Mateo 13:12 - Mixteco del suroeste de Tlaxiaco Oaxaca

¹² Chi néni ɨɨn ñɨvɨ ya̱ ntɨɨn tu̱ꞌun váꞌa Ndiosíꞌ, ku̱ꞌva re̱ꞌ ka̱ꞌ ki̱ku̱ꞌun iniꞌ‑i, jee koo kue̱ꞌe̱ꞌ víꞌí ka̱ꞌ ki̱ku̱ꞌun iniꞌ‑i. Soo néni ɨɨn ñɨvɨ ya̱ ntu tɨ́ɨn tu̱ꞌun vá, jee ne̱ tu̱ꞌun ya̱ jiáku̱ꞌun iniꞌ‑i kaneeꞌ re̱ꞌ maa nu̱u̱nꞌ‑u.

Mateo 13:12 Iomraidhean Croise

Mateo 21:43

Jee saáva káchíꞌ ni̱ꞌ nu̱u̱nꞌ rán ya̱ siíyo Ndiosíꞌ ya̱ tatúníꞌ re̱ꞌ nu̱u̱nꞌ rán ya̱ nkúvi ki̱vɨ rán xi̱ntíín re̱ꞌ, jee naku̱ꞌva re̱ꞌ maa nu̱u̱nꞌ inka ñɨvɨ ya̱ sikúnkuvi ráa sáni kuíni re̱ꞌ.

Mateo 25:29

Chi ntáká ñɨvɨ ya̱ ya kúmí‑i jee naku̱ꞌva ka̱ꞌ nu̱u̱nꞌ‑u, jee kumí‑i kue̱ꞌe̱ꞌ víꞌí ka̱ꞌ, soo ñɨvɨ ya̱ ntu kúmí jeesaꞌ kaneeꞌ nɨꞌɨ súka̱ꞌ matíꞌínꞌ kúmí‑i.

Marcos 12:9

’Saájee, ¿ná kúvi ya̱ saꞌá te̱e xí ñuꞌun uva vá rúja? Kiji re̱ꞌ jee xináánꞌ re̱ꞌ rá te̱e sátíñú vá. Jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva vá nu̱u̱nꞌ rá inka ka̱ꞌ ñɨvɨ.

Lucas 10:42

Soo íyó métúꞌún ɨɨn jie̱ꞌe̱ꞌ jíniñúꞌún ñɨvɨ, chi María jee nka̱ji ña máá tiñu váꞌa ka̱ꞌ máá ñáꞌnú ka̱ꞌ, jee ntu̱náꞌ yó kaneeꞌ maa nu̱u̱nꞌ ña ―nkachiꞌ Jesús.

Lucas 12:48

Soo ñɨvɨ ya̱ ntu jíníꞌ‑i tiñu kuíni i̱toꞌoꞌ‑o, soo saꞌá‑a tiñu ya̱ íyó ni̱ꞌi̱nꞌ‑i kɨꞌɨ tu̱xíi maa, jee yakuꞌ ni kɨꞌɨ tu̱xíi maa. Soo ntáká ñɨvɨ ya̱ níꞌin víꞌí ya̱ njiáꞌa Ndiosíꞌ jee kuneeꞌ uꞌvi re̱ꞌ maa saꞌá víꞌí‑i ka̱ꞌ. Jee ñɨvɨ ya̱ níꞌin‑i víꞌí ya̱ chiꞌi Ndiosíꞌ xi̱ntíín‑i jee víꞌí ka̱ꞌ na̱ka̱nꞌ re̱ꞌ ka̱ꞌ nu̱u̱nꞌ‑u saꞌá‑a ―nkachiꞌ Jesús.

Lucas 16:2

Saájee nkana re̱ꞌ musúꞌ re̱ꞌ vá, jee nkachiꞌ re̱ꞌ nu̱u̱nꞌ‑u: “¿Ná kúvi rá tiñu yaꞌá ya̱ tésóꞌo ni̱ꞌ jie̱ꞌe̱ꞌ nú? Nataji nú kuéntáꞌ nu̱u̱nꞌ ni̱ꞌ jie̱ꞌe̱ꞌ tiñu níso nú, chi nsáꞌ kunisotíñú nú ka̱ꞌ nu̱u̱nꞌ rá tiñu sáꞌá ni̱ꞌ”, nkachiꞌ re̱ꞌ.

