Mateo 10:5 - Mixteco del suroeste de Tlaxiaco Oaxaca

⁵ Jee ni uxúꞌ u̱vi̱ꞌ (12) rá te̱e yaꞌá nchu̱ichí Jesús ráa, jee nta̱túníꞌ re̱ꞌ nu̱u̱nꞌ ráa: ―Koto kívɨ rán rá ñuunꞌ nu̱u̱nꞌ nééꞌ rá ñɨvɨ ya̱ ntu kúvi ñɨvɨ Israel, jee suni koto kívɨ rán rá ñuunꞌ ñuꞌun Samaria.

Mateo 10:5 Iomraidhean Croise

Mateo 22:3

Jee nchu̱ichí re̱ꞌ rá musúꞌ re̱ꞌ kua̱kana ráa rá ñɨvɨ ya̱ nkana re̱ꞌ viko tána̱ꞌá, jee ntu nkuíni rá ñɨvɨ vá kiji rává.

Mateo 4:15

Ñuꞌun Zabulón jín ñuꞌun Neftalí, ya̱ káá ichi jiáꞌa yatin yúnteñúꞌún, íyo ka̱ꞌ ichi ntekáꞌnú Jordán, ñuꞌun Galilea nu̱u̱nꞌ nééꞌ rá ñɨvɨ ya̱ ntu kúvi ñɨvɨ ñuunꞌ Israel.

Marcos 6:7

Jee nkana re̱ꞌ ni uxúꞌ u̱vi̱ꞌ (12) rá te̱e. Jee nka̱jiéꞌé re̱ꞌ chuichí re̱ꞌ ta u̱vi̱ꞌ, ta u̱vi̱ꞌ ráa. Njia̱ꞌa re̱ꞌ tiñu tatúníꞌ ráa sáva taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ.

Lucas 10:1

Jee sáá njia̱ꞌa rá yukuán, jee ñani I̱toꞌoꞌ‑ó inka u̱ni̱xiko u̱ji̱ꞌ (70) ka̱ꞌ rá te̱e jee nchu̱ichí re̱ꞌ ni uvíꞌ ni uvíꞌ ráa kua̱ꞌa̱nꞌ xíꞌna ka̱ꞌ ntáká rá ñuunꞌ ntáká nu̱u̱nꞌ ya̱ íyó kɨ̱ꞌɨ̱nꞌ re̱ꞌ.

Lucas 10:33

Soo ɨɨn te̱e ñuunꞌ Samaria, ya̱ suni ichi yukuán kua̱ꞌa̱nꞌ re̱ꞌ, jee nkenta re̱ꞌ nu̱u̱nꞌ káá te̱e vá, jee sáá niniꞌ re̱ꞌ maa jee nku̱náꞌví iniꞌ re̱ꞌ maa.

Lucas 17:16

Jee nna̱kui̱ñɨ̱ꞌ ítɨ́‑ɨ jie̱ꞌe̱ꞌ Jesús, jee ña̱xin‑i nu̱u̱nꞌ‑u ne̱ nu̱u̱nꞌ ñu̱ꞌún, jiáꞌa‑a ya̱ kútaꞌviꞌ‑i nu̱u̱nꞌ Jesús. Jee kúvi‑i ɨɨn te̱e ñuunꞌ Samaria.

Lucas 9:1

Nkana Jesús nastútú re̱ꞌ ni uxúꞌ u̱vi̱ꞌ (12) rá te̱e kútáꞌán jín re̱ꞌ súkuáꞌa re̱ꞌ ráa, jee njia̱ꞌa re̱ꞌ fuersáꞌ ííꞌ níꞌin nu̱u̱nꞌ ráa jín tiñu tatúníꞌ ráa sáva tavaꞌ ráa rá kui̱ꞌna̱ꞌ yɨ́ꞌɨ́ iniꞌ rá ñɨvɨ, jín suni sáva xinúvi ráa rá ñɨvɨ kúꞌvíꞌ.

Lucas 9:2

Jee nchu̱ichí re̱ꞌ ráa kɨ̱kachitu̱ꞌún ráa tu̱ꞌun na̱ja ki̱vɨ ñɨvɨ xi̱ntíín Ndiosíꞌ jín ya̱ xinúvi ráa rá ñɨvɨ.

Juan 17:18

Chi kuéntáꞌ kua̱ꞌ nchu̱ichí nú nuꞌuꞌ va̱ji ni̱ꞌ iniꞌ ñɨ̱vɨ́ yaꞌá jín tiñu ntaji nú saꞌá ni̱ꞌ, jee nuꞌuꞌ suni sukuán chúichí ni̱ꞌ ráa nu̱u̱nꞌ rá ñɨvɨ ñɨ̱vɨ́ yaꞌá jín tiñu njia̱ꞌa ni̱ꞌ saꞌá ráa.

Juan 20:21

Saájee tukuni nkachiꞌ Jesús nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán. Kuéntáꞌ nchu̱ichí Tátáꞌ ni̱ꞌ nuꞌuꞌ jee suni sukuán tájí ni̱ꞌ ránoꞌó jín tiñu táji ni̱ꞌ nu̱u̱nꞌ rán.

