nkachiꞌ ni̱ꞌ, chisaꞌ sáni rá ñɨvɨ ya̱ jiáꞌa Ndiosíꞌ nu̱u̱nꞌ ráa ya̱ kuvi tɨɨn ráa maa.

Mateo 19:11 Iomraidhean Croise

Mateo 13:11

Saájee nna̱xiníkó re̱ꞌ nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa ya̱ nééꞌ re̱ꞌ antivɨ́ súkún. Soo nu̱u̱nꞌ rá inka ka̱ꞌ ntu̱ví njiáꞌa re̱ꞌ maa.

Mateo 19:10

Jee nkachiꞌ rá te̱e súkuáꞌa Jesús ráa nu̱u̱nꞌ re̱ꞌ: ―Retú sukuán íyó ñujiínꞌ te̱e jín ñasɨ́ꞌɨ́‑ɨ, jee íyó váꞌa ka̱ꞌ retánꞌ ni nta̱náꞌá‑a ―nkachiꞌ ráa.

Mateo 19:12

Íyó te̱e ya̱ ntu íyó váꞌa ñunéꞌyúꞌ‑u ne̱ tiempúꞌ ñúchíji nánáꞌ ráa maáráa jee saáva ntu kúvi kuneeꞌ jín ñaꞌan. Jee íyó te̱e ya̱ jiéꞌnéꞌ ñɨvɨ maa jee saáva ntu kúvi kuneeꞌ jín ñaꞌan. Jee íyó ñɨvɨ ya̱ ɨɨn ni ñúꞌún iniꞌ ráa ya̱ nsáꞌ tana̱ꞌá ráa sáva kɨtíñú ráa nu̱u̱nꞌ tiñu sáꞌá ráa nu̱u̱nꞌ Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ nɨꞌɨ. Te̱e kuvi kaníjiá ráa tɨɨn ráa tu̱ꞌun yaꞌá, jee tɨɨn ráa maa ―nkachiꞌ Jesús.

1 Corintios 7:17

Saájee ta ɨɨn ɨɨn rán íyó kueꞌnu rán sánikua̱ꞌ ntaji I̱toꞌoꞌ‑ó sáá koo rán, jín sánikua̱ꞌ ya̱ íyó rán sáá nkana Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ni̱nu̱ꞌ iniꞌ rán nka̱níjiá rán. Jee suꞌva tátúníꞌ ni̱ꞌ nu̱u̱nꞌ ntáká rá grupo rá ñɨvɨ jínúꞌ iniꞌ ráa káníjiá ráa Jesús.

1 Corintios 7:2

Soo jie̱ꞌe̱ꞌ ya̱ íyó ya̱ síkúvi iniꞌ rán saꞌá tiñu téní ya̱ kúsíkɨ́ iniꞌ rán, jee saáva va̱ꞌa ka̱ꞌ ya̱ ta ɨɨn rá te̱e koo ɨɨn ñasɨ́ꞌɨ́ re̱ꞌ, jín ya̱ ta ɨɨn rá ñaꞌan, koo ɨɨn yɨɨ́ ña.

1 Corintios 7:35

Káchíꞌ ni̱ꞌ tu̱ꞌun yaꞌá nu̱u̱nꞌ ránoꞌó sáva kuvi ya̱ váꞌa ránoꞌó, jee nsú sáva kasɨꞌ ni̱ꞌ ya̱ tana̱ꞌá rán, chisaꞌ sáva kueꞌnu na̱a̱ꞌ va̱ꞌa rán, jee sáva kɨtíñú rán nu̱u̱nꞌ I̱toꞌoꞌ‑ó, jee ntu̱náꞌ íyó ya̱ xitá‑a noꞌó ya̱ kuneenu̱u̱nꞌ nú kɨtíñú nú nu̱u̱nꞌ I̱toꞌoꞌ‑ó.