Mateo 11:6 - Mixteco del suroeste de Tlaxiaco Oaxaca

⁶ Jee na̱ ka̱ꞌ netuꞌ ka̱ꞌ kúvi ñɨvɨ ya̱ ntu kúníní iniꞌ‑i jie̱ꞌe̱ꞌ nuꞌuꞌ jee ntu kúsɨ́ɨ́n‑ɨ nu̱u̱nꞌ nuꞌuꞌ ―nkachiꞌ Jesús nu̱u̱nꞌ rá te̱e vá.

Mateo 11:6 Iomraidhean Croise

Mateo 13:21

Soo ntu kúun yoꞌo tu̱ꞌun vá iniꞌ ánímaꞌ‑a, chi ntu kúkutú‑u ntu kúníꞌin‑i jín Tu̱ꞌun Ndiosíꞌ. Jee sáá táꞌánꞌ‑a tu̱nóꞌó, áxí, sáá jíto u̱ꞌvi̱ꞌ rá ñɨvɨ maa jie̱ꞌe̱ꞌ Tu̱ꞌun Ndiosíꞌ, yukuáni jee níkóyátá iniꞌ‑i nu̱u̱nꞌ Tu̱ꞌun Ndiosíꞌ.

Mateo 18:7

¡Na̱ ka̱ꞌ xe̱e̱nꞌ ka̱ꞌ kúvi jín ñɨvɨ ñɨ̱vɨ́ yaꞌá!, chi, ¡íyó víꞌí ya̱ xínínkava‑a nu̱u̱nꞌ kua̱chi! Jee sukuáni íyó maa, soo na̱ ka̱ꞌ náꞌví ka̱ꞌ ɨɨn ñɨvɨ ya̱ retú maáa xinínkava‑a inka ka̱ꞌ táꞌán‑a nu̱u̱nꞌ kua̱chi, [chi xe̱e̱nꞌ kunoꞌo‑o].

Mateo 24:10

Saájee tiempúꞌ yukuán kue̱ꞌe̱ꞌ ñɨvɨ ya̱ kúneí iniꞌ ráa nuꞌuꞌ nikó yátá iniꞌ ráa, ni nsáꞌ kuneí ka̱ꞌ iniꞌ ráa nuꞌuꞌ, jee naku̱ꞌva ráa táꞌán ráa nu̱u̱nꞌ rá te̱e nísotíñú ya̱ xínóꞌo, jee ta̱ꞌvi̱ꞌ iniꞌ ɨɨn inka ráa kune̱ꞌyá ráa táꞌán ráa.

Mateo 26:31

Saájee nkachiꞌ Jesús nu̱u̱nꞌ ráa: ―Ntáká ránoꞌó kininkava nayu̱ꞌví rán jee xinóo métúꞌún rán nuꞌuꞌ yakuááꞌ vitan, chi sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ jee nkachiꞌ re̱ꞌ: Kaꞌniꞌ ni̱ꞌ te̱e náka lanchi, jee kutenuun rá lanchi, káchíꞌ nu̱u̱nꞌ Tutuꞌ Ííꞌ.

Mateo 5:29

’Jee saáva, retú nchinúún kuáꞌá nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa sukuíkó nú maa. Chi va̱ꞌa ka̱ꞌ ví nú ya̱ sukuíkó nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ sukuíkó nɨꞌɨ ñunéꞌyúꞌ nú nu̱u̱nꞌ ñuꞌúnꞌ xéénꞌ.

Marcos 6:3

¿Á nsú te̱e chutáꞌán yutun ví te̱e yaꞌá, rúsa? Jín, ¿á nsú se̱ꞌya María kúvi re̱ꞌ?, jee, ¿á nsú kúvi re̱ꞌ ñaniꞌ Jacobo, José, Judas, jín Simón? Jee, ¿á suni nsáꞌ nééꞌ rá ku̱ꞌva re̱ꞌ yaꞌá nteñu‑ó, rúsa? ―nkachiꞌ rá ñɨvɨ ñuunꞌ yukuán. Saájee nku̱níní iniꞌ ráa jie̱ꞌe̱ꞌ re̱ꞌ.

