Mateo 11:4 - Mixteco del suroeste de Tlaxiaco Oaxaca

⁴ Jee nna̱xiníkó Jesús nu̱u̱nꞌ ráa: ―Kuáꞌán rán jee nakani rán nu̱u̱nꞌ Juan jie̱ꞌe̱ꞌ rá tu̱ꞌun ya̱ tésóꞌo rán jín rá tiñu sáꞌá ni̱ꞌ ya̱ néꞌyá rán.

Mateo 11:4 Iomraidhean Croise

Mateo 11:3

sáva katu̱ꞌún ráa Jesús, jee kachiꞌ ráa nu̱u̱nꞌ re̱ꞌ: ―¿Á noꞌó ví Cristo ya̱ nchi̱sóyuꞌú Ndiosíꞌ ya̱ íyó kiji‑i tatúníꞌ‑i nu̱u̱nꞌ nɨꞌɨ?, áxí, ¿á íyó kunetu ráníꞌ inka ka̱ꞌ?

Mateo 11:5

Rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ nuꞌuꞌ ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.

Mateo 15:30

Jee nkenta kue̱ꞌe̱ꞌ víꞌí rá ñɨvɨ nu̱u̱nꞌ re̱ꞌ, jee náka ráa rá ñɨvɨ lénkó, ñɨvɨ kuáá, ñɨvɨ kúꞌlúꞌ, ñɨvɨ ñɨ́ꞌɨ́nꞌ, jín kue̱ꞌe̱ꞌ víꞌí ka̱ꞌ rá ñɨvɨ kúꞌvíꞌ. Jee ñakɨnꞌ ráa rá ñɨvɨ kúꞌvíꞌ vá nu̱u̱nꞌ íñɨ́ Jesús. Jee nxi̱núvi re̱ꞌ rá ñɨvɨ kúꞌvíꞌ vá.

Mateo 21:14

Jee yukuán ña̱kuyatɨn rá ñɨvɨ kuáá, jín ñɨvɨ lénkó nu̱u̱nꞌ íñɨ́ Jesús iniꞌ chíkéꞌi nééꞌ ichinúúnꞌ veñu̱ꞌun, jee nxi̱núvi re̱ꞌ ráa.

Mateo 8:3

Saájee nsi̱kááꞌ Jesús naꞌá re̱ꞌ nchi̱só re̱ꞌ naꞌá re̱ꞌ maa, jee nkachiꞌ re̱ꞌ: ―Kuíni ni̱ꞌ, nunoo nú nuvi nú ―nkachiꞌ re̱ꞌ, jee kuísá máá hora yukuán nnu̱noo nu̱u̱nꞌ téꞌyúꞌ ñɨɨn te̱e vá jee nnuvi‑i.

Juan 14:11

Íyó i̱nu̱ꞌ iniꞌ rán nuꞌuꞌ ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ, jín ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ. Jee retú ntu̱ví jínúꞌ iniꞌ rán ya̱ káchíꞌ ni̱ꞌ, íyó ji̱nu̱ꞌ iniꞌ rán jie̱ꞌe̱ꞌ rá tiñu ya̱ sáꞌá ni̱ꞌ.

Juan 5:36

’Soo íyó ɨɨn ya̱ jiáꞌa ya̱ naáꞌ máá ñáꞌnú yɨ́yáꞌvi ka̱ꞌ jie̱ꞌe̱ꞌ ni̱ꞌ nsú káꞌ ya̱ njia̱ꞌa Juan. Chi rá tiñu ya̱ ntaji Tátáꞌ ni̱ꞌ sáva sikúnkuvi ni̱ꞌ, jee rá tiñu vá ya̱ sáꞌá ni̱ꞌ jiáꞌa ya̱ naáꞌ jie̱ꞌe̱ꞌ ni̱ꞌ, chi rá tiñu vá stúvi ya̱ Tátáꞌ ni̱ꞌ nchu̱ichí re̱ꞌ nuꞌuꞌ.