Lucas 16:25

’Soo nkachiꞌ Abraham nu̱u̱nꞌ re̱ꞌ: “Se̱ꞌya, naku̱ꞌun iniꞌ nú ya̱ nni̱ꞌi̱nꞌ nú rá váꞌa nú sáá ntekuꞌ nú iniꞌ ñɨ̱vɨ́, soo Lázaro chi nni̱ꞌi̱nꞌ re̱ꞌ rá niváꞌa. Soo vitan jee nániꞌinꞌ neí iniꞌ re̱ꞌ yaꞌá, jee noꞌó chi nóꞌo nú.

Lucas 8:18

Saáva tɨɨn kuéntáꞌ va̱ꞌa rán Tu̱ꞌun Ndiosíꞌ ya̱ tésóꞌo rán. Néni ɨɨn ñɨvɨ ya̱ tɨ́ɨn tu̱ꞌun váꞌa Ndiosíꞌ, ku̱ꞌva re̱ꞌ ka̱ꞌ ki̱ku̱ꞌun iniꞌ‑i. Soo néni ɨɨn ñɨvɨ ya̱ ntu tɨ́ɨn tu̱ꞌun vá, jee ne̱ tu̱ꞌun ya̱ jiáni iniꞌ‑i ya̱ jiáku̱ꞌun iniꞌ‑i kaneeꞌ re̱ꞌ maa nu̱u̱nꞌ‑u ―nkachiꞌ Jesús.

Lucas 9:26

Chi néni ɨɨn ñɨvɨ ya̱ kúkanuun‑u jie̱ꞌe̱ꞌ nuꞌuꞌ jín jie̱ꞌe̱ꞌ tu̱ꞌun ni̱ꞌ, jee suni maáníꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kukanuun ni̱ꞌ jie̱ꞌe̱ꞌ ñɨvɨ vá, sáá niji ni̱ꞌ va̱ne̱ꞌ tu̱u̱nꞌ nasɨ́kuitɨꞌ ya̱ maa viiꞌ kúñáꞌnú ni̱ꞌ jín Tátáꞌ ni̱ꞌ Ndiosíꞌ, jín rá najiáꞌáꞌ ííꞌ re̱ꞌ.

Santiago 4:6

Soo saꞌ víꞌí káꞌ chíneí Ndiosíꞌ yó jie̱ꞌe̱ꞌ ya̱ íyó ma̱ni̱ꞌ iniꞌ re̱ꞌ néꞌyá re̱ꞌ yó, saáva káchíꞌ Tu̱ꞌun Ndiosíꞌ níso nu̱u̱nꞌ Tutuꞌ: “Ndiosíꞌ, núníꞌin re̱ꞌ si̱kɨ̱ꞌ rá ñɨvɨ kútéyɨ́ɨ́, soo íyó mániꞌ iniꞌ re̱ꞌ néꞌyá re̱ꞌ rá ñɨvɨ jiáni láꞌví iniꞌ ya̱ chíneí chituvi re̱ꞌ ráa.”

Apoclipsis 2:5

Saáva íyó naku̱ꞌun iniꞌ rán ya̱ ntántúníꞌ ñúnúunꞌ víꞌí rán nékúvi soo nkininkava rán ya̱ ntu ñúnúunꞌ rán ka̱ꞌ kua̱ꞌ nékúvi. Íyó nakani iniꞌ rán jee saꞌá rán tiñu sánikua̱ꞌ nsa̱ꞌá rán ya̱ ñúnúunꞌ víꞌí rán ne̱ rá tiempúꞌ va̱ji ya̱ta̱ꞌ sáá nka̱jiéꞌé ni̱nu̱ꞌ iniꞌ rán xíꞌnañúꞌún. Chi retú ntu̱ví, jee kenta ni̱ꞌ jee siíyo ni̱ꞌ kantilerúꞌ ránoꞌó sáva nsáꞌ kuvi rán grupo ni̱ꞌ ka̱ꞌ.