Biblia Todo Logo
Bìoball air-loidhne

- Sanasan -




Mateo 11:11 - Mixteco del suroeste de Tlaxiaco Oaxaca

11 Jee máá naáꞌ vá káchíꞌ ni̱ꞌ nu̱u̱nꞌ rán, ya̱ nteñu rá ñɨvɨ ñɨ̱vɨ́ ya̱ káku nu̱u̱nꞌ ñaꞌan ntu íyó ni ɨɨn ñɨvɨ ya̱ kúñáꞌnú‑u ka̱ꞌ nsú káꞌ kua̱ꞌ kúñáꞌnú Juan te̱e síkuánuté. Soo súka̱ꞌ sukuán jee ñɨvɨ yɨ́ꞌɨ́‑ɨ naꞌá Ndiosíꞌ ya̱ nééꞌ re̱ꞌ antivɨ́ súkún, jee súka̱ꞌ láꞌví ka̱ꞌ iniꞌ‑i jee núun ka̱ꞌ kúvi‑i nu̱u̱nꞌ nɨꞌɨ soo kuñáꞌnú ka̱ꞌ ñɨvɨ vá nsú káꞌ Juan.

Faic an caibideil Dèan lethbhreac




Mateo 11:11
31 Iomraidhean Croise  

chi tu̱ꞌun jie̱ꞌe̱ꞌ Juan ví ya̱ níso nu̱u̱nꞌ Tutuꞌ Ííꞌ nééꞌ Tu̱ꞌun Ndiosíꞌ, jee káchíꞌ‑i suꞌva: ¡Tɨɨn kuéntáꞌ! Tají ni̱ꞌ ɨɨn te̱e ni̱ꞌ ya̱ kachitu̱ꞌún re̱ꞌ tu̱ꞌun ni̱ꞌ xíꞌna ka̱ꞌ nsú ka̱ꞌ kenta nú, jee sáva satúꞌva re̱ꞌ rá ñɨvɨ sáva natuꞌva ráa noꞌó sáá kenta nú nkachiꞌ Ndiosíꞌ, káchíꞌ nu̱u̱nꞌ Tutuꞌ Ííꞌ.


Jee Juan, te̱e síkuánuté, chi ne̱ ki̱vɨ̱ꞌ nka̱jiéꞌé stékútu̱ꞌún re̱ꞌ Tu̱ꞌun Ndiosíꞌ, jín ne̱ vitan, jee núnasɨ́ víꞌí rá ñɨvɨ ki̱vɨ ráa xi̱ntíín Ndiosíꞌ ya̱ nééꞌ re̱ꞌ antivɨ́ súkún tatúníꞌ re̱ꞌ nu̱u̱nꞌ ráa, jee jiásɨ́ꞌ rá te̱e xe̱e̱nꞌ nu̱u̱nꞌ ráa.


Jee sáá njia̱ꞌa tiempúꞌ jee nkenta rá ki̱vɨ̱ꞌ yukuán ya̱ nkenta Juan síkuánuté jee ne̱ nu̱u̱nꞌ ñuꞌún saɨn tɨ́ɨn Judea nste̱kútu̱ꞌún re̱ꞌ nu̱u̱nꞌ rá ñɨvɨ,


’Jee nuꞌuꞌ chi máá naáꞌ nijia ya̱ síkuánuté ni̱ꞌ ránoꞌó jín nute kuíí ni, ya̱ stúvi ya̱ nna̱kani nijia iniꞌ rán nu̱u̱nꞌ Ndiosíꞌ jie̱ꞌe̱ꞌ kua̱chi rán. Soo ya̱ta̱ꞌ ni̱ꞌ kiji ɨɨn ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ ya̱ kunaꞌá ni̱ꞌ sú kua̱chi ni̱jia̱nꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ sáva kɨꞌɨ‑ɨ ánímaꞌ ránú ya̱ nákani iniꞌ rán, jee rá inka rán, ya̱ ntu nákani iniꞌ rán, sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.


Saáva néni ɨɨn ñɨvɨ ya̱ síjíta‑a ɨɨn tu̱ꞌun ya̱ tátúníꞌ Ndiosíꞌ sú kúvi ɨɨn tiñu máá lúlí ka̱ꞌ, jee xínéꞌénꞌ‑e rá inka ka̱ꞌ ñɨvɨ ya̱ suni sukuán sijíta ráa maa, jee Ndiosíꞌ ya̱ nééꞌ re̱ꞌ antivɨ́ súkún kachiꞌ re̱ꞌ ya̱ núun ka̱ꞌ máá lúlí ka̱ꞌ kuvi ñɨvɨ vá iniꞌ naꞌá re̱ꞌ nu̱u̱nꞌ tátúníꞌ re̱ꞌ. Soo néni ɨɨn ñɨvɨ ya̱ sáꞌá‑a ya̱ tátúníꞌ Ndiosíꞌ jín xínéꞌénꞌ‑e ya̱ inka ñɨvɨ saꞌá ráa suꞌva jee Ndiosíꞌ ya̱ nééꞌ antivɨ́ súkún kachiꞌ re̱ꞌ ya̱ kuñáꞌnú ñɨvɨ vá iniꞌ naꞌá re̱ꞌ nu̱u̱nꞌ tátúníꞌ re̱ꞌ.


