Mateo 10:6 - Mixteco del suroeste de Tlaxiaco Oaxaca

⁶ Chisaꞌ kɨ̱ꞌɨ̱nꞌ rán nu̱u̱nꞌ rá ñɨvɨ tataꞌ ichiyúkúnꞌ ñuunꞌ Israel, chi suviráa vá kúvi kuéntáꞌ rá lanchi ya̱ nsu̱kuíta rátíꞌ maárátíꞌ.

Mateo 10:6 Iomraidhean Croise

Mateo 18:10

’Jee koto kúníichiꞌ iniꞌ rán ni ɨɨn rá su̱chí lúlí yaꞌá. Chi nuꞌuꞌ káchíꞌ ni̱ꞌ nu̱u̱nꞌ rán, ya̱ rá najiáꞌáꞌ ííꞌ ya̱ íyó ne̱ antivɨ́ súkún, ya̱ kúmí ráa rá su̱chí lúlí yaꞌá, jee sukuáni íñɨ́ rá najiáꞌáꞌ vá ichinúúnꞌ Tátáꞌ ni̱ꞌ ya̱ íyó ne̱ antivɨ́ súkún nákani ráa jie̱ꞌe̱ꞌ rává.

Mateo 18:11

Chi nuꞌuꞌ, ya̱ nkenta ni̱ꞌ kúvi ni̱ꞌ Se̱ꞌya Ñɨvɨ ñɨ̱vɨ́, va̱ji ni̱ꞌ sikáku ni̱ꞌ rá ñɨvɨ súkuíta ráa maáráa síkɨ́naanꞌ ráa maáráa.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Hechos 18:6

Soo sáá nnuni̱ꞌin ráa jín Pablo, jee sáá káꞌánꞌ niva̱ꞌa ráa si̱kɨ̱ꞌ re̱ꞌ, jee nkisɨ re̱ꞌ ti̱ka̱cha̱a̱ꞌ saꞌma re̱ꞌ, sáva naistúvi re̱ꞌ ya̱ íyó si̱kɨ̱ꞌ ráa. Jee nkachiꞌ‑i: ―Si̱kɨ̱ꞌ maárán ví ya̱ kiji ya̱ xinóꞌo Ndiosíꞌ ránoꞌó. Nsú ka̱ꞌ si̱kɨ̱ꞌ ni̱ꞌ ví‑i. Ne̱ ntañúꞌún, kɨ̱kaꞌanꞌ ni̱ꞌ jín rá ñɨvɨ ntu kúvi Israel.

Hechos 26:20

Jee xíꞌnañúꞌún nste̱kútu̱ꞌún ni̱ꞌ nu̱u̱nꞌ rá ñɨvɨ ñuunꞌ Damasco, jín suni nu̱u̱nꞌ rá ñɨvɨ ñuunꞌ Jerusalén, jín nu̱u̱nꞌ nɨꞌɨ sánitɨ́ɨn Judea, jín nu̱u̱nꞌ rá inka nación, ya̱ nakani iniꞌ ráa jee nakunikɨnꞌ ráa Ndiosíꞌ. Jee nste̱kútu̱ꞌún ni̱ꞌ, ya̱ saꞌá ráa rá tiñu váꞌa, ya̱ stúvi ya̱ nna̱kani nijia iniꞌ ráa.

Hechos 3:26

Sáá ñani Ndiosíꞌ Jesús ya̱ kúvi musúꞌ re̱ꞌ kuatíñú re̱ꞌ, jee nchu̱ichí re̱ꞌ maa nu̱u̱nꞌ rán xíꞌnañúꞌún, sáva saꞌá re̱ꞌ ya̱ netuꞌ kuvi rán, ya̱ nakani iniꞌ ta ɨɨn rán ya̱ ni̱váꞌa níkɨ́nꞌ rán, jee kunikɨnꞌ rán Ndiosíꞌ ―nkachiꞌ Pedro nu̱u̱nꞌ rá ñɨvɨ.

1 Pedro 2:25

Chi nékúvi jee kúvi rán kuéntáꞌ rá lanchi ya̱ nkene sɨ́ɨ́n, soo vitan nni̱kó rán nu̱u̱nꞌ Cristo, ya̱ maáréꞌ vá kúmí ránoꞌó kuéntáꞌ ɨɨn ya̱ kúmí‑i lanchi, jee néen kuéntáꞌ re̱ꞌ ránoꞌó.