Mateo 13:3 - Mixteco del suroeste de Tlaxiaco Oaxaca

³ Jee nkachiꞌ re̱ꞌ kue̱ꞌe̱ꞌ tu̱ꞌun jín tu̱ꞌun kúnkunuún káꞌánꞌ, jee nkachiꞌ re̱ꞌ: ―¡Teso̱ꞌo rán! Ɨɨn te̱e jiákɨ́nꞌ tataꞌ sáꞌá nkene re̱ꞌ kua̱kakɨnꞌ re̱ꞌ nikɨn tataꞌ.

Mateo 13:3 Iomraidhean Croise

Mateo 13:4

Jee sáá xínáváꞌ‑a nikɨn tataꞌ nu̱u̱nꞌ ñu̱ꞌún, jee sava rá nikɨn tataꞌ ñe̱te̱ꞌ yuíchí, jee nkenta rá saaꞌ jee nyajiꞌ rátíꞌ maa.

Mateo 13:53

Jee sáá nnɨꞌɨ nkachiꞌ Jesús rá tu̱ꞌun kúnkunuún vá, jee nkene re̱ꞌ kua̱ꞌa̱nꞌ re̱ꞌ yukuán,

Mateo 22:1

Jee nkaꞌanꞌ tuku Jesús inka ka̱ꞌ tu̱ꞌun kúnkunuún, jee nkachiꞌ re̱ꞌ nu̱u̱nꞌ ráa:

Mateo 24:32

’Kutu̱ꞌva rán ya̱ xínéꞌénꞌ tu̱ꞌun kúnkunuún káꞌánꞌ jie̱ꞌe̱ꞌ yutun higo: Sáá ya núyúté rá naꞌá yutun‑u, jee néneyúté rá naꞌá yu̱ku̱ꞌ‑u, jee ya jíníꞌ rán ya̱ ya va̱ji nku̱yatin rá yo̱o̱ꞌ tiempúꞌ sááꞌ.

Marcos 12:1

I̱ña̱jée nka̱jiéꞌé Jesús nna̱kani re̱ꞌ tu̱ꞌun ya̱ kúnkunuún káꞌánꞌ tu̱ꞌun vá nu̱u̱nꞌ ráa, jee nkachiꞌ‑i: ―Ɨɨn te̱e ntee re̱ꞌ rá yokúꞌúꞌ uva. Jee ñasɨꞌ re̱ꞌ kuráꞌ nu̱u̱nꞌ káá rá yokúꞌúꞌ uva vá. Jee ntu̱fí re̱ꞌ nu̱u̱nꞌ yu̱u̱ꞌ nu̱u̱nꞌ kuꞌni ráa uva. Jee nsa̱ꞌá re̱ꞌ ɨɨn veꞌi súkún, sáva kumí ráa nu̱u̱nꞌ káá tataꞌ uva. Jee kuíre njia̱núún re̱ꞌ ñuꞌun vá nu̱u̱nꞌ rá te̱e satíñú maa, jee nkene íká re̱ꞌ kua̱ꞌa̱nꞌ re̱ꞌ.

Marcos 12:12

I̱ña̱jée rá su̱tu̱ꞌ kúñáꞌnú jín rá te̱e xínéꞌénꞌ tu̱ꞌun nta̱túníꞌ Ndiosíꞌ yanaꞌán nnu̱kú ráa kɨ̱tɨɨn ráa re̱ꞌ, chi ña̱ku̱ꞌun iniꞌ ráa ya̱ nna̱kani re̱ꞌ tu̱ꞌun kúnkunuún yaꞌá si̱kɨ̱ꞌ ráa. Soo yúꞌví ráa rá ñɨvɨ kue̱ꞌe̱ꞌ. Jee nxi̱nóo ráa re̱ꞌ, jee kua̱ꞌa̱nꞌ ráa.

Marcos 3:23

Jee nkana Jesús rá ñɨvɨ, jee nna̱kani re̱ꞌ ɨɨn tu̱ꞌun, ya̱ kúnkunuún, nu̱u̱nꞌ ráa: ―¿Na̱ja kúvi taníkɨ́nꞌ Satanás maá Satanás rúja?

Marcos 4:13

Jee nkachiꞌ re̱ꞌ nu̱u̱nꞌ ráa: ―¿Á ntu jiáku̱ꞌun iniꞌ rán tu̱ꞌun yaꞌá ya̱ kúnkunuún káꞌánꞌ? ¿Ré ntu̱ví jiáku̱ꞌun iniꞌ rán yaꞌá, na̱ja ki̱ku̱ꞌun iniꞌ rán nɨꞌɨ rá inka ka̱ꞌ tu̱ꞌun ya̱ kúnkunuún káꞌánꞌ rúja?

Marcos 4:33

Kue̱ꞌe̱ꞌ rá tu̱ꞌun ya̱ kúnkunuún káꞌánꞌ suꞌva, nxi̱néꞌénꞌ re̱ꞌ Tu̱ꞌun Ndiosíꞌ nu̱u̱nꞌ ráa, na̱kua̱ꞌ kúvi ki̱ku̱ꞌun iniꞌ ráa.

Lucas 12:41

Saájee nkachiꞌ Pedro: ―I̱toꞌoꞌ, ¿á kua̱chi nu̱u̱nꞌ ránuꞌuꞌ káchíꞌ nú tu̱ꞌun kúnkunuún kaꞌanꞌ yaꞌá áxí suni nu̱u̱nꞌ ne̱ kua̱íyó rá ñɨvɨ ranika̱ꞌ? ―nkachiꞌ Pedro.

Lucas 8:10

Jee nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa. Soo nu̱u̱nꞌ rá inka ka̱ꞌ rá ñɨvɨ káꞌánꞌ ni̱ꞌ rá tu̱ꞌun ya̱ kúnkunuún káꞌánꞌ‑a, sáva súka̱ꞌ néꞌyá ráa [rá tiñu sáꞌá ni̱ꞌ] soo ntu néꞌyá ráa maa, jee súka̱ꞌ tésóꞌo ráa jee ni ntu̱ví jiáku̱ꞌun iniꞌ ráa maa.

Juan 16:25

’Nkachiꞌ ni̱ꞌ nu̱u̱nꞌ rán rá tu̱ꞌun kúnkunuún káꞌánꞌ. Soo kiji rá ki̱vɨ̱ꞌ ya̱ nsáꞌ kaꞌanꞌ ni̱ꞌ ka̱ꞌ jín rán rá tu̱ꞌun kúnkunuún káꞌánꞌ, chisaꞌ kájí ni kachitu̱ꞌún ni̱ꞌ nu̱u̱nꞌ rán tu̱ꞌun jie̱ꞌe̱ꞌ Tátáꞌ ni̱ꞌ.