chi ichinúúnꞌ Ndiosíꞌ kuvi re̱ꞌ ɨɨn te̱e kúñáꞌnú. Jee ni nsáꞌ koꞌo re̱ꞌ nixiꞌ nu̱xi uva ni nixiꞌ xéénꞌ, jee ne̱ kɨꞌɨ chitú Ta̱chi̱ꞌ Ííꞌ Ndiosíꞌ iniꞌ re̱ꞌ ne̱ ñúchíji nánáꞌ re̱ꞌ maáréꞌ.


’Jee káchíꞌ ni̱ꞌ nu̱u̱nꞌ ránú ya̱ nteñu rá ñɨvɨ ñɨ̱vɨ́ ya̱ káku nu̱u̱nꞌ ñaꞌan ntu íyó ni ɨɨn ñɨvɨ ya̱ kúñáꞌnú‑u ka̱ꞌ nsú káꞌ kua̱ꞌ kúñáꞌnú Juan. Soo súka̱ꞌ sukuán, jee ñɨvɨ yɨ́ꞌɨ́‑ɨ naꞌá Ndiosíꞌ saꞌá ni̱ꞌ ya̱ ki̱vɨ‑ɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ‑u jee súka̱ꞌ láꞌví ka̱ꞌ iniꞌ‑i soo kuñáꞌnú ka̱ꞌ ñɨvɨ vá nsú káꞌ Juan.


Jee nkachiꞌ re̱ꞌ nu̱u̱nꞌ ráa: ―Néni ɨɨn ñɨvɨ ya̱ nu̱u̱nꞌ súví nuꞌuꞌ íyó maniꞌ iniꞌ‑i nakuatáꞌví‑i su̱chí lúlí yaꞌá, jee suni íyó maniꞌ iniꞌ‑i nakuatáꞌví ñɨvɨ vá nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví ráa nuꞌuꞌ, suni íyó maniꞌ iniꞌ‑i nakuatáꞌví ñɨvɨ vá Ndiosíꞌ ranika̱ꞌ, ya̱ nchu̱ichí nuꞌuꞌ va̱ji ni̱ꞌ. Chi ɨɨn ñɨvɨ ya̱ ntu kúñáꞌnú‑u ka̱ꞌ nteñu ntáká rán, suvivá kúñáꞌnú ka̱ꞌ nu̱u̱nꞌ Ndiosíꞌ ―nkachiꞌ Jesús.


Jee Juan jiáꞌa ya̱ naáꞌ jie̱ꞌe̱ꞌ re̱ꞌ, jee nkachiꞌ‑i: ―Te̱e yaꞌá kúvi re̱ꞌ jie̱ꞌe̱ꞌ nkachiꞌ ni̱ꞌ: “Maáréꞌ ya̱ kiji ichinúúnꞌ ni̱ꞌ máá kúñáꞌnú ka̱ꞌ ví re̱ꞌ nsú káꞌ nuꞌuꞌ, chi íyó re̱ꞌ xíꞌnañúꞌún ka̱ꞌ nsú káꞌ nuꞌuꞌ.”


Jee ya̱ta̱ꞌ ni̱ꞌ kiji tee yaꞌá ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó níꞌin ni̱ꞌ ya̱ nanají ni̱ꞌ ñɨɨn yɨ́ꞌɨ́ ni̱jia̱nꞌ yɨ́ꞌɨ́ jie̱ꞌe̱ꞌ re̱ꞌ.


Jee kue̱ꞌe̱ꞌ rá ñɨvɨ kenta nu̱u̱nꞌ nééꞌ re̱ꞌ, jee nkachiꞌ ráa jín ɨɨn inka ráa: ―Máá nááꞌ kúvi nijia ya̱ Juan jee ni ntu̱ví nsáꞌá re̱ꞌ ni ɨɨn seña a̱nasɨ́, soo nɨꞌɨ rá tu̱ꞌun ya̱ nkachiꞌ re̱ꞌ jie̱ꞌe̱ꞌ te̱e yaꞌá kúvi ya̱ naáꞌ nijia ―nkachiꞌ ráa.


Chi saá íyó kukueꞌeꞌ ka̱ꞌ kúñáꞌnú Jesús, jee nuꞌuꞌ chi saá íyó nuyakuꞌ ka̱ꞌ tiñu níso nuꞌuꞌ.


Juan jee nkuvi re̱ꞌ kuéntáꞌ ɨɨn kantil ya̱ ntɨɨn ñuꞌunꞌ jee nstu̱únꞌ‑u, chi njia̱ꞌa re̱ꞌ ya̱ naáꞌ jie̱ꞌe̱ꞌ Tu̱ꞌun Ndiosíꞌ. Jee ránoꞌó chi nku̱sɨ̱ɨ̱ꞌ iniꞌ rán nsa̱ꞌá ñuꞌunꞌ vá yakuꞌ tiempúꞌ.


