Mateo 11:3 - Mixteco del suroeste de Tlaxiaco Oaxaca

³ sáva katu̱ꞌún ráa Jesús, jee kachiꞌ ráa nu̱u̱nꞌ re̱ꞌ: ―¿Á noꞌó ví Cristo ya̱ nchi̱sóyuꞌú Ndiosíꞌ ya̱ íyó kiji‑i tatúníꞌ‑i nu̱u̱nꞌ nɨꞌɨ?, áxí, ¿á íyó kunetu ráníꞌ inka ka̱ꞌ?

Mateo 11:3 Iomraidhean Croise

Génesis 12:3

Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 11:10

chi tu̱ꞌun jie̱ꞌe̱ꞌ Juan ví ya̱ níso nu̱u̱nꞌ Tutuꞌ Ííꞌ nééꞌ Tu̱ꞌun Ndiosíꞌ, jee káchíꞌ‑i suꞌva: ¡Tɨɨn kuéntáꞌ! Tají ni̱ꞌ ɨɨn te̱e ni̱ꞌ ya̱ kachitu̱ꞌún re̱ꞌ tu̱ꞌun ni̱ꞌ xíꞌna ka̱ꞌ nsú ka̱ꞌ kenta nú, jee sáva satúꞌva re̱ꞌ rá ñɨvɨ sáva natuꞌva ráa noꞌó sáá kenta nú nkachiꞌ Ndiosíꞌ, káchíꞌ nu̱u̱nꞌ Tutuꞌ Ííꞌ.

Mateo 11:4

Jee nna̱xiníkó Jesús nu̱u̱nꞌ ráa: ―Kuáꞌán rán jee nakani rán nu̱u̱nꞌ Juan jie̱ꞌe̱ꞌ rá tu̱ꞌun ya̱ tésóꞌo rán jín rá tiñu sáꞌá ni̱ꞌ ya̱ néꞌyá rán.

Mateo 21:5

Kachiꞌ rán nu̱u̱nꞌ rá se̱ꞌya ñuunꞌ Sión: “¡Kune̱ꞌyá!, yaꞌá va̱ji nu̱u̱nꞌ ránoꞌó maáréꞌ ya̱ kúñáꞌnú tátúníꞌ re̱ꞌ nu̱u̱nꞌ ránoꞌó, jee láꞌví va̱ji re̱ꞌ, jee yósóꞌ re̱ꞌ ɨɨn burrúꞌ, jee yósóꞌ re̱ꞌ ɨɨn burrúꞌ lúlí ya̱ kúvi se̱ꞌya ɨɨn kitɨ níso ve̱i.” Sukuán káchíꞌ nu̱u̱nꞌ Tutuꞌ Ííꞌ.

Mateo 21:9

Jee rá ñɨvɨ ya̱ kuáꞌánꞌ ichinúúnꞌ re̱ꞌ jín rá ñɨvɨ níkɨ́nꞌ ya̱ta̱ꞌ re̱ꞌ kánajíín ráa, jee káchíꞌ ráa: ―¡Sikáku ránuꞌuꞌ, nákuetúꞌún‑ó maáréꞌ ya̱ kúvi Se̱ꞌya ichiyúkúnꞌ David! ¡Na̱ ka̱ꞌ netuꞌ ka̱ꞌ kúvi maáréꞌ ya̱ váji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ! ¡Sikáku Ndiosíꞌ yó!, chi, ¡na̱ ka̱ꞌ ñáꞌnú ka̱ꞌ Ndiosíꞌ nééꞌ antivɨ́ súkún! ―káchíꞌ rá ñɨvɨ vá.

Marcos 11:9

Jee rá ñɨvɨ kua̱ꞌa̱nꞌ ichinúúnꞌ re̱ꞌ jín rá ñɨvɨ níkɨ́nꞌ ya̱ta̱ꞌ re̱ꞌ nka̱najíín ráa: ―¡Sikáku ránuꞌuꞌ! ¡Na̱ ka̱ꞌ netuꞌ ka̱ꞌ kúvi te̱e ya̱ va̱ji‑i nu̱u̱nꞌ súví I̱toꞌoꞌ‑ó!

