Mateo 15:3 - Mixteco del suroeste de Tlaxiaco Oaxaca

³ Saájee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Jee, ¿na̱ kuvi chi suni ránoꞌó, jee suni ntu káníjiá rán rá tu̱ꞌun ya̱ nta̱túníꞌ Ndiosíꞌ rúja? Chisaꞌ rá costumbre maárán níkɨ́nꞌ rán káníjiá rán.

Mateo 15:3 Iomraidhean Croise

Mateo 15:2

―¿Na̱ kuvi chi rá te̱e súkuáꞌa nú ntu káníjiá ráa rá ñujiínꞌ rá jííꞌ yanaꞌán? Chi ni ntu̱ví nánaꞌá ráa sáá yájíꞌ ráa ―nkachiꞌ rá te̱e vá.

Mateo 15:4

Chi nkachiꞌ Ndiosíꞌ: “Sáñáꞌnú nú nu̱u̱nꞌ tátáꞌ nú jín nu̱u̱nꞌ nánáꞌ nú.” Jee, “Ɨɨn ñɨvɨ ya̱ chísónínu‑u tátáꞌ‑a áxí nánáꞌ‑a, jee íyó kuviꞌ‑i.”

Marcos 7:13

Sukuán síjíta rán Tu̱ꞌun Ndiosíꞌ, chi síkúnkuvi rán ñujiínꞌ sáꞌá rán, jee jiáꞌa rán maa nu̱u̱nꞌ rá se̱ꞌya rán. Jee suni kue̱ꞌe̱ꞌ rá tiñu kúnkunuún sukuán sáꞌá rán ka̱ꞌ ―nkachiꞌ Jesús.

Colosenses 2:23

Jee jiáni iniꞌ ñɨvɨ ya̱ tu̱ꞌun níchí ví tu̱ꞌun yukuán, chi yɨ́tíñú ráa síkúnkuvi ráa maa sáva néñu̱ꞌun ni̱ꞌin ráa Ndiosíꞌ sáni kuíni ráa, jín ya̱ xtúvi láꞌví iniꞌ ráa, jín ya̱ xínóꞌo ráa yɨkɨkúñu ráa. Soo ntu̱náꞌ nu̱u̱nꞌ íyótiñu rá yukuán sáva kasɨꞌ‑ɨ nu̱u̱nꞌ ya̱ níyo néꞌén iniꞌ ráa saꞌá ráa jín yɨkɨkúñu kua̱chi ráa.

Colosenses 2:8

Nito koo rán maárán ya̱ ntɨ́ɨn ñɨvɨ ránoꞌó, ya̱ sijínúꞌ ráa iniꞌ rán jín tu̱ꞌun váji xi̱ni̱ꞌ maáráa, jín tu̱ꞌun ka̱ꞌá ya̱ xínáꞌví. Chi rá tu̱ꞌun yukuán kétáꞌán jín rá ñujiínꞌ va̱ji ya̱ta̱ꞌ, ya̱ kétáꞌán jín rá costumbre xínéꞌénꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa naꞌá Cristo. Jee ntu kétáꞌán rá tu̱ꞌun vá jín tu̱ꞌun jie̱ꞌe̱ꞌ Cristo.

Tito 1:14

jee sáva nsáꞌá ráa kuéntáꞌ rá kuentúꞌ yanaꞌán ya̱ sátúꞌún rá ñɨvɨ Israel, jee sáva nsáꞌá ráa kuéntáꞌ rá tu̱ꞌun ya̱ tátúníꞌ kua̱chi rá ñɨvɨ ni ya̱ nákuíñɨꞌ yátá ráa nu̱u̱nꞌ tu̱ꞌun na̱a̱ꞌ.