Soo nkachiꞌ Jesús rá tu̱ꞌun yaꞌá jie̱ꞌe̱ꞌ Ta̱chi̱ꞌ Ííꞌ Ndiosíꞌ, chi rá ñɨvɨ ya̱ kúneí iniꞌ ráa re̱ꞌ, jee ni̱ꞌi̱nꞌ ráa Ta̱chi̱ꞌ Ííꞌ Ndiosíꞌ kɨꞌɨ‑ɨ iniꞌ ánímaꞌ ráa. Chi ni ntiáꞌan taji Ndiosíꞌ Ta̱chi̱ꞌ Ííꞌ re̱ꞌ, chi jie̱ꞌe̱ꞌ ntiáné kɨ̱naa Jesús antivɨ́ súkún nu̱u̱nꞌ kúñáꞌnú re̱ꞌ.


Chi nuꞌuꞌ jee núun ka̱ꞌ kúñáꞌnú ni̱ꞌ nsú káꞌ rá inka ka̱ꞌ te̱e níso ráa tiñu apóstol nchu̱ichí Jesús, chi ni nsú te̱e va̱ꞌa kúvi ni̱ꞌ ya̱ ntu̱né íyó níꞌinꞌ ni̱ꞌ ya̱ kuna̱ní ni̱ꞌ apóstol, chi nsa̱ꞌá kini ni̱ꞌ rá ñɨvɨ ya̱ kúneí iniꞌ ráa Jesús ya̱ yɨ́ꞌɨ́ ráa naꞌá Ndiosíꞌ.


Saáva retú íyó rá tiñu iniꞌ ñɨ̱vɨ́ yaꞌá ya̱ kantátúꞌun ɨɨn inka rán, ¿á jiákɨ́nꞌ rán kua̱chi si̱kɨ̱ꞌ ñanitáꞌán rán nu̱u̱nꞌ ñɨvɨ ya̱ ntu níkɨ́nꞌ ráa Ndiosíꞌ ya̱ kúíchi iniꞌ‑ó ya̱ tátúníꞌ ráa nteñu rá ñanitáꞌán‑ó ya̱ kúneí iniꞌ‑ó Cristo?


Jee suni sukuán ntáká‑ó nuún ñaꞌnu‑ó jín ráa nteñu ráa tiempúꞌ yukuán, sáni ya̱ níyo iniꞌ‑ó saꞌá‑ó jín yɨkɨkúñu kua̱chi‑ó chi ntu nyɨ́ꞌɨ‑ó xi̱ntíín Ndiosíꞌ, jee nsa̱ꞌá‑ó sáni kuíni iniꞌ yɨkɨkúñu‑ó jín sáni jiáni iniꞌ antúníꞌ‑ó. Jee saáva nkuvi‑ó ñɨvɨ ya̱ íyó níꞌínꞌ‑ó ya̱ kítɨ́ꞌ iniꞌ Ndiosíꞌ néꞌyá re̱ꞌ yó ya̱ kunoꞌo‑ó tu̱nóꞌó xéénꞌ ya̱ taji re̱ꞌ nékúvi, kuéntáꞌ íyó níꞌinꞌ rá inka rá ñɨvɨ.


Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.


Soo vitan nstúvi kájí re̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó, chi nta̱jí re̱ꞌ Cristo Jesús, ya̱ nátavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó. Sú jíꞌí‑ó soo Cristo síjíta re̱ꞌ maa ya̱ nki̱nóo‑ó suꞌva chi stúvi re̱ꞌ nu̱nijínꞌ jín tu̱ꞌun váꞌa re̱ꞌ jie̱ꞌe̱ꞌ Jesús ya̱ kutekuꞌ‑ó jín re̱ꞌ nɨ́ɨ́nkání, jee ni nku̱víꞌ‑ó ka̱ꞌ.


Chi nsa̱ꞌá túꞌva Ndiosíꞌ ɨɨn ta̱ꞌvi̱ꞌ ya̱ kúvi ya̱ váꞌa víꞌí ka̱ꞌ nu̱u̱nꞌ‑ó, sáva kua̱chi jín maáó nuún nkáá kino̱o na̱a̱ꞌ ráa jín maáó saꞌá re̱ꞌ.


Rá te̱e ya̱ nna̱kani ráa tu̱ꞌun vá ya̱ nkene yuꞌú Ndiosíꞌ jie̱ꞌe̱ꞌ na̱ja natavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ yó, jee nna̱nukú tu̱ꞌun ñunkúún váꞌa ráa jie̱ꞌe̱ꞌ tu̱ꞌun nákani ráa ya̱ sikútaꞌviꞌ re̱ꞌ ta̱ꞌvi̱ꞌ vá nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ néꞌyá re̱ꞌ yó vitan.


Lean sinn:

Sanasan


Sanasan