Juan 4:20

Rá jííꞌ ráníꞌ yanaꞌán víꞌí ya̱ kúvi rá ñɨvɨ Samaria, jee nneñu̱ꞌun ráa Ndiosíꞌ nu̱u̱nꞌ yuku yaꞌá. Soo ránoꞌó ya̱ kúvi rán ñɨvɨ Israel, jee kachiꞌ rán ya̱ Jerusalén ví nu̱u̱nꞌ íyó kuneñu̱ꞌun‑ó Ndiosíꞌ ―nkachiꞌ ña.

Juan 4:5

Saájee nkenta re̱ꞌ nu̱u̱nꞌ ñuunꞌ naní Sicar ya̱ tɨ́ɨn Samaria, yatin nu̱u̱nꞌ káá ñuꞌun ya̱ njiáꞌa Jacob nu̱u̱nꞌ se̱ꞌya re̱ꞌ José ne̱ yanaꞌán.

Juan 4:9

Saájee ñaꞌan ñuunꞌ Samaria vá nkachiꞌ ña nu̱u̱nꞌ Jesús: ―Noꞌó ya̱ kúvi nú te̱e Israel jee, ¿na̱ja chi jíkánꞌ nú nute koꞌo nú nu̱u̱nꞌ nuꞌuꞌ ya̱ kúvi ni̱ꞌ ɨɨn ñaꞌan ñuunꞌ Samaria rúja? ―nkachiꞌ ña sukuán chi rá ñɨvɨ Israel jín rá ñɨvɨ Samaria jee ntu káꞌánꞌ ma̱ni̱ꞌ ráa.

Juan 7:35

Saájee rá te̱e kúñáꞌnú nu̱u̱nꞌ rá ñɨvɨ Israel jíkátu̱ꞌún táꞌán ráa, jee káchíꞌ ráa: ―¿Né núꞌ kúvi nu̱u̱nꞌ kɨ̱ꞌɨ̱nꞌ te̱e yaꞌá, ya̱ nsáꞌ naniꞌinꞌ‑ó maa rúja? ¿Á nsáꞌ kɨ̱ꞌɨ̱nꞌ re̱ꞌ nu̱u̱nꞌ nééꞌ rá táꞌán ñuunꞌ‑ó ya̱ kua̱ꞌa̱nꞌ ráa ñe̱te̱nuun ráa nééꞌ ráa rá ñuunꞌ Grecia? Jee, ¿á kɨ̱ꞌɨ̱nꞌ re̱ꞌ sukuáꞌa re̱ꞌ rá ñɨvɨ ñuunꞌ Grecia vá?

Juan 8:48

Saájee nna̱xiníkó rá ñɨvɨ Israel, jee nkachiꞌ ráa nu̱u̱nꞌ Jesús: ―¿Á ntu su va̱tu̱ni káchíꞌ ránꞌ ya̱ kúvi nú ɨɨn te̱e ñuunꞌ Samaria, jín ya̱ yɨ́ꞌɨ́ ɨɨn kui̱ꞌna̱ꞌ iniꞌ nú? ―nkachiꞌ ráa.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 10:45

Jee rá ñɨvɨ Israel kúneí iniꞌ ráa Jesús rá kútáꞌán jín Pedro nti̱vɨ́ xíniꞌ ráa, chi suni nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ rá ñɨvɨ ya̱ ntu kúvi Israel.

Hechos 8:1

Jee nuún jiáni iniꞌ Saulo jín ráa kaꞌniꞌ ráa Esteban. Jee maá ki̱vɨ̱ꞌ yukuán, nka̱jiéꞌé nsa̱ꞌá kini ráa rá ñɨvɨ ya̱ kúneí iniꞌ rává Jesús ya̱ kútútú rává ñuunꞌ Jerusalén. Jee nɨꞌɨ rá ñɨvɨ vá ñe̱te̱nuun ráa nu̱u̱nꞌ nɨꞌɨ rá ñuunꞌ tɨ́ɨn Judea jín Samaria. Soo nkino̱o métúꞌún rá nísotíñú apóstol.

1 Tesalonicenses 2:16

Chi núkú ráa jiásɨ́ꞌ ráa nu̱u̱nꞌ ránuꞌuꞌ, sáá káchítu̱ꞌún ránꞌ tu̱ꞌun jie̱ꞌe̱ꞌ Jesús nu̱u̱nꞌ rá ñɨvɨ ntu kúvi Israel, sáva natavaꞌ Ndiosíꞌ rá ñɨvɨ vá nu̱u̱nꞌ kua̱chi ráa nanitáꞌvíꞌ ráa. Suꞌva sukuáni sáꞌá rá ñɨvɨ Israel vá ya̱ núkueꞌeꞌ ka̱ꞌ kua̱chi si̱kɨ̱ꞌ ráa. Saájee ne̱ nkúvi ka̱ꞌ, jee nkenta ya̱ kítɨ́ꞌ iniꞌ Ndiosíꞌ néꞌyá re̱ꞌ ráa jee xinóꞌo re̱ꞌ ráa.