Mateo 13:11 - Mixteco del suroeste de Tlaxiaco Oaxaca

¹¹ Saájee nna̱xiníkó re̱ꞌ nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa ya̱ nééꞌ re̱ꞌ antivɨ́ súkún. Soo nu̱u̱nꞌ rá inka ka̱ꞌ ntu̱ví njiáꞌa re̱ꞌ maa.

Mateo 13:11 Iomraidhean Croise

Mateo 13:10

Saájee rá te̱e súkuáꞌa Jesús ráa, ña̱kuyatin ráa nu̱u̱nꞌ re̱ꞌ, jee nkachiꞌ ráa: ―¿Na̱ kuvi chi káꞌánꞌ nú jín rá ñɨvɨ tu̱ꞌun ya̱ kúnkunuún káꞌánꞌ‑a?

Mateo 16:17

Saájee nkachiꞌ Jesús: ―Na̱ ka̱ꞌ netuꞌ ka̱ꞌ kúvi nú Simón, se̱ꞌya Jonás, chi ni ɨɨn ñɨvɨ ñunéꞌyúꞌ ntu̱ví nstúvi maa nu̱u̱nꞌ nú, chisaꞌ máá Tátáꞌ ni̱ꞌ Ndiosíꞌ ya̱ nééꞌ re̱ꞌ antivɨ́ súkún, ví ya̱ nstúvi maa nu̱u̱nꞌ noꞌó.

Mateo 19:11

Soo nkachiꞌ Jesús nu̱u̱nꞌ ráa: ―Nsú nɨꞌɨ ñɨvɨ kuvi tɨɨn ráa tiñu ya̱ nkachiꞌ ni̱ꞌ, chisaꞌ sáni rá ñɨvɨ ya̱ jiáꞌa Ndiosíꞌ nu̱u̱nꞌ ráa ya̱ kuvi tɨɨn ráa maa.

Mateo 20:23

Saájee nkachiꞌ Jesús nu̱u̱nꞌ ráa: ―Ya̱ nááꞌ ví nijia ya̱ kunoꞌo ni̱ꞌ, jín suni kunoꞌo rán kuéntáꞌ kunoꞌo ni̱ꞌ, [jee kunoꞌo rán tu̱nóꞌó kuanuté rán kuéntáꞌ kunoꞌo ni̱ꞌ tu̱nóꞌó kuanuté ni̱ꞌ], soo rá ñɨvɨ ya̱ kuneeꞌ xiín ichi kuáꞌá ni̱ꞌ jín ichi sátín ni̱ꞌ, nsú nuꞌuꞌ ví ya̱ ku̱ꞌva maa nu̱u̱nꞌ ñɨvɨ, chisaꞌ Tátáꞌ ni̱ꞌ Ndiosíꞌ ya nsa̱túꞌva re̱ꞌ maa sáva ku̱ꞌva re̱ꞌ maa nu̱u̱nꞌ rá ñɨvɨ nka̱ji re̱ꞌ kuneeꞌ maa ―nkachiꞌ Jesús.

Marcos 10:40

Soo rá ñɨvɨ ya̱ kuneeꞌ xiín ichi kuáꞌá ni̱ꞌ áxí ichi sátín ni̱ꞌ, nsú nuꞌuꞌ ví ya̱ ku̱ꞌva maa nu̱u̱nꞌ ñɨvɨ. Chisaꞌ Ndiosíꞌ ya nsa̱túꞌva maa sáva ku̱ꞌva re̱ꞌ maa nu̱u̱nꞌ ñɨvɨ ya̱ nka̱ji re̱ꞌ kuneeꞌ maa ―nkachiꞌ Jesús nu̱u̱nꞌ ráa.

Marcos 4:11

Jee nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ tu̱ꞌun re̱ꞌ ya̱ nyɨse̱ꞌí, jie̱ꞌe̱ꞌ ya̱ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa. Soo nu̱u̱nꞌ rá inka ka̱ꞌ ñɨvɨ, ntáká tu̱ꞌun jiáꞌa‑a nu̱u̱nꞌ ráa kúvi tu̱ꞌun ya̱ kúnkunuún káꞌánꞌ‑a,

Lucas 8:10

Jee nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa. Soo nu̱u̱nꞌ rá inka ka̱ꞌ rá ñɨvɨ káꞌánꞌ ni̱ꞌ rá tu̱ꞌun ya̱ kúnkunuún káꞌánꞌ‑a, sáva súka̱ꞌ néꞌyá ráa [rá tiñu sáꞌá ni̱ꞌ] soo ntu néꞌyá ráa maa, jee súka̱ꞌ tésóꞌo ráa jee ni ntu̱ví jiáku̱ꞌun iniꞌ ráa maa.