Lucas 19:38

Jee nkachiꞌ ráa: ―Na̱ ka̱ꞌ netuꞌ ka̱ꞌ kúvi maáréꞌ ya̱ nísotíñú tátúníꞌ re̱ꞌ nu̱u̱nꞌ ñɨ̱vɨ́, ya̱ váji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ. Násaꞌá mániꞌ táꞌán re̱ꞌ yó jín Ndiosíꞌ ya̱ nééꞌ antivɨ́, jee na̱ ka̱ꞌ viiꞌ nasɨ́kuitɨꞌ ka̱ꞌ kúñáꞌnú Ndiosíꞌ ya̱ íyó re̱ꞌ ne̱ antivɨ́ súkún ―nkachiꞌ ráa.

Juan 11:27

Jee nkachiꞌ ña nu̱u̱nꞌ re̱ꞌ: ―Saá, I̱toꞌoꞌ, jínúꞌ iniꞌ ni̱ꞌ ya̱ noꞌó kúvi nijia máá Cristo ya̱ kúvi Se̱ꞌya Ndiosíꞌ, ya̱ káchíꞌ nu̱u̱nꞌ Tutuꞌ Ííꞌ ya̱ kiji nú iniꞌ ñɨ̱vɨ́ yaꞌá ―nkachiꞌ ña.

Juan 12:13

jee ña̱ꞌnu̱ꞌ ráa rá naꞌá yutun yu̱ku̱ñu̱u̱nꞌ jee nkene ráa kua̱taꞌanꞌ ráa Jesús, jee nka̱jiéꞌé ráa kánajíín ráa, jee káchíꞌ ráa: ―¡Sikáku Ndiosíꞌ yó! ¡Na̱ ka̱ꞌ netuꞌ ka̱ꞌ kúvi maáréꞌ ya̱ va̱ji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ! ¡Maáréꞌ kúvi re̱ꞌ te̱e ya̱ nísotíñú re̱ꞌ tátúníꞌ re̱ꞌ nu̱u̱nꞌ rá ñɨvɨ ñuunꞌ Israel! ―nkachiꞌ ráa.

Juan 16:14

Jee maáréꞌ vá stúvi ya̱ kúñáꞌnú nasɨ́kuitɨꞌ ni̱ꞌ, chi rá tu̱ꞌun ya̱ nkachiꞌ ni̱ꞌ jee nakachiꞌ va̱ꞌa re̱ꞌ maa nu̱u̱nꞌ rán jee kukáꞌnú iniꞌ rán maa.

Juan 4:21

Jee nkachiꞌ Jesús nu̱u̱nꞌ ña: ―Nánáꞌ, íyó i̱nu̱ꞌ iniꞌ nú tu̱ꞌun kachiꞌ ni̱ꞌ nu̱u̱nꞌ nú, chi kiji ki̱vɨ̱ꞌ ya̱ nsú yuku yaꞌá, jee ni nsú Jerusalén kuvi nu̱u̱nꞌ kuneñu̱ꞌun nú Tátáꞌ ya̱ kúvi Ndiosíꞌ.

Juan 6:14

Saájee sáá niniꞌ rá ñɨvɨ vá seña a̱nasɨ́ ya̱ nsa̱ꞌá re̱ꞌ, jee nkachiꞌ ráa: ―Máá nááꞌ nijia ya̱ te̱e yaꞌá kúvi máá te̱e ya̱ íyó kiji iniꞌ ñɨ̱vɨ́ nakani‑i tu̱ꞌun kene yuꞌú Ndiosíꞌ ―nkachiꞌ ráa.

Juan 7:31

Jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa ya̱ kúvi re̱ꞌ Cristo, jee nkachiꞌ ráa: ―Jee sáá kiji máá maá Cristo, ¿á saꞌá re̱ꞌ ka̱ꞌ seña a̱nasɨ́ nsú káꞌ te̱e yaꞌá rúja? ¡Ntu̱ví!, [saáva íyó kúvi re̱ꞌ Cristo].

Hebreos 10:37

Chi káchíꞌ nu̱u̱nꞌ Tutuꞌ Ííꞌ: Yakuꞌ tíꞌínꞌ ni ka̱ꞌ tiempúꞌ kúníꞌ, jee kiji tuku Cristo ya̱ maáréꞌ vá íyó niji. Jee nsáꞌ kukuéé re̱ꞌ jee tiaaꞌ re̱ꞌ.