Mateo 16:12 - Mixteco del suroeste de Tlaxiaco Oaxaca

¹² Saájee ña̱ku̱ꞌun iniꞌ ráa ya̱ nsáꞌ nkachiꞌ Jesús ya̱ kumí ráa maáráa nu̱u̱nꞌ yuchi levadura ya̱ yɨ́ꞌɨ́ i̱xta̱tíláꞌ. Chisaꞌ kumí ráa maáráa nu̱u̱nꞌ rá tu̱ꞌun ya̱ xínéꞌénꞌ rá te̱e fariseo jín rá saduceo.

Mateo 16:12 Iomraidhean Croise

Mateo 16:11

Jee, ¿na̱ jie̱ꞌe̱ꞌ chi ntu ñáku̱ꞌun iniꞌ rán ya̱ nsú jie̱ꞌe̱ꞌ i̱xta̱tíláꞌ vá nkaꞌanꞌ ni̱ꞌ, sáá nkachiꞌ ni̱ꞌ ya̱ kumí rán maárán nu̱u̱nꞌ levadura rá te̱e ñujiínꞌ fariseo jín ñujiínꞌ saduceo? ―nkachiꞌ Jesús.

Mateo 3:7

Soo sáá niniꞌ re̱ꞌ ya̱ kénta kue̱ꞌe̱ꞌ víꞌí rá te̱e yɨ́ꞌɨ́ ñujiínꞌ fariseo jín rá te̱e yɨ́ꞌɨ́ ñujiínꞌ saduceo nu̱u̱nꞌ síkuánuté re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó, kuéntáꞌ tataꞌ ko̱o̱ꞌ xe̱e̱nꞌ kúvi rán. ¿Né ɨɨn nxtúꞌva ya̱chi̱ꞌ nu̱u̱nꞌ rán, ya̱ kene kunu rán ka̱ku rán nu̱u̱nꞌ tu̱nóꞌó xéénꞌ kiji ya̱ xinóꞌo Ndiosíꞌ ránoꞌó chi kítɨ́ꞌ iniꞌ re̱ꞌ néꞌyá re̱ꞌ kua̱chi rán rúja?

Mateo 5:20

Chi káchíꞌ ni̱ꞌ nu̱u̱nꞌ rán ya̱ íyó kino̱o na̱a̱ꞌ rán ka̱ꞌ sáni kuíni Ndiosíꞌ nsú káꞌ rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, jín rá te̱e yɨ́ꞌɨ́ ñujiínꞌ fariseo, soo retú ntu̱ví jee ni nsáꞌ ki̱vɨ rán naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ rán.

Hechos 23:8

Chi rá te̱e kúvi saduceo káchíꞌ ráa ya̱ ntu̱ví nátekuꞌ i̱i̱ꞌ rá níyɨ, ni ntu̱ví najiáꞌáꞌ ííꞌ Ndiosíꞌ, ni ta̱chi̱ꞌ káꞌánꞌ. Soo rá fariseo ínúꞌ iniꞌ ráa nɨꞌɨ yaꞌá.

1 Corintios 5:6

Ntu̱ví íyó va̱ꞌa ya̱ káꞌánꞌ téyɨ́ɨ́ rán, chi, ¿á ntu jíníꞌ rán ya̱ “sú máá lúlí ni levadura chíꞌi‑ó ñujien, jee náa nɨꞌɨ ñujien vá sáꞌá‑a” résa?