Juan 6:65

Jee nkachiꞌ re̱ꞌ: ―Saáva nkachiꞌ ni̱ꞌ nu̱u̱nꞌ rán ya̱ ni ɨɨn ñɨvɨ nkúvi natuꞌva‑a nu̱u̱nꞌ nuꞌuꞌ, retú nsáꞌ jiáꞌa Tátáꞌ ni̱ꞌ nu̱u̱nꞌ ñɨvɨ vá ya̱ natuꞌva‑a nu̱u̱nꞌ ni̱ꞌ ―nkachiꞌ Jesús.

Juan 7:17

Jee retú na̱ni ñɨvɨ kuíni‑i saꞌá‑a tiñu ya̱ kuíni máá Ndiosíꞌ, jee kuniꞌ ñɨvɨ vá jie̱ꞌe̱ꞌ tu̱ꞌun káchíꞌ ni̱ꞌ, chi kuniꞌ‑i retú va̱ji ne̱ nu̱u̱nꞌ Ndiosíꞌ tu̱ꞌun káchíꞌ ni̱ꞌ, áxí retú va̱ji ne̱ nu̱u̱nꞌ nuꞌuꞌ.

Hechos 16:14

Ɨɨn rá ñaꞌan vá naní Lidia. Xíkó ña saꞌma líꞌí nééꞌ ya̱ꞌvi. Va̱ji ña ne̱ ñuunꞌ Tiatira. Néñu̱ꞌun ña Ndiosíꞌ. Jee tésóꞌo ña, jee nsa̱ꞌá I̱toꞌoꞌ‑ó nkajiaꞌ iniꞌ ña ya̱ ntɨɨn ña rá tu̱ꞌun ya̱ nkachiꞌ Pablo.

Romanos 11:25

Ránoꞌó ñanitáꞌán, kuíni ni̱ꞌ ya̱ kukáꞌnú iniꞌ rán tu̱ꞌun yaꞌá ya̱ ni̱yo yuꞌuꞌ‑u soo nstúvi Ndiosíꞌ maa nu̱u̱nꞌ‑ó. Kuíni ni̱ꞌ ya̱ kuniꞌ rán tu̱ꞌun yaꞌá, sáva nkútéyɨ́ɨ́ rán kani iniꞌ rán ya̱ níchí xi̱ni̱ꞌ rán. Chi nkuna̱a̱ꞌ iniꞌ Ndiosíꞌ ya̱ sava rá ñɨvɨ ya̱ ntu kúvi ñɨvɨ Israel kuneí iniꞌ ráa Cristo. Jee tu̱ꞌun yuꞌuꞌ vá kúvi ya̱ nkuni̱ꞌin ánímaꞌ sava rá ñɨvɨ ñuunꞌ Israel, ne̱kua̱ꞌ nɨꞌɨ rá ñɨvɨ ntu kúvi ñɨvɨ Israel ki̱vɨ ráa xi̱ntíín Ndiosíꞌ saá váji kuneí iniꞌ ráa Cristo.

Romanos 16:25

Jee vitan jee nákuetúꞌún‑ó Ndiosíꞌ. Maáréꞌ kúvi sáꞌá re̱ꞌ ya̱ kuiñɨ ni̱ꞌin rán nu̱u̱nꞌ tu̱ꞌun váꞌa ya̱ síkáku Cristo yó, ya̱ stékútu̱ꞌún ni̱ꞌ. Jee kúvi tu̱ꞌun vá ya̱ tékútu̱ꞌún jie̱ꞌe̱ꞌ Jesús ya̱ kúvi Cristo nu̱u̱nꞌ ránoꞌó ya̱ kúvi sánikua̱ꞌ nstúvi Ndiosíꞌ tu̱ꞌun vá ya̱ nyɨse̱ꞌí tu̱ꞌun yaꞌá ne̱ tiempúꞌ yanaꞌán, nékúvi.

1 Corintios 13:2

Jee retánꞌ kúvi nakani ni̱ꞌ tu̱ꞌun kéne yuꞌú máá maá Ndiosíꞌ, jín retánꞌ jíníꞌ va̱ꞌa ni̱ꞌ ntáká rá tu̱ꞌun yɨ́yuꞌuꞌ re̱ꞌ, jín retánꞌ jíníꞌ ni̱ꞌ kua̱íyó ya̱ íyó, jee retánꞌ kúneí nasɨ́kuitɨꞌ nijia iniꞌ ni̱ꞌ Ndiosíꞌ ne̱ kuvi tatúníꞌ ni̱ꞌ nu̱u̱nꞌ ɨɨn yuku ya̱ kuiyo‑o nu̱u̱nꞌ íñɨ́‑ɨ jee kuiyo‑o, soo retú ntu̱ví ñúnúunꞌ ni̱ꞌ rá ñɨvɨ, saájee ntu̱náꞌ tiñu kuitɨꞌ ni̱ꞌ.

1 Corintios 15:51

Teso̱ꞌo rán, chi káchíꞌ ni̱ꞌ nu̱u̱nꞌ rán ɨɨn tu̱ꞌun ya̱ nyɨ́ꞌɨ se̱ꞌí ya̱ nñúꞌun yuꞌú iniꞌ Ndiosíꞌ, ya̱ nsú ntáká‑ó vá kuviꞌ‑ó, soo ntáká‑ó vá nasama Ndiosíꞌ yɨkɨkúñu‑ó.

1 Corintios 2:14

Soo ñɨvɨ ya̱ ntu̱ví íyó jín Ta̱chi̱ꞌ Ííꞌ Ndiosíꞌ jee ntu̱ví tɨ́ɨn ráa tu̱ꞌun váji nu̱u̱nꞌ Ta̱chi̱ꞌ Ííꞌ re̱ꞌ, chi káꞌvi iniꞌ ñɨvɨ vá ya̱ tu̱ꞌun naanꞌ ni ví‑i, jee saáva ntu̱ví kúvi ki̱ku̱ꞌun iniꞌ‑i tu̱ꞌun vá, chi ntu̱ví íyó‑o jín Ta̱chi̱ꞌ Ííꞌ ya̱ sáꞌá ya̱ ki̱ku̱ꞌun iniꞌ‑ó maa.

1 Corintios 2:7

Soo káꞌánꞌ ráníꞌ tu̱ꞌun níchí ya̱ váji nu̱u̱nꞌ maá Ndiosíꞌ ya̱ níyo yuꞌuꞌ, ya̱ nyɨ̱yuꞌuꞌ‑u, jee ne̱ ntiáꞌan ka̱ꞌ kiko̱o ñɨ̱vɨ́ yaꞌá nkuna̱a̱ꞌ iniꞌ Ndiosíꞌ sikúnkuvi re̱ꞌ maa, sáva saꞌá tu̱ꞌun vá ya̱ kutekuꞌ‑ó kuñáꞌnú‑ó nɨ́ɨ́nkání jín re̱ꞌ.

1 Corintios 4:1

Saáva ránuꞌuꞌ jee tɨɨn kuéntáꞌ ránú ya̱ musúꞌ ni kúvi ránuꞌuꞌ nu̱u̱nꞌ Cristo ya̱ nte̱tíñú re̱ꞌ ránuꞌuꞌ sáva néen kuéntáꞌ ráníꞌ tiñu re̱ꞌ sáva xínéꞌénꞌ ránꞌ Tu̱ꞌun Ndiosíꞌ ya̱ nyɨ̱yuꞌuꞌ nékúvi.

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

Efesios 1:18

Jee suni jíkánꞌ táꞌvíꞌ ni̱ꞌ ya̱ stúúnꞌ Ndiosíꞌ antúníꞌ rán sáva kuniꞌ rán jie̱ꞌe̱ꞌ ná kúvi ta̱ꞌvi̱ꞌ ya̱ nétu rán íyó tu̱neí iniꞌ rán ni̱ꞌi̱nꞌ rán. Jie̱ꞌe̱ꞌ ta̱ꞌvi̱ꞌ vá nkana re̱ꞌ yó sáva ni̱ꞌi̱nꞌ‑ó maa, ya̱ kúvi ta̱ꞌvi̱ꞌ máá yɨ́yáꞌvi máá viiꞌ kúñáꞌnú ya̱ taji re̱ꞌ nu̱u̱nꞌ‑ó, ya̱ kúvi‑ó ñɨvɨ ya̱ nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Cristo.

Efesios 1:9

Jee nsa̱ꞌá re̱ꞌ ya̱ kukáꞌnú iniꞌ‑ó tu̱ꞌun yuꞌuꞌ ya̱ nyɨse̱ꞌí‑i nékúvi, jie̱ꞌe̱ꞌ ya̱ kuíni re̱ꞌ saꞌá re̱ꞌ sánikua̱ꞌ kúváꞌa iniꞌ re̱ꞌ saꞌá re̱ꞌ ya̱ nkuna̱a̱ꞌ ya̱chi̱ꞌ iniꞌ re̱ꞌ saꞌá re̱ꞌ jie̱ꞌe̱ꞌ ya̱ saꞌá Cristo.

Efesios 5:32

Jee tu̱ꞌun kúñáꞌnú nasɨ́kuitɨꞌ ka̱ꞌ kúvi tu̱ꞌun nyɨse̱ꞌí vá, chi káꞌánꞌ ni̱ꞌ tu̱ꞌun yaꞌá jie̱ꞌe̱ꞌ ɨɨn ni kúvi Cristo jín maáórán ya̱ kúneí iniꞌ‑ó re̱ꞌ.

Efesios 6:19

Jee ka̱ka̱nꞌ táꞌvíꞌ rán jie̱ꞌe̱ꞌ nuꞌuꞌ, sáva taji ka̱ꞌ Ndiosíꞌ tu̱ꞌun nu̱u̱nꞌ ni̱ꞌ sáá kachiꞌ ni̱ꞌ, jee sáva nuneí ka̱ꞌ iniꞌ ni̱ꞌ kachitu̱ꞌún ni̱ꞌ nu̱u̱nꞌ rá ñɨvɨ tu̱ꞌun váꞌa jie̱ꞌe̱ꞌ Cristo ya̱ nyɨ̱yuꞌuꞌ nékúvi.

Colosenses 2:2

Sáꞌá ni̱ꞌ suꞌva sáva nuneí iniꞌ ánímaꞌ rá ñaniꞌ vá, jín sáva nuún koo iniꞌ ráa jie̱ꞌe̱ꞌ ñúnúunꞌ ráa ɨɨn inka rá táꞌán ráa. Jee sáva kuéntáꞌ kukúká ráa ya̱ kino̱o kutú ánímaꞌ ráa, jie̱ꞌe̱ꞌ ki̱ku̱ꞌun iniꞌ ráa Tu̱ꞌun Ndiosíꞌ, sáva kuniꞌ ráa tu̱ꞌun re̱ꞌ ya̱ nyɨ́ꞌɨ se̱ꞌí ne̱ yanaꞌán nékúvi, jee jie̱ꞌe̱ꞌ maá Cristo ví tu̱ꞌun vá.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

1 Timoteo 3:9

Jee kueꞌnu na̱a̱ꞌ ráa, sáva kuniꞌ ráa ya̱ ntu níso kua̱chi si̱kɨ̱ꞌ ráa, sáá kuiñɨ ni̱ꞌin ráa jín tu̱ꞌun yuꞌuꞌ jie̱ꞌe̱ꞌ Cristo, ya̱ kúneí iniꞌ‑ó, ya̱ sukuán nstúvi Ndiosíꞌ nu̱u̱nꞌ ñɨvɨ.

Santiago 1:5

Soo retú néni ɨɨn ránoꞌó kúmániꞌ ta̱nɨ̱ꞌ xi̱ni̱ꞌ‑i, ka̱ka̱nꞌ maa nu̱u̱nꞌ Ndiosíꞌ, jee ku̱ꞌva re̱ꞌ maa nu̱u̱nꞌ‑u. Chi ntu ñúkúꞌvá iniꞌ re̱ꞌ jiáꞌa re̱ꞌ maa nu̱u̱nꞌ nɨꞌɨ ñɨvɨ, jee ni ntu násóyu̱ꞌú re̱ꞌ nu̱u̱nꞌ ñɨvɨ vá jie̱ꞌe̱ꞌ ya̱ jíkánꞌ maa.

1 Juan 2:20

Soo ránoꞌó chi nni̱ꞌi̱nꞌ rán Ta̱chi̱ꞌ Ííꞌ Ndiosíꞌ yɨ́ꞌɨ́‑ɨ iniꞌ rán, ya̱ táji Cristo ya̱ ííꞌ kúvi re̱ꞌ, jee saáva jíníꞌ nta̱ká rán ya̱ naáꞌ.

1 Juan 2:27

Soo ránoꞌó chi Ta̱chi̱ꞌ Ííꞌ ya̱ nníꞌinꞌ rán nu̱u̱nꞌ Jesús kínóo kutú‑u iniꞌ ránoꞌó. Jee saáva ntu̱ví jíniñúꞌún rán ya̱ xinéꞌénꞌ ni ɨɨn ñɨvɨ ránoꞌó [inka tu̱ꞌun], chi máá Ta̱chi̱ꞌ Ííꞌ re̱ꞌ xínéꞌénꞌ ránoꞌó nta̱ká tiñu. Jee na̱a̱ꞌ re̱ꞌ, jee ntu túꞌún re̱ꞌ. Saájee kino̱o kutú rán kɨꞌɨ rán nu̱u̱nꞌ Cristo, sánikua̱ꞌ ya̱ nxi̱néꞌénꞌ Ta̱chi̱ꞌ Ííꞌ ránoꞌó.