Mateo 17:2 - Mixteco del suroeste de Tlaxiaco Oaxaca

² Jee yukuán nsama re̱ꞌ sáá ntu̱vi re̱ꞌ nu̱u̱nꞌ ráa, chi jiánu̱te̱ꞌ víꞌí nu̱u̱nꞌ re̱ꞌ kuéntáꞌ nuva nka̱niiꞌ, jee saꞌma re̱ꞌ máá yaa nnuvi‑i kuéntáꞌ nuva ñuꞌunꞌ.

Mateo 17:2 Iomraidhean Croise

Mateo 17:1

Jee sáá njia̱ꞌa i̱ñu̱ꞌ ki̱vɨ̱ꞌ, jee nkeꞌen Jesús, Pedro, jín Jacobo jín Juan ya̱ kúvi ñaniꞌ Jacobo, jee kua̱ꞌa̱nꞌ sɨ́ɨ́n Jesús jín ráa ne̱ xi̱ni̱ꞌ ɨɨn yuku súkún.

Mateo 17:3

Jee nne̱ꞌyá ráa jee niniꞌ ráa Moisés jín Elías, ya̱ ntu̱vi rává nu̱u̱nꞌ ráa, jee íñɨ́ rává kúkuéntú rává jín Jesús.

Mateo 28:3

Jee jiánu̱te̱ꞌ‑e kuéntáꞌ jiánu̱te̱ꞌ tajia, jee máá kuíjín kuéntáꞌ íyó yuꞌveꞌ víjin íyó saꞌma ñúꞌún‑u.

Marcos 9:3

Jee rá saꞌma re̱ꞌ ñanu̱te̱ꞌ, jee máá yaa nasɨ́kuitɨꞌ nnuvi ráa. Jee ni ɨɨn ñɨvɨ ñɨ̱vɨ́, ya̱ nákete saꞌma, ni nkénta saꞌá‑a yaa saꞌma sukuán.

Lucas 9:29

Jee ni káꞌánꞌ Jesús jín Ndiosíꞌ, jee sɨ́ɨ́n nsama nnatu̱vi nu̱u̱nꞌ re̱ꞌ, jee saꞌma re̱ꞌ nnuvi‑i máá kuíjín nijia ne̱ jiánu̱te̱ꞌ‑e.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

Apoclipsis 10:1

Jee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ váji nkuun ne̱ súkún, jee níso‑o fesáꞌ ííꞌ, jee yɨ́sukunꞌ vi̱ko̱ꞌ maa, jee yósóꞌ ko̱ye̱ꞌlé xi̱ni̱ꞌ‑i. Jee nu̱u̱nꞌ‑u jiánu̱te̱ꞌ kuéntáꞌ nka̱niiꞌ, jee rá jie̱ꞌe̱ꞌ‑e íyó kuéntáꞌ rá nekaꞌ ya̱ íyó kuéntáꞌ ñuꞌunꞌ.

Apoclipsis 20:11

Jee niniꞌ ni̱ꞌ ɨɨn teyuꞌ kuíjín kúñáꞌnú nu̱u̱nꞌ kuna̱a̱ꞌ tiñu. Jee yukuán nééꞌ Ndiosíꞌ ya̱ tátúníꞌ re̱ꞌ tiñu. Jee nkuiyo ñɨ̱vɨ́ jín súkún nu̱u̱nꞌ re̱ꞌ. Chi ntu̱ví ka̱ꞌ né núꞌ koo ráa nu̱u̱nꞌ re̱ꞌ.