Mateo 12:7 - Mixteco del suroeste de Tlaxiaco Oaxaca

⁷ Soo ntu jiáku̱ꞌun iniꞌ rán ná kúníꞌ káchíꞌ tu̱ꞌun yaꞌá, ya̱ níso nu̱u̱nꞌ Tutuꞌ Ííꞌ, ya̱ nkachiꞌ Ndiosíꞌ: “Kuíni ni̱ꞌ ya̱ kunáꞌví iniꞌ rán ñanitáꞌán rán, jee nsú ya̱ so̱ko̱ꞌ rán rá sa̱na̱ꞌ nu̱u̱nꞌ ni̱ꞌ”, nkachiꞌ re̱ꞌ, jee saáva retánꞌ jiáku̱ꞌun iniꞌ rán tu̱ꞌun vá, jee ya̱ ntu̱ví ka̱ꞌ síjíta rán si̱kɨ̱ꞌ ñɨvɨ ya̱ ntu̱náꞌ kua̱chi‑i íyó.

Mateo 12:7 Iomraidhean Croise

Mateo 22:29

Saájee nkachiꞌ Jesús nu̱u̱nꞌ ráa: ―Na̱ ka̱ꞌ naanꞌ ka̱ꞌ jiáni iniꞌ rán, chi ntu jiáku̱ꞌun iniꞌ rán ni Tu̱ꞌun Ndiosíꞌ ya̱ níso nu̱u̱nꞌ Tutuꞌ, ni jín jie̱ꞌe̱ꞌ fuersáꞌ ííꞌ níꞌin níso Ndiosíꞌ.

Mateo 9:13

Kuáꞌán rán, jee kutu̱ꞌva rán ná kúníꞌ káchíꞌ tu̱ꞌun yaꞌá ya̱ níso nu̱u̱nꞌ Tutuꞌ Ííꞌ ya̱ káchíꞌ Ndiosíꞌ suꞌva: “Kuíni ni̱ꞌ ya̱ kunáꞌví iniꞌ rán ñanitáꞌán rán, jee nsú ya̱ so̱ko̱ꞌ rán rá sa̱na̱ꞌ nu̱u̱nꞌ ni̱ꞌ.” Chisaꞌ nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ sáva ki̱vɨ ráa nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi sáva nakani iniꞌ ráa jee ki̱vɨ ráa naꞌá Ndiosíꞌ ―nkachiꞌ Jesús.

Marcos 12:33

Jee kunu̱u̱nꞌ‑ó Ndiosíꞌ jín ne̱ nɨꞌɨ ánímaꞌ‑ó, jín ne̱ nɨꞌɨ antúníꞌ‑ó, jín ne̱ nɨꞌɨ iniꞌ‑ó, jín kua neí iniꞌ‑ó. Jee kunu̱u̱nꞌ‑ó rá ñanitáꞌán‑ó kuéntáꞌ ñúnúunꞌ‑ó maáó. Ñáꞌnú ka̱ꞌ rá tu̱ꞌun yukuán nsú káꞌ nɨꞌɨ rá kitɨ téñuꞌunꞌ‑ó sókóꞌ‑ó nu̱u̱nꞌ Ndiosíꞌ jín nɨꞌɨ rá inka nantíñú sókóꞌ‑ó nu̱u̱nꞌ Ndiosíꞌ ―nkachiꞌ mestrúꞌ vá.

Hechos 13:27

Jee rá ñɨvɨ nééꞌ ñuunꞌ Jerusalén jín rá te̱e kúñáꞌnú nu̱u̱nꞌ ráa, ntu nnákuniꞌ ráa ya̱ Jesús ví ya̱ ñani Ndiosíꞌ sáva xinánitáꞌvíꞌ re̱ꞌ yó. Jee ntu ñáku̱ꞌun iniꞌ ráa tu̱ꞌun nkachiꞌ rá te̱e nna̱kani tu̱ꞌun nkene yuꞌú Ndiosíꞌ ya̱ níso nu̱u̱nꞌ Tutuꞌ, sú káꞌvi ráa tu̱ꞌun vá ta rá ki̱vɨ̱ꞌ nájiáví. Sú ntu jíníꞌ ráa ná kúvi ya̱ sáꞌá ráa, nsi̱kúnkuvi ráa ya̱ káchíꞌ tu̱ꞌun vá, sáá nsa̱náaꞌ ráa ya̱ kaꞌniꞌ ráa maa.

Santiago 5:6

Ránoꞌó nsi̱jíta rán ñɨvɨ na̱a̱ꞌ jee ñaꞌniꞌ rán ráa, sú ntu núníꞌin ráa nu̱u̱nꞌ ránoꞌó.