Lucas 2:34

Jee nkachiꞌ re̱ꞌ ya̱ na̱ ka̱ꞌ saꞌá ka̱ꞌ Ndiosíꞌ ya̱ váꞌa jín ráa, jee nkachiꞌ re̱ꞌ nu̱u̱nꞌ nánáꞌ‑a María: ―Kuniꞌ nú, te̱lúlí yaꞌá saá ya̱ ñani maa va̱ji re̱ꞌ sáva saꞌá re̱ꞌ ya̱ kininkava kue̱ꞌe̱ꞌ víꞌí rá ñɨvɨ ñuunꞌ Israel kɨ̱naanꞌ ráa, jee xináa re̱ꞌ rá kue̱ꞌe̱ꞌ ñɨvɨ ñuunꞌ Israel ya̱ ñúláꞌví iniꞌ ráa. Jee suni maáréꞌ kúvi seña ya̱ nchu̱ichí Ndiosíꞌ stúvi ya̱ nááꞌ, soo súka̱ꞌ sukuán jee nuni̱ꞌin ñɨvɨ nu̱u̱nꞌ re̱ꞌ.

Lucas 7:23

Jee na̱ ka̱ꞌ netuꞌ ka̱ꞌ kúvi ñɨvɨ ya̱ ntu kúníní iniꞌ‑i jie̱ꞌe̱ꞌ nuꞌuꞌ jee ntu kúsɨ́ɨ́n‑ɨ nu̱u̱nꞌ nuꞌuꞌ ―nkachiꞌ Jesús nu̱u̱nꞌ rá te̱e vá.

Juan 16:1

’Nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva nsáꞌ kininkava rán xinóo rán kuneí iniꞌ rán ka̱ꞌ nuꞌuꞌ.

Juan 6:66

Jee ne̱ ki̱vɨ̱ꞌ yukuán jee kue̱ꞌe̱ꞌ ñɨvɨ ya̱ nsu̱kuáꞌa Jesús ráa, nxi̱nóo ráa re̱ꞌ, jee ntu̱ví ka̱ꞌ nku̱táꞌán ráa jín re̱ꞌ.

1 Corintios 2:14

Soo ñɨvɨ ya̱ ntu̱ví íyó jín Ta̱chi̱ꞌ Ííꞌ Ndiosíꞌ jee ntu̱ví tɨ́ɨn ráa tu̱ꞌun váji nu̱u̱nꞌ Ta̱chi̱ꞌ Ííꞌ re̱ꞌ, chi káꞌvi iniꞌ ñɨvɨ vá ya̱ tu̱ꞌun naanꞌ ni ví‑i, jee saáva ntu̱ví kúvi ki̱ku̱ꞌun iniꞌ‑i tu̱ꞌun vá, chi ntu̱ví íyó‑o jín Ta̱chi̱ꞌ Ííꞌ ya̱ sáꞌá ya̱ ki̱ku̱ꞌun iniꞌ‑ó maa.

Gálatas 5:11

Soo, ránoꞌó ñaniꞌ, réáꞌ stékútu̱ꞌún i̱i̱ꞌ ni̱ꞌ, nékúvi, ya̱ íyó sáꞌá circuncidar‑ó, ¿na̱ kuvi chi jíto u̱ꞌvi̱ꞌ i̱i̱ꞌ rá ñɨvɨ ñuunꞌ Israel nuꞌuꞌ? Chi réáꞌ stékútu̱ꞌún i̱i̱ꞌ ni̱ꞌ suꞌva, nékúvi, jee nkóo ka̱ꞌ tu̱ꞌun kuníní ka̱ꞌ iniꞌ ráa, nékúvi, jie̱ꞌe̱ꞌ tu̱ꞌun ya̱ Jesús ni̱ꞌi̱ꞌ nu̱u̱nꞌ kurúsiꞌ sáva saꞌá re̱ꞌ ya̱ nánitáꞌvíꞌ‑ó.

1 Pedro 2:8

Jee suni káchíꞌ nu̱u̱nꞌ Tutuꞌ Ííꞌ: Ɨɨn yu̱u̱ꞌ ya̱ kákɨ́ꞌɨ jie̱ꞌe̱ꞌ ráa, jee túvíꞌ ráa, nkachiꞌ nu̱u̱nꞌ Tutuꞌ Ííꞌ Ndiosíꞌ, chi kíninkava ráa kúníꞌin iniꞌ ráa nu̱u̱nꞌ tu̱ꞌun re̱ꞌ, chi saá váji ráa ya̱ kunoꞌo ráa